{الضابط الين}

بارت 17

جاي ناكل واجت ليان بت فهد فدوة ستوهة كاعدة
الين : تعاي ليونة تعاي
اجت علي ركض تضحك كعدتهة بحضني
ابوس بيهة وادغدغهة وهية ميتة ضحك
شوي واخذتهة زهراء تبدللهة كملت اكل
كبل صعدت الغرفتي اشتغل لأن باجر اداوم
بس بالي كلة يم مسار لهسة مجاية
اتصل عليهة مترد بقيت اتصل لحد مردت
الين : ويين انتي لهسة ماكو واتصل عليج ماكو
مسار: طيارتي بعدلهة ربع ساعة راح ارجع لمريكا
الين : صدك تحجين انتي وين رايحة
مسار : المهم اني كتلج وهسة لازم اروح باي
الين : مسار شبيج والله اذا رحتي ما احجي وياج بعد انجبي وراجعي
مسار : تمام عادي لتحجين وياي يلا باي
جاي احجي كبل سدتة بوجهي
ندصمت معقولة هاي مسار
بقيت اتصل كل لحد ما كام يطلعلي الجهاز
مغلق حرت شسوي واذا رحت ما الحگ عليهة
تخبلت بقيت افتر بالغرفة اكيد صاير وياهة شي
دخلت علي ريتاج مصدومة
ريتاج :- شبيج صوتج واصل ليجوة شكو صاير
:- مسار
:- شبيهة مسار
:- سافرت رجعت لمريكا

صددك يمتة رجعت شوكت

هستوني تصلت عليهة..حجيتلهة كلشي صار
ريتاج :- معقولة خاف بيهة شي
الين :- والله ما ادري
ريتاج : عوفيهة على راحتها
الين : ريتاج شلون اعوفهة
ريتاج :- يعني قابل شسوين هية متريد أحد عوفيهة وحدها هية مو صغيرة ويلا نامي وراج شغل لتفكرين هسة ما تحسين الا راجعة من أميركا
لأن متكدر بدونج
بقيت ساكتة ما حجيت شي حجي ريتاج صحيح
بس مكدرت انام بالي يمهة لل٤ الفجر يلا شوي
غفيت وفزيت على المنبه ب٦ كمت سبحت ولبست الزي مالي وأخذت سلاحي وغراضي ونزلت لكيت ريتاج هم مبدلة تريد تروح لشغل
ريتاج : صباح الخير
الين : صباح النور عمري
نزلنة سوة لكيت امي جاي تحضر بالكل ما اكلت كبل طلعت لشغل وصلت طگولي تحية ودخلت لمكتبي اجة المساعد مالي دگ تحية وكال

:- سيدي اجو الضباط الجدد الي على مود المهمة
:- تمام خليهم بغرفة الإجتماع هسة اجي
دك تحية وطلع كمت رحت لغرفة الاجتماع
اول مدخلت كلهم كامو طگولي تحية
الين :- استريح ابني
كعدو وكعدت اني بدينة نخطط
الين : سمعوني كلش زين هاي مو اي مهمة هاي
مهمة بيهة انواع تجارة المخدرات.قتل .سلب
خطف اطفال .تهريب .بيت دعارة .انواع واشكال بهل مهمة فحنة نريد نلعب عل مخفي
محمد. فهد .علي .عبدالله.ادهم .فاروق صدك فاروق وين
فهد:- سيدي بمهمة
الين :- ها اي نسيت اي نكمل انتو على المداهمة
مهند: واني اهلهل سيدي
الين :- ههه لا انتة داخل المهمة
مهند:- شلون يعني
الين :- ضابط سري
مهند :- اي هاذا الشغل الزين
الين:- مهند كلنة معتدمين عليك
مهند:- امرك سيدي أن شاء الله ما اخيب ضنج بية
الين : عفية وهسة خلص الاجتماع وعرفتو
موقعكم بالمهمة وشنو سوون وان شاء الله
بعد يومين تبدي المهمة حضرو نفسكم ما اريد
اي غلط وكل الحجي الحجينا هنا ما اريدة
يطلع ويا ويلة الي يلعب من وراي ساعتهة
يشوف شي عمرة ما شايفة مني وبس انتة مهند
شغلك من اليوم تبدي
منهد: امرك سيدي
الين : وهسة يلا كلمن لشغلة
كلهم كامو دگو تحية وطلعو رجعت لمكتبي
ما عندي شي كمت اشوف المركز اشوفهم
شلون يشتغلون شوي ورجعت للمكتب
اتصلت علي ريتاج
:- ها الو ريتاج
:- ها الين انتي وين
:- بشغل ليش صاير شي
:- لا ماكو شي أخذي راحتج
:- ريتاج احجي صاير شي
:- لا والله ليضل بالج وهسة باي لازم اروح
:- تمام باي
سديتة منهة وبقيت اشتغل ل3 الضهر يلا كملت
رجعت كبل للبيت وصلت صار أمير كبالي