ဆရာဝန်မလေးက စိတ်ဆိုးသွားတယ်ထင်ပါတယ်။ထိုင်ခုံမှာထိုင်ပြီး လူနာစာရင်းတွေကြည့်နေသည်။စိတ်ဆိုးတယ်ဆိုလဲ ဒီကချော့ဖို့အသင့်ပါဘဲ လော"ဆယ်တော့စိမ်းကိုစအုံးမည်။
"ဖြေလေ စိမ်းရဲ့...ကျွန်မကစိမ်းထက်ငယ်တော့မောင်လို့မခေါ်ချင်ဘူးလားလို့"
"မင်း ပေါက်ကရတွေအရမ်းတတ်တာဘဲ"
"အဲ့ပေါက်ကရတွေကို မောင့်စိမ်းကကြိတ်သဘောကျနေရတာဘဲမဟုတ်လား"
"မောင့်စိမ်း"လို့သုံးလိုက်တော့ ဆရာဝန်မလေးရဲ့နှာရွက်ဖျားတွေကနီရဲသွားသည်။မျက်နှာကသာတည်ငြိမ်နေတာ နှာရွက်လေးတွေဖြင့်နီလို့။ဒီနေ့ဆံပင်ချည်ထားတဲ့စိမ်းကိုတိတ်တဆိတ်ကျေးဇူးတင်နေမိသည်။
"ဘာကြိတ်သဘောကျတာလဲ...တစ်စက်မှကိုမကြိုက်ဘူး"
"မောင့်စိမ်းကမကြိုက်ဘူးသာပြောတာ နှာရွက်ဖျားလေးတွေဖြင့်နီလို့"
ထိုတော့မှ စိမ်းကသူခိုးလူမိသွားသလိုမျိုးတိမ့်ဘက်ကိုတချက်လှည့်လာပြီး လူနာစာရင်းကိုတည်"ငြိမ်ဖြင့်ပြန်ကြည့်နေသည်။
"ငါဒီနေ့ မင်းကိုအလုပ်သင်အတွက်ခေါ်လာတာဒီလိုမျိုးပေါက်ကရတွေကို ထိုင်ပြီးလာပြောနေဖို့မဟုတ်ဘူး"
"သိပါတယ် စိမ်းရဲ့..အချိန်ရတုန်းလေးမောင့်စိမ်းကိုလာပိုးပန်းတာပါဗျာ"
တိမ်က မိန်းကလေးသာဖြစ်တာ။ဗျာလို့သုံးရင်သိပ်ကိုလိုက်ဖက်သည်