البارت الخامس عشر
#لاتنسوا التصويت وتعليق بين الفقرات كلبي🦋
#رواية:اسرار الغائر
#الكاتبة :اماني
::اعتذر هواي على تاخير كانت عندي اسباب وضروف وان شاء الله يكون بارت طويل وختام حلو 🫶🏻🫂"احبكم هواي"
#الأختيار الصَح يحليّ الروح وينور المـلامح ♥️.
_____________________________
لمار : وكعت غزل وغائر عاط وهو يشيلها ركضنا عليها عيونها ابيضت وصارت ترجف شالها وركض بيها للسيارة وركضنا كلنا وراهم صعد وياه حامد صعد حامد وساق بيهم للمستشفى
ركض اديب اخو غزل سيارته وامها وياه سمعت امي تصيح جيبي عباتي جبتها وصعدت وياهم وانطلقنا للمستشفى وراهم ورا مدة وصلنا ونزلنا كلنا ركض وراهم .. دخلوها وحطوها بالسدية وللطوارئ ... كعدنا على نار ننتضرها .. اني امي وخالة زهرة يبجن وينعن واني دموعي ما وكفت بس ادعي وامسح بدموعي يارب ما يصيرلها شي تطلع منها سلامات ... وغائر لازم الباب وواكف على احر من الجمر ينتضر ... ورا مدة اجت الدكتورة رحنا يمها بساع نزعت الكمامة ووجهها ميطمن
غائر: بشري دكتورة مرتي شبيها شلون وضعها هي بخير
حامد: احجي يمعوده راح يتخربط علينا الرجال بشرينا بروح العزاز
الدكتورة : يا جماعة صلوا على النبي انطوني مجال احجي
المريضة للاسف دخلت بغيبوبة بسبب الصدمة التعرضتلها
جمدنا بمكاننا من كالت هيج غائر بس يهزز براسه رافض يصدك وحامد يريده يكعد لان وضعة ابدا مجان يطمن اخذه وطلعه من المستشفى واحنا بس نبجي ... كعدت على الكرسي منهارة والهج بالدعاء
حنان : ربي طلعها سالمة من هل محنة ربي ارحم بحالها هي من اضعف عبادك ربي اجبر بخاطر الوليد وكومها بسلامة .... رجعت حطت ايديها على وجهها تبجي ويا امها
زهرة: كله صوجي اني بسببيي صار ببنتي هيج اخخخ ولج يمه سوده عليه بيه ولا بيج الوجع بعد امج ريتني ميتة ولا صاير بيج هيج ماماتييي غزالتيييي كعدي لا تسوين بيه هيج عساني بالموت ولا حاجيه عن هذاك الحقير من الله لا يرده كل هل فترة عافنا ميسال بس اجه دمرنا دمر حياتنا ... بهل اثناء دخل حامد ويا غائر راح غائر لغرفة دكتورة يستفسر وحامد جابلنا مي شويه و واجه غائر كعد
أنت تقرأ
اسرار الغائر
Mystery / Thriller#لاتسامح من اثقل الحياة على قلبك وجعل إنكسارك يصل الى عينيك بل اثبت له مقولة عما تيدن تدان 👌🏻..!
