02. 2+2 equals love

1.5K 128 76

by ttalgicandy

by ttalgicandy

2+2 is 4 oh wait
4 letters in Chinese

我喜歡妳
I like u

我很愛妳
love u so much

在妳心裡
in your heart

妳很美麗
you're beautiful

........

"စတော်ဘယ်ရီနို့ ရလားမသိဘူး?"

"ရတယ် ကလေး ဘယ်နှဘူးလဲ"

ဈေးဝယ်သူကို မော့မကြည့်ပါဘဲ ပြောလိုက်သော Cashier က လူကြောင့် ရှန်ရစ်ခီ့ခမျာ ငုတ်တုပ်မဟုတ် မတ်တပ်မေ့သွားရပါတော့၏။

"ဟမ်"

ဟမ်ခနဲ မေးလိုက်ကာမှ မော့ကြည့်လာသော မျက်ဝန်းတစ်စုံဟာလည်း သရဲတွေ့သလိုလို၊ တစ္ဆေတွေ့သလိုလို ပြူးခနဲ။ ထိုလူမှာ စကားတစ်ခွန်းမျှ မဆိုလာပါဘဲ ကြောင်တောင်တောင်သာ ရပ်ကြည့်နေလေသည်။

ဘယ်လိုလူတုန်းဟ

နှစ်ယောက်သား အချိန်အတန်ကြာ မတ်တပ်လေးတွေ ကြောင်ကြည့်နေကြပြီးမှ ထိုသူဟာ လွင့်နေသော စိတ်တို့ ခန္ဓာဆီ ပြန်ရောက်ကာ သတိဝင်လာဟန်ဖြင့်

"ဟင် စောနက နို့ဘူးမေးတဲ့ကလေးရော"

"ဟင် မဟုတ်–"

"ဟင် ဟုတ်ပါတယ်"

"ဟင် အဲ့လိုမဟုတ်ဘူး"

"ဟင် ဘယ်လိုတုန်း"

ဟင် တစ်လုံးနှင့် ပတ်ရှုပ်ကာ ဝိုင်းကြီးပတ်ပတ် ဒူဝေဝေ ဆော့နေသလို လုံးလည်ချာလည်ရိုက်နေသည်မို့ ခေါင်းတွေတောင် မူးချင်လာရပါ၏။

ရစ်ခီရှန် ဒီကနေ့ ကံမကောင်းပါတကား

"ဟာ စတော်ဘယ်ရီနို့ဝယ်မှာ ကျွန်တော်ဗျ
ကလေးမဟုတ်ဘူး"

"အော် ခွီးးး"

ထိုအခါမှ သဘောပေါက်သွားဟန်ဖြင့် ခွီးကနဲ ထရယ်သောသူမှာ အမြင်ကတ်စရာပါပင်။

ကြည့်ဦး ဈေးဝယ်သူကို ဟာသလုပ်နေတာ!

"ဆောရီးနော် နို့ဘူးဆိုတော့ ကလေးထင်လိုက်တာ"

"ကျွန်တော်ဝယ်မှာ စတော်ဘယ်ရီနို့ဗျ
နို့ဘူးတော့ ခင်ဗျားပဲစို့ပါလား"

ကိုယ့်ထက် အကြီးလား၊ အငယ်လားတော့ မသိ။ စိတ်ပေါက်ပေါက်နဲ့ အော်လိုက်မိတော့ ထိုလူက ရစ်ခီ့ကိုတစ်ချက်ကြည့်ကာ အားရပါးရ ရယ်နေပြန်ပါ၏။