بيت عنان
سعود بكسر: مغبون يا اخوي مغبون والله ما توقعتها منه طيب مو مشكلة اذا يسرق سراق وش يعني بس انه يطب على عرض الناس ما توقعتها منه ابد كسرني والله مالي وجه لا اروح لعرس ثامر ولا اطب على هذيك الديرة ولا مابي اشوف وجه ياسر وهو منزل راسي الحين
عنان نزل راسه ما يعرف شيقول والجازي ماهي مصدقة ان ياسر يسوي كذا بس الحين بطنها يوجعها كثير وماهي عارفه السبب
الجازي وهي تمد الشاي لعمها: يبه عادي اروح لام سلوم شوي
عنان بخوف: ايش بك يا بنتي ايش يوجعك
الجازي ما تبي تخوف ابوها: لا بس بطني يوجعني شوي بروح لها
عنان: طيب طيب
مشت الجازي بابتسامة وهي تتجهز
.......................................
بيت سعود
جسار: يمكن اخذوه المدينة
فلاح: مايمدي راشد بيعارض
حمد وهو نازل من الدرج: مش موجود بغرفته
محمد: ياربيي وين راح
وليد: هو كان تعبان حيل اكيد راشد ما يقدر له لحاله
سامي بغباء: يمكن صقر ساعده
حمدان ضرب راس سامي: ياغبي انت صقر زعلان
سامي : يعني يمكن ندم وكذا
فلاح: لا ما اظن
حمد بعد تفكير اشتغل عقله وقال: اكيييد اخذه راشد لام سلوم
محمد: يلا يلا رحنا
طلعو الشباب وهاذي المرة من سرعتهم تحسوهم يركضون وصلو لبيت ام سلوم وقبل لا يدخلو طلعت الجازي وانفجعت من تجمعهم
محمد: يا بنت فيه رجال داخل خوينا
الجازي عرفت انهم خويا ياسر : لا ماهو موجود مين وليد
كلهم استغربو ووليد نطق: انا ليه
الجازي: ياسر اخذه راشد للمدينة اعتقد بس مين ثامر
وليد ارتاح ان ياسر مع راشد وانهم رايحين للمستشفى بس استغرب مين ذي وايش عرفها بثامر: ولد ديرتنا ليه
الجازي: سمعت ان ثامر رايح للعم سعود وقايل له ان ياسر سراق وانه داخل بيوت الناس وشايف بناتهم وان ديرتكم كلها كشفته الحين ومن ذا الكلام
وليد انصدم: ثامر متى جا مين انتي
الجازي ماتبي تفضح نفسها وطلعت بسرعة لبيتهم والشباب عرفو من كلامها انها الجازي
وليد: الله ياخذك يا ثامر ماني بمرتاح الا وانا ماخذ روحه الكلب
فلاح: طيب وين نلاقيه ذا
أنت تقرأ
اسمي بأسمك وقصيدي قصيدك
Poetryقالت: سرقت اسمك شقلت قالها: انا واسمي وروحي فداك الكاتبة شين
