{الضابط الين}

البارت الثالث

الين : قبل لا احجي دگ موبايلي
الين : الوو ها مسار
.الو صاحبت هاذا الرقم مسوية حادث
الين : ردت اگوم ما گدرت احس ضربة قوية اجت على راسي ردت احجي ما گدرت لساني نعگد
ضليت صافنة
گبل گلتلة
الين وهية ترجف: وين هسة هية
الولد : بمستشفى.........
گبل سديت الموبايل ردت اگوم عثرت ردت اوگع اجة مهند علي
مهند : شبيج الين
الين : م م مسار
مهند  : شبيهة احجي
الين : مسوية حادث وهسة هية بالمستشفى
مهند : شلووون
گبل ركضنة اني ومهند والكل يصيح شكو
صعدت بسيارة ومشيت كل سرعتي ٣ مرات اجيت اسوي حادث هاي مسار مو اي شخص هاي اختي خفت اخسرهة
وصلت نزلت ركض ومهند وصل وراي طبيت لگيت ناس هواي والدكاترة يركضون واني دخلت واني أصيح وشفت الولد الي دعمهة لو نجنيت ركضت علي من كوة وخرو مني شوي واسمع الأجهزة صفرت
وأشوف الدكاترة يركضون ويصيحون شوي وصار المكان هدوء طلع الدكتور واني ركضت علي
الين : دكتورة گول شلون صارت
الدكتورة : المريضة طتكم عمرهة
الين : كضيت الدكتور من ياختة واني ابجي وأصيح
دكتور شنو هاذا الحجي مستحيل تموت سامع مستحيل
ما احس الا خشمي طگ دم وبعد ما شفت شي
گعدت لگيت نفسي بغرفة بيضة ومخليلي مغذي شوي وذكرة الصار گبل وخرت الكانونة وركضت رحت شفت محمد ومهند يبجون
الين : شبيكم ليش تبجون ترة مسار متموت
اني احجي وهمة ساكتين بس يبجون
عفتهم ورحت للغرفة الي بيهة مسار دخلت لگيتهم مغطينهة لحد هسة واني ما مصدگة
رحت يمهة شلت الغطة واني ارجف وخرت الغطة منهة شفتهة شلون نايمة وجهة ابيض وجسمهة بارد
الين :يلا مسار گومي بلا هاذا الشقة فدوة اروحلج كومي وگولي هاذا مقلي والله ما ازعل منج بس گومي يلا خل روح يلا احرك بيهة ماكو ما تتحرك وكل ما ارفع ايدهة طيح هنا نجنيت
الين : مساااااار گوميييي گومي الله يخليج گومي والله ما اتحمل هيج گومييييي لا يا الللللله لا تختبرني بهيج شي صعب اااه هيج يهون عليج تعوفيني ما عندي أحد غيرج والله اموت بدونج انتي اختي وامي وصديقتي بس انتي الي مو دگلتي ابد ما اعوفج لعد شلون هسة جاي ترحين وتعوفيني هيج سهلة عليج شنو نسيتي ايامنة وج من الطفولة احنة سوة من وعيت على الدنيا بس انتي وياي يلا كافي والله تعبت گومي احس گلبي راح يوگف گومي حياتي وج مسااااااااار اااااه گمت اصرخ واملخ بنفسي دخلو علي محمد ومهند يهدون بية
مهند: الين فدوة كافي هيج جاي تئذينهة
الين : مهند شلون كافي والله راح اموت ما اگدر بدونهة
محمد: الين كلمن ويومة گومي هيج جاي تئذين نفسج وتئذينهة يلا گومي حتة نروح للنجف
الين : شنو هاذا الحجي وين تردون تاخذونهة انتو شبيكم هيج مسار عدكم شي عادي لك محمد هاي مسار مو اي شخص من وعيت على الدنيا هية وياي
گمت اصرخ لليل احذناهة رحنة غسنالهة وشيعناهة
وصلنة للنجف وحفر گبر الهة قبل ليدفنونهة صرخت
الين : اوگفو خل اشبع منهة قبل لدفنونهة
رحت عليهة وخرت الجفن من وجهه شلون نايمة حضنتهة وجهه بارد ثلج گمت اشم بيهة
