كملنا خملنا الدار و سيقنا و رحنا ريحنا حتى للعشية باه بداو يجو العايلة و شوية من الجيران .... وجدنا العشاء حطينا للضياف من بعد رفدنا خسلنا الماعن و طلعنا لبسنا سامبل و انا لبست هكا 👇
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
تلمينا كامل فالصلون دخل امير بالبرنوص و درنا كامل بيه و خالتي خلطتلو الحنة و ماني تغنيلو حاني حاني يا الحنة و الحنة جبناها حنا ( 😂😂 يا هكا يغنو فالحنة يعني والله ماراني حافظتها 😅) و امير غير يضحك حتى ضروس العقل بانو 😂 من بعد كي كملو الحنة شعلنا البوسط و قلبناها زدڨ ردڨ حي عليا 😂 و انا ارواح نتا و شدني فبلاصتي علاه حبيت نريح من شطيح مع كل غنية تلقاني انا فالوسط 😂 قلت والله نبرد قلبي عندي شحال و انا مديڨوتيا حتى 12.30 طلعنا فرشنا كل واحد لاسق في واحد و لي راقدين فبونك واحد و لي يضاربو على المخايد وحدة تقول انا ما نرقدش في هاذي عالية و لوخرة تقلك ما نحبش تاع الصوف و زيد لي مالقاتش باه تتغطى و لي سرقت ماطلة من البيت لوخرا و الدوزيام تعيط تقول وين راهي ماطلتي شكون سرقها 😂😂😂 خخخخ ليسونسيال ماجاو يسكتو و يرقدو حتى قريب طرطقلي عرق ( حلاوة العراس كي يضاربو على البلايص و الفراش 😂)
&&&&&&&&&& عند امير # راني فرحان بزاف بيسك غدوة نجيب لي بغاها قلبي لداري ليوم جاز نهار كامل مع التوجاد و الصوالح عييت حتى لليل لبسولي البرنوس و حناولي و انا غي فرحان و زادت عليا المهبولة تاع نهال ماحبتش تريح من الشطيح 😂 يما ختي ماني هيبة يسرى نهال كامل فرحولي من قلبهم تمنيت لوكان بابا حضر لفرحي مي الله غالب ربي دا امانتو قبل ما يشوف وليدو عريس
&&&&&&&&&&&& عند ايهاب # اليوم جاز سامط بالنسبة ليا بيسك نهال مكاش و مراحش تجي 3 ايام بيسك عرس وليد خالتها و حنا غدوة نروحو بيسك مانها عرضتنا و عرضت دارنا لحق ليل جوزتو كي العادة و انا نخمم في نهال &&&&&&&&&&&&& صباح جديد # انا نحكي 😅# ناضو صحاب العرس راح لعريس عند الكوافور يمشط و يستيكي روحو و لبنات حتى كملو الفريس و راحو للكوافوز كامل كيف كيف نهال و شهرة و هيبة و يسرى و شوية بنات عموم شهرة لي جاو البارح مشطو سامبل مع مايكب سامبل جاو يهبلو و كي كملو رجع للدار لبسو و قعدو يستناو باه يروحو فالكورتاج نهال كانت هكا 👇
