اسمي بأسمك وقصيدي قصيدك

Part 23

وياسر ابد ما سكت حتى ما دخل عليهم محمد اللي بدوره انصدم من حال ياسر حسب ان ابوه ما سامحه او شي من كذا بس راحت ظنونه من ياسر

ياسر وهو يبعد عن راشد ويمسح دموعه ويقوي نفسه:  لين متى يا راشد هاه خلاص تعبت انا بالأول كانت لك وتخطينا وبعدين لمحمد وتخطينا وبعدها صارت لي  باقي شوي وبتصير بين يدي الا وخلاص صارت ابعد من نجوم السماء هاه متى بتزين ليه تكذب وتقول قريب ليه يا ليت اللي قال لي كذا اي احد اخوها اللي قال يعني فيه شي صاير 

محمد: ياسر استهدي بالله مافي شي صاير اهدأ انت يمكن صقر يمزح او صاير شي مع سالفة ثامر ودامها بتنحل اكيد اكيد بترجع لك اصبر لا تستعجل

ياسر سكت وهو يفكر بكلام محمد واخذ نفس ووحول نظره لطارق وهايف اللي دخلو فجأ من سمعوا من الشباب اللي صاير

هايف يبي يغير جو لياسر: قوم معنا يلا

ياسر ببرود غريب عليهم: وين

طارق بمزح: لوين يعني مو شايف يد هايف بناخذه ل لينو

هايف ضرب طارق على راسه: لينو في مكان اخاف اقوله وازعلك

ياسرصد بعينه: تعبان روحو انتو

هايف قام يوقف ياسر: قوم قوم اللي يشوفك يقول مطلقة امش بس 

مشى ياسر معهم وهو يناظر راشد: مابتجي انت

طارق: ايه تعال بنشوف الشقراء

راشد هز راسه بلا

طارق ضحك وهو يغمز لراشد: صح مايصير تجي بعدين مين يعطي جمانة المسجل

راشد بقهر: بالله هايف اهبد لي اللي قدامك لاهنت

هايف وهو يطق اصابعه: ابشر بس مو الحين

وجلس محمد مع راشد بعد ما تأكد انهم تحركو جلس وهو يفكر باخوه بس فجأة وبدون سابق انذار طلعت له غلا في افكاره تعوذ من ابليس وهو ينسدح وكل ما فكر بشي تطلع له غلا تافف وهو يحاول ينام بس مافيه نوم وراشد يناظر المسجل ويبتسم وهو يتخيل رده فعل جمان وحس بالنيران اللي بقلب ياسر من تخيل انها مو من نصيبه

................................

مرت الايام وياسر تصالح مع ابوه وعمه بس عمه عيا يزوجه لبنته وفوق ذا ناصر طرده من الشغل بعد ما سمع انه حرامي كان يجلس في البيت او مع راشد وكذا وصرف فلوسه كلها بس للاسف السرقة عنده موهبة وعادة ماهو قادر يتركها لو دخل محل يبي يشتري شي ما يقدر الا وسرق اذا وقف يحاكي شايب ما يصير مايسرق فلوس الشايب بخفة دون ما يحس بعيد عن السرقة ياسر مكتئب شوي من موضوع الجازي بس وجود الشباب حوله وتحفيزهم له عطاه شوي امل والجازي بدت تقنع نفسها ان ياسر مو من نصيبها وبدت تتعود على غيابه عنها بدت تتعود على انها ما تفز من تسمع اسمه او قصيدة له بدت تنساه او نقول تتناساه وحمد خلاص اموره تمام مع بنت عمه وبعد شهر بيكون زواجه ومحمد هايم مع غلا زي ماهي هايمه معه وبس يكابرون ومحمد ما يطلع من محل ينتظرها تجي وطبعا كايد عاجبه وهي تنتظر روحتها له بس لا شافو بعض يبدا المزح وهايف باقي معلق لينا به وهو بنفسه مايدري وش نهاية علاقتهم ووليد املك على اخت سلوم وعرسه بعد عرس راشد بكم يوم اذا نروح عند راشد اليوم اسعد يوم له اليوم بيعرس على مالكه قلبه جمان وجمان مبسوطة انها واخيرا بتطلع من عذابها زي ماسمته وبتروح لراشد والكل مبسوط لراشد اليوم وياسر يناظر فرحة راشد ما يحسده بس يتمنى يكون مكانه ويفرح زيه بالجازي والمشكلة ان صقر صاير يتجاهل ياسر