الين: مسار صدك راح تعوفني وترحين يعني بعد ما اشوفج وج والله لهسة ما مصدگة ولكم شوفوهة شلون نايمة والله بعدني كلشي ما شافت صغيرة بعدهي اووووف ليش طلعتي ليش لو اني ما رايحة جان هسة انتي بعدج عايشة والله هاي النومة مو الج فدوة اروحلج كومي لا تختبريني بفراگج والله صعبة وج والله ما عندي أحد بس انتي تفهميني بس وياج اضحك بعد المن احجي مشاكلي واسراري والله لاخذ حقج من الي حرموني منج وأشرف من دمهم
گمت ابجي واصرخ حضنتهة حيل بدي ادلخهة بضلوعي واشم بيهة من گوة وخروني شفتهم شلون جروهة مني ودخلوهة بالگبر وخلو التراب عليهة
صعبة والله شوف شخص غالي عليك يروح منك وانتة متگدر سوي شي رجعنة للبيت الولد ما خلوني اروح گالو يمنة نسوي الفاتحة صدك وسوينة الفاتحة بيت مهند الولد وكفتهم ما انساهة وخطية ولد عم مهند هم ما عافونة واجو الضباط كلهم من كل مراكز سوينة الفاتحة ٣ ايام وطبعا ما خليت أحد يدفع كلة اني خلصت واني لهسة احس نفسي بحلم
( طبعا عرفت انو العصابة الي عندي عداوة وياهم همة الي كتلو مسار )
مر على موت مسار ٣ اشهر واني ابد ما اطلع حتة للشغل ما اروح وكل خميس اروح للنجف وابات يمهة ومن ارجع اضل بس حاضنة ملابسهة وگاعدة
اليوم جنت گاعدة واني حاضنة ملابسهة وابجي دخلو علي محمد ومهند طبعا همة ما عافوني كل يوم يجون
دخلو گعدو يمي بقو ساكتين نص ساعة يلا حجو
محمد : لشوكت تبقين هيج ترة جاي تئذين نفسج وتئذينهة ترة ما راح ترجع إذا سوين بفسج هيج
مهند: حجي محمد صح كافي گومي شوفي حياتج شغلج ارجعيلة
الين: والله ما اگدر أصلن حياتي راحت من راحت مسار لهسة ممصدگة هية ميتة والله تعبت انتو ما حاسين بشنو اني جاي احس
محمد:ترة مسار هم صديقتنة ٧ سنين احنة سوة واحنة كل يوم من نذكرهة جاي نموت الف مرة مو سهلة علينة بس شنسوي هية هاي سنت الحياة
مهند: اي صح يلا گومي بدلي وخل نطلع شوي نغير جوة كافي هيج سوين بنفسج ومن باجر ابدي بشغلج ترة الراح ما يرجع
الين  حجي الولد صح بس ما تگدر
الين: فدوة عوفوني الوحدي افكر
محمد : تمام راح نعوفج تفكرين ترة هيج جاي زعلين مسار عليج وإذا ما تردينهة تزعل منج سوي الي گلنة علي
مهند: يلا هسة احنة نروح
الين طلعو الولد واني بقيت افكر اخير شي استسلمت للنوم گعدت الصبح الساعة ب6 گلت كافي الين گومي خليج قوية گمت سبحت وطلعت لبست الزي مالي ورفعت شعري وخليت المسدس مالي وطلعت رحت جبت سيارتي شربت گهوة رحت للمركز اول ما وصلت كلهة طگتلي تحية ويگلولي البقية بحياتج رحت للعميد وگلي هاذا احسن شي سوينة رحت جاي افوت لمكتبي وشفت مكتب مسار ومكتوب ممنوع الدخول فتت للمكتب وشفتة بعدة على حطتة غراضهة كلشي موجود گبل سديت الباب وطلعت رحت للمكتب مالي شوي واجة المساعد مالي بس مغيرينة
الين : منو انتة
مصطفى: اني المساعد مالج الجديد
الين : لعد علي وين
مصطفى: مدري بس همة گالو انو انتة المساعد الجديد مالهة
الين : تمام شنو شغلي اليوم
مصطفى: ماكو شي بس اكو شكم ملف مطلوب شوفينهن وتنطين رئيج بيهن
الين : تمام
مصطفى: أوامر ثانية
الين : انصراف
طگ تحية وطلع شوي ودخلو الولد علي محمد ومهند
مهند: لك هلا اگول اليوم ليش المركز منور
