البيت المهجور
جات الجازي وهي تضحك على ياسر وجلست وياسر جا لها وهو عاجبه عنادها
ياسر بابتسامة: ماشاءالله ضحك وفرحانة كثير بعد حتى خوي اللي حافظني حفظ قالي انت الشاعر
الجازي سكتت ماتوقعته هنا
ياسر كمل: اسكتي اي شعليك انا اللي اتعذب مو انتي
الجازي: طيب عندي حل
ياسر: وشهو
الجازي: انت من اي ديرة يعني شسمها ولا اسم شيخكم
ياسر فهمها وضحك: ما راح اقول مانبي بخبل
ضحكت الجازي بخفة وياسر ابتسم من ضحكتها وشوي ونزلت عينها بضيق من تذكرت واخذت نفس ومدت يدها للورقه تكتب وياسر استغرب منها بس ما اهتم كثير وكمل
ياسر بترقب: والحين بتغيري الاسم ولا اعلم اهلك انك تطلعي بالليل
الجازي صمت مو معه ابد
ياسر: هاه شقلتي
الجازي انتبهت على صوته: ايش تقول ما سمعت والله اسفه
ياسر نكر اسلوبها: فيك شي؟ تعبانه؟
الجازي ماصدقت احد يسألها وبكت وياسر انصدم ليه تبكي مين مبكيها
ياسر: بنت شفيك
الجازي: محمود الكلب مارضى يبيع لي يقول متهاوش مع ابوي طيب انا مادخلني
ياسر انصدم من سبب بكيها وكتم ضحكته: طب مين محمود
الجازي بقهر: صاحب البقالة عله يحترق هو وبقالته
ياسر ماقدر يمسك ضحكته اكثر وضحك وهو يقول: وشو كنتي تبين منه
الجازي ببكي: اذا بتضحك لا تسأل
وقامت من مكانها ماشيه للبيت وهي مقهورة منه يسألها وبعدين يضحك وهو باقي يضحك عليها ووقف ضحك وبقى مبتسم ومشى لبقالة محمود ولقاه طالع يبي يقفلها
ياسر بسرعه: لالا اصبر ابغى شي ضروري
محمود: يلا طيب
دخل ياسر وهو يحط اكثر من نوع حلاو بجيبه بسرعة واخذ وحده في يده ومده لمحمود اللي ضحك
محمود بضحك وهو يحاسب: الحين ذا الشي المهم
ياسر بشر: ايه
ضحك محمود ياخذ الفلوس من ياسر وطلعو من البقالة محمود مشى لبيته وياسر انتظر شوي وكسر زجاج البقالة ودخل اخذ كيس وهو يحط اي شي يجي في باله واخذ فلوس وهرب للبيت وهو يضحك مايدري ليه يبي يراضيها وخبئ الاغراض بالدرج وجلس يحسب الفلوس وابتسم برضى
...........................
الصباح الكل متجمع على دكان محمود وراشد واقف جنب ياسر وهم يضحكو وجوهم فلاح وصقر ومحمد
أنت تقرأ
اسمي بأسمك وقصيدي قصيدك
Poetryقالت: سرقت اسمك شقلت قالها: انا واسمي وروحي فداك الكاتبة شين
