اسرار الغائر

Part 10

البارت العاشر

#لا تنسوا تصوتون وتعلقون بين الفقرات🦋

#رواية:اسرار الغائر
#الكاتبة: اماني

#هلي شافوني ما انفع !
شني من المغرب اتوجع؟
صرت .. صرت ماي ببلم واتخيل شمكروه؟
علي اتكابلوا رادوني بس اطلع
هلي !
هلي انتم سبب حزني
عكس ماريد تدعولي ع المصلى
طحت طيحت دمع ع الكاع
محد كالي اسم الله
~~~~~~~~~~~~~~~~~~~~~~~~~~~~

بقيت صافن وراه ودموعي بعيني اكابر ماريدها تنزل ورا مدة دخلت امي ركض شافتني بالكاع وشحالي شهكت ببجي وركضت عليه بس لزمتني عطت ابجي متحملت الالم وصل للعظم ما كدرت تشليني راحت تخابر الاسعاف واني اشويه شويه صارت وشه براسي واصوات هوايه وبدت تسود عيوني اغمى عليه ومحسيت بشي وراها .. . فتحت عيوني بالم اني بغرفة بيضة وبايدي كانولة ويمي كاعده امي تقرا قرآن على راسي وتمسح بايدها ودموعها على خدها تحركت الالم بكل مكان بجسمي عطت هي فزت وركض طلعت للدكتور اجه فصحني وكال

_ لا تخافون ماكو شي ان شاء الله بس ما كلتوا شنو سبب هاي الاثار بجسمه ؟! متعرض بلتعذيب هل طفل ؟!

علي : لا دكتور قابل منو يتدناله واني ابوه هو مثل مكتلك جان بالشارع يلعب ويا جهال وتعاركوا وهو راد يصعد يصيحني و اتزحلك وواكع من الدرج واغمه عليه وجبناه ركض شوفت عينك
التفت عليه الدكتور يتاكد مني... انداريت على امي تباوع عليه بنظرات تكلي ايد الجذبه مالته حتى لا نروح بالرجلين اني وياك
التفتت للدكتور وهزيت راسي اايد كلامه وهو مبتسم فرحان طلعنا من مستشفى ورجعنا لنفس الحياة بس هل مرة جان متغير ولو شويه صار يبتعد عني وما يضربنا ابد فرحت كلت تندم وبدت امي تعلمني على الصلاة وصارت شويه شويه تعلمني على قراءة وكتابة جنت متونس وفرحان حيلل لان داتعلم وهي بدت شويه شويه تتوسل بيه يخليني اداوم بالمدرسة جان رافض بالبداية بس من ضلت تلح قبل بس بشروط انو يغير اسمي ويسميني "غائر " و ما اتاخر وكله اجيب درجات عالية واذا مو الاول على الصف يبطلني وبديت اداوم متاخر جانو البعمري صف رابع وخامس واني اول مجنت مهتم رغم هواي نفسيتي تاذيت بسبب مقارنات الطلاب الي بقيت صامد وارجع للبيت مهضوم وهي تهديني انو
" رب العالمين ينطي اكبر المعارك لاقوى جنوده "
" وليدي لا تنقهر ولا تنزل دمعتك على كلام بشر حالة حالك ويجوز اسوء منك عقلاً وانت عندك رب يقول لشيء كن فيكون"
... بقت تهون عليه حياتي ومعاناتي واستمريت اداوم سنة طبيعي وفعلاً طلعت الاول وكتها رجعت للبيت طاير الدنيا ما واسعتني