محمد: احسن شي سوينة
الين: شعدكم هنا
مهند: نشتغل
الين : تمام
محمد: شلونج
الين : الحمدلله انتو شلونكم
محمد ومهند: الحمدلله بخير
مهند: الين
الين : ها
مهند: ليش ما تجين تكعدين يمنة يعني تبقين گاعدة فندق
الين : والله ما ادري بس افكر اشتري بيت يمكم
مهند: ليش ما تجين تگعدين يمنة
الين : لا ما ارتاح أخذ بيت وحدي واكعد بي احسن
مهند :تمام على راحتج
محمد: لعد من تكملين شغل نطلع ناكل وندور على بيت الج
الين : تمام
راحو الولد واني بقيت اكمل شغلي كملت طلعت لگيتهم منتضريني ذكرت مسار من جانت تنتضرني كل يوم هيج صعدنة كلمن بسيارة رحنة اكلنة نوب بدينة ندور على بيت لگيت بيت گبال بيت مهند كلش حلو وجبير مساحتة 500 وكامل بس ناقص اثاث شتريتة ب300 مليون ونوب رحنة وشترينة الثاث وكملنة شد البيت وصار كلش حلو وفخم نوب رحنة للفندق جبنة كل غراضي ورجعنة للبيت كملنة تصفيط البيت صار يلمع والثاث كلش حلو هلكنة من التعب طبعا البيت طابقين جوة 3 غرف وغرفة گعدة جبيرة ومطبخ خارجي وداخلي وبي الگراج كلش جبير والحديقة وفوك 4 غرف وكل غرفة بيهة حمام و3 حمامات جوة وفوك اكوة قاعة مال رياضة اني سويتهة
كعدنة متنة تعب
مهند : خرب يومج سوتة كلة بيوم واحد هاي لو احنة جاي اخذنة شهر واحنة نجهز بي
الين ؛ ما احب التئخير
محمد : يلا ترة متت من الجوع
طلبنة اكل واكلنة الولد رادو يروحون ما خليتهم بس مهند راح گال اني گبالج اي شي تردين موجود بس محمد بقة يمي لأن بيتة بعيد أخذ غرفة من الجو واني صعدت فوگ سبحت ولبست ملابس نوب وگبل نمت گعدت الصبح گلت خلي اعزم أهل محمد واهل مهند تگيت على جد مهند
هاشم جد مهند: الو هلا بنيتي شلونج
الين : هلا بيك جدو الحمدلله بخير انتة شلونك الأهل
الجد هاشم : والله الحمدلله اشو گطعتي بعد ما شفناج
الين : والله يا جدو تعرف شنو وضعي اليوم يلا بديت شغل
هاشم ٠: الله يصبرج بنيتي
الين : مثل ما تعرف ستريت بيت جديد گبالكم وحابة اعزمكم يمي على العشة واتمنة ما ترفض وجيب الأهل كلهم
هاشم : والله يا بنتي اني عود ردت اعزمج بس يلا من عيوني اليوم احنة يمج
الين ؛فدوة لعيونك يلا اني اترخص عندي شغل
هاشم : الله وياج بنيتي
ورة ما سديتة دگيت على ابو محمد
ابو محمد : هلا بابا الين شلونج
الين : هلا بيك عمو الحمدلله بخير انتة شلون
ابو محمد : دوم بنيتي احنة الحمدلله بخير
الين ؛ عمو اليوم معزومين يمي على العشة واتمنة ما ترفض
ابو محمد : من عيوني بنيتي انشاللة اليوم احنة يمكم
الين : جيب البنات وعمة وياك
ابو محمد: صار بنيتي
الين /: يلا لعد اني اترخص
ابو محمد : الله وياج بنيتي
سديت المكالمة گمت سبحت وبدلت واليوم ما رحت للدوام رحت جبت مسواك ولحم وسمج ودجاج وذبحت ٣ ذبايح لأن همة هواي ورجعت البيت طبعا جبت خدامة للبيت
رجعت اطيتهة المسواگ ورحت لگت محمد ماكو مبين رايح الشغل جبت طباخ حتة هوة يطبخ واني والخدامة بدينة نساعد الطباخ وجهزنة الاكل الجداري ترسن الگراج كومة سوينة وجهزنة الحلويات والضيافة وسويت كيك وگهوة وعصير وفواكه ولبن صار الاكل يجنن