دخل رامي انا : يا¥£~€ شحال من خطرة نقلك طبطب واقيل حاسب الباب تاع باباك رامي : الحمد لله ونتا 😂😂 انا : رامي مرانيش نتمسخر معاك بركا من التبهليل رامي : واش ياخو على العام زابط وجهك اضحك شويا ياك مراحش تخلاص الدنيا انا : مرانيش فارغ شغل روح اخطيني رامي : خلاص واش رايك نروحو نسهرو لعشية فالبار انا : من بعد نشوف دوك راني مشغول رامي : خلاص انا نروح كي تكمل عيطلي راح رامي و بقيت فالبيرو نخدم حتى للعشية دخلت للدار بدلت و خرجت رحت للبار لي تفاهمنا انا و رامي نروحو ليه وصلت ڨريت الطوموبيل و دخلت لقيت رامي قاعد مع زوج بنات رامي : اهلا خو ارواح نعرفك على هاذ الشابات انا : مخصنيش رامي : شوف هاذي احلام و هاذي دنيا / نعرفكم على الشخصيات لجدد / ____ رامي : صاحب ايهاب لانتيم دايرو كي خوه و يحكيلو كلش عندو 26 سنة و هو جاي طويل و خادم الكور عينيه نوازات و جاي سمر ____ احلام : جاية طويلة و صابغة شعرها مي فالزين شوية شوية من هاذاك الجوغ لي يرمو رواحهم ____ دنيا : صحبة احلام و جاية كيما هي نفس الجوغ (ما يتصاحبو حتى يتشابهو 😂😂) انا : متشرفين احلام : ميسيو ايهاب نسمع بزاف عليك عندك شهرة كبيرة كنت متمنية نتلقاو و نحكو انا : و هاني قدامك احلام : والله فرحت بزاف دنيا : و مام انا فرحت مي ماشي قد لي تلاقيت برامي ( دنيا طايحة في رامي و احلام في ايهاب ) ليسونسيال جوزنا هاديك الليلة سهرنا حتى ل 2 و تبادلت النيمروات مع دنيا و احلام و رحت لدار دربتها برقدة لصباح
&&&&&&&&&&
عند نهال # نضت صباح غسلت وجهي حبطت للكوزينة وجدت قهوة و طلعت نوضت خياتي ناضو تم تم ماشي كي لعادة و حطيتلهم القهوة و قعدت معاهم كي لعادة لازم محاضرة مع صباح و بعتهم يقراو طلعت لبيتي شديت التيليفون كاش ما ندور فأنستا شوية كنت قاعدة نطلع حتى خرجلي اعلان تاع شركة بلي محتاجين عارضة للأزياء و حاطين البلاصة وين خممت و حبيت نسقسي ماني قبل كلش .. هبطت للتحت لقيت ماني مع خالتي فالصالون انا : صباح لخير و الورد و الياسمين ماني . خ وهيبة : صباح لخير بنتي انا : اممم ماني حبيت نقلك عفسة ماني : غير لخير واش كاين انا : لقيت خدمة خ وهيبة : واش من لخدمة هادي انا : كاين شركة تاع تصميم و عرض ملابس و راهم محتاجين عارضة يعني تلبس هاذوك لحوايج و تتصور بيهم سيتو ماني : هايلة والله غير ربحت انا نخلي بنتي تروح تبين روحها قدام الرايح و الجاي .. اواه غير روحي جهة اخرى انا : ماني ياك مراحش نشطح ولا راح برك نتصور و زيد الشهرية بزاف مليحة خيرمن لي كنت نخدم فالريستو هاكا نقدر نعاونكم فصوالح الدار و ما نكثرش عليكم ماني : انا دوك ما نقول والو كي يجي امير عشية سقسيه هو الراجل تاع الدار و كلمتو هي لي تمشي انا : صح و طلعت لبيتي عيطت لصحبتي و انتيم ديالي رحاب انا : واش الكلبة لوكان ما نعيطش نسقسي عليك والله ما تحوسي عليا لا مت و لا مزالني حية رحاب : واش هاد الهدرة نينو ياك علبالك راني مشومرة مزال ما فليكسيتش انا : معليه راني سامحتك هاد المرة ... اييي حقا عندي واش نحكيلك رحاب : كاش ما زاد صرا و انا لا خبر انا : يا حصراه راكي راقدة على ودنيك رحاب : هايا احكي واش راكي تستناي حكيتلها كلش من لول للخر حتى و حكاية الخدمة لي صبتها رحاب : و دوك زعما امير يقبل انا : نبلعطو شوية انا و شهرة و يقبل رحاب : اصبري برك نجي من دار ماني و نجي لعندكم و نحكو بيا انا : باي و كوبيت عليها من عيطلي ياسين من انا : وي خو صفا شوية ياسين : ملي خطيتينا سماطة الحالة انا : علبالي بلا بيا تضيعو 😁 ياسين : خلاص ما تديهاش في روحك بزاف 😂 انا : هيه واش تسحق ياسين : واش رايك نتلاقاو انا : دوك ياسين : ايه دوك و نخلصلك غدا .. واش قلتي فيها انا : كي ولات افار ماكلة باينة نجي ياسين : يخي مرهاجة 😂😂 ايا راني نستنى نتلاقاو فبلاصتنا اكي انا : ايا اتليكيدا دوك نجي ياسين : با كوبيتلو في وجهو 😂😂 رحت بدلت و لبست هاك 👇
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
جزت على ماني فالصالون انا : ماني راني خارجة هي : وين بيها وين انا : رح نتلاقا ب صحبتي ( ما تعنديها تكذب رح تتلاقا ب ياسين 😂) هي : اممم قلتيلي صحبتك انا : ايه رحاب ياك تعرفيها هي : خلاص روحي و ما طوليش خرجت مالدار و رحت لبلاصتنا انا و ياسين
&&&&&&&&&&&&
عند هيبة #
نضت صباح على صوت ختي لي يكسر الزجاج و لحجر 😂😂 تقهويت و خرجت مع يسرى لليسي وصلنا يسرى راحت عند صحاباتها و انا طلعت لكلاصتي حتى نسمع واحد يعيطلي درت صبتو فارس 🥰 ايما قلبي بدا يخبط حسيتو رح يخرج من بلاصتو فارس : صباح لخير لقلب انا بحشمة : صباح النور فارس : كي صبحتي غاية انا : والله الحمد لله هو : واش رايك ما ندخلوش نقراو ليوم و نجوزو فيها اون جوغني فالشباب انا : ما نقدرش لازم على 12 نروح مع يسرى لدار هو : نورمال نخرجو دوكا و 11.50 نكونو هنا عند لليسي و هكاك تقدري تحبطي مع ختك للدار انا : اممم ايلا هكا اكي خرجنا انا و فارس حبيب القلب لي معلبالهمش خياتي بيه ( من بعد نبيع لنهال 😂😂) محبيتش نقوللهم علبالي يكسرولي راسي رحنا ركبنا فالطرونسبور و درنا بزاف بلايص .. حتى نشوف فارس دخل لواحد الحانوت هو : اقعدي هنا دوك نجي انا : اكي دخل و خرج نشوفو رافد فيدو هادوك الببونات تاع ليكوبل لي يجو فتيليفونات و عطاني واحد ليا و دا واحد ليه انا : ميرسي بزاف شباب هو : بلا مزية القلب اففف كل ما يقولي القلب قلبي يبدا يشطح قبايلي شاوي سطايفي ( اما خيتي قلبي الصغير لا يتحمل 😂) كي لحقت 11.58 كنا عند الليسي حتا صونات و خرجت يسرى يسرى : وين كنتي يالكلبة ستنيتك في البلاصة لي متفاهمين عليها ما لقيتكش وليت خرجت انا : وحدة تقرا معانا نسات كراسها خرجت موراها باش نعطيهولها ( بنعمي شحال تخرط 😂😂) يسرى : معليه هايا نزربو باه نوصلو و رحنا نتمشاو انا و هي و الحمد لله ما فاقتش سينو تديها سخونة لنهال
&&&&&&&&&&& عند ايهاب # نضت صباح دوشت لبست كلاص و مشطت شعري للور درت ساعتي و حبطت لقيت العائلة الكريمة يتقهواو يما : صباح الخير وليدي انا : صباح الخير ريان : واش خو موليناش نشوفوك بزاف هاد اليامات انا : راكي تعرفي الخدمة و منا ريان : معليه خو اكرم : واش لقيتو عارضات للأزياء لجدد و لا مزال انا : رانا درنا اعلان و رح نبداو نخيرو الطلبات غير لي نشوفوها تصلح لي ندوها اكرم : ليوم عندي شغل مراحش نجي للشركة انا : كل يوم عندك شغل نتا باش برك تهرب و تخليلي لخدمة كامل عليا اكرم : والله والو خو غدوة نشالله نجي و نحيلك لجبال لي راهم فوق ظهرك انا : هايا متفاهمين ... نضت .. هيا بقاو على خير لعشية نشالله كامل : بقا على خير رحت ركبت فالطوموبيل حتى يصوني تيليفوني نيميرو ما نعرفوش ........
