{الضابط الين}

بارت 14

تذكير
°°°°°°°°°°°°°°°°°
الين .تعال للمركز ب10 ونحجي
أمير.تمام وهسة يلا مع السلامه صبحين على خير
الين : الله وياك
سديتة منة ونمت
°°°°°°°°°°°°°°°°°°°°°°°
°°°°°°°°°°°°°°°°°°°°°°°°
الين
ورة ما سديت المكالمة گبل نمت فزيت بليل عطشانة نزلت دخلت للمطبخ لگيت ريتاج ورقية وبنين وملاك كاعدات
الين : هاي شعدجن كاعدات إلهسة
رقية : ما يجينة نوم
ملاك : اي والله نوب ضوجة
ريتاج : شعجب كاعدة هسة
الين : نزلت اشرب مي لأن عطشانه بعدين انتي مو عندج دوام شكو كاعدة لهسة يلا كلجن كومن نامن مو زين تبقن سهرانات
بنين : خاب والله ضوجة وگاضينهة بس نوم وشغل
ملاك : اي والله
الين : كومن نامن وباجر يصير خير
البنات : تمام
الين : يلا عمري صبحن على خير
البنات : وانتي من اهل الخير يعمري
راحن البنات رحت شربت مي وأخذت وياي خاف اعطش بعد مالي خلك انزل صعدت فوك شفت الساعة ب4 ونص كلت خل ابقة كاعدة لأن راح النوم مني كعدت اباوع بتليفون اجة على بالي امير شنو يريد مني وين يعرفني شلت هاي الفكار من راسي كلت باجر اعرف شنو يريد مني ما حسيت على نفسي نمت كعدت ب9 عزة شكد نايمة راح علي الشغل بعدين كلت يلا اني العميد خلي اليوم ما اداوم اشتغل بالبيت احسن كمت سبحت ولبست تراك عريض مال بيت البجامة لونهة اسود وبيهة فتحة لركبة وخط ابيض وتشيرت يصير قصير لونة ابيض وبي علامة سودة رفعت شعري بقراصة وخليت شوي مرطب شفتي ومورد ومسكارة ونزلت لكيتهم كلهم كاعدين
الين : صباح الخير
الكل : صباح النور
ام الين : هلا يمة شعجب اليوم مرايحة لشغل
الين : هلا بيج يمة اي والله مرحت لأن كعدت متئخرة
ام الين : اسويلج اكل
الين : اي ماما
كامت امي سويلي اكل وكعدت يم جدو والبنات والولد
شوي ورن موبايلي شفتة امير
أمير : هلا صباح الخير
الين : صباح النور
أمير : اجيت للمركز ماكو
الين : اي والله اليوم مرحت لأن كعدت متئخرة خليهة على باجر
أمير : تمام على راحتج يلا لعد اني اترخص عندي شغل
الين : الله وياك
سديتة منة
الجد: منو هاذا
الين : جدو هاذا جوارينة الي كبالنة الي حطو قبل كم يوم مدري شيريد مني يمكن شغل مدري شنو
الجد: بيت امير
الين : اي جدو
الجد: هوة امير كم ولد عندة
الين : جدو امير ما مزوج
الجد: لعد وين ابوهم
الين ؛ جدو يمكن ابوهم متوفي كاعد بس هوة وخوانة وامة وخواتة
الجد: اها خوش
صاحتلي امي حتة اكل كمت اكلت وكملت كعدنة احنة والبنات نسولف
ملاك: الين فدوة حاجي جدة خلي نرجع ندرس والله ملينة
رقية : اي والله ما نريد شي حتة عباية نلبس إذا يقبلون
بنين : وين جدو يقبل شكد حاجينا
الين : مو حجيت ويا قبل شفت شلون ضل يحجي
رقية : رجعي حاولي ويا والله يسمع الج لأن يحبج احنة ميحبنة
ما نحس الا جدي ورانة
الجد: لا جدي شنو هاذا الحجي شلون ما احبجن غير بناتي انتن
رقية: لعد ليش متخلينة نرجع ندرس
الين : اي جدو ترة خطية ضالات بس بالبيت
الجد: واني خادم الي تردنة يصير