اسرار الغائر

Part 9

البارت التاسع

#لا تنسوا تصوتون وتعلقون بين الفقرات🦋

#رواية: اسرار الغائر
#الكاتبة:اماني

#احسك لغز شنوه وشنو اوصافك ؟!____________________________

طلع من حمام لاف الخاولي على جسمه بقى صافن عليه وملامح قلق بوجه بحركة سريعة مني بدون ما انتبه لنفسي كمت و وركعت التلفون بالكاع وكفت بوجه اعيط واصرخ بكل قوتي

_ انت ما عندك ضمير ولا مستحه يعني هم قاتل وهم مجرم وهم خاين وغدار وويا منو ويا ارخص وحده شافتها عيني

... ضربته على صدره وعطت ..... ليشششش تسوي بيه هيج ليشششششش ما لزمت نفسي من العصبية صفكته  راشدي بكل قوتي ايدي وجعتني التفت عليه من العصبية عيونه حمر تريد تطلع من مكانها ... رجع ورفع ايده وضربني راشدي اقوى من مالتي باضعاف بحيث وكعت على اثرها بالكاع ... بدون ميجاوبني اخذ التلفون وملابسه وطلع وركع الباب وراه بقيت نايمه بالكاع ودموعي تنزل شلال على خدودي ضليت ابجي ساعة اطلع قهر كلبي وضيمي بالدموع واندب حظي الجابني عليه وعلى خبالاته وكلشي ممعروف عنه هسه يطلع مجرم وقاتل ويهددوه اكيد رح يوصلني السره ويجيني يوم

من بعد نوبه بكاء هدئت شويه وكمت دخلت سبحت بمي بارد عسى ولعل برودها يوصل لكلبي ويطفي ناره
كملت لبست البرنص وطلعت بدلت ودخلت للفراش والمكيف شغلته وبدون ما اتحرك دقايق وغفيت فزيت على ايد على بروده ايد على جبيني بارده حيل تحركت بانزعاج بس احس جسمي متشنج وكله يوجعني سمعته يحجي ويايه بس كلامه ممفهوم وصوته كانو يجيني من بير وكوه يوصلني سحيت عليه شالن من الفراش وما شوف خير اني جوا الدوش والمي بارد نزل عليه وجهي شهكت بقوى وفتحت عيوني لكيته لازمني من ايديه ومثبتني جوا المي واني مثل دايخة بس اريده يعوفني حتى اطلع من جوا المي

غزل: وخر عني حيوان شبيك لازمني هيج وخرر المي ثلج بارده حيييل .... اضرب بيه وكوه ارفع ايدي ولا يتحرك اريد انهزم يرجع يثبتني بقى هيج لحد ما هدئت والمي صار طبيعي عافني وطلع غسلت ونزعت ملابسي مبلله ولبست البرنص مالته لان مالتي بقت برا بالغرفة جانت جبيره عليه شوي بس شسوي لبسته وطلعت لكيته مبدل وكاعد على الجرباية وبايده خاولي غلست عليه رحت فتحت الكنتور طلعتلي بجامة (ستن) ودخلت لبستهن ورجعت للفراش جريت الغطى اتمدد سحبني من ايدي وكعدني نترت ايده ووخرت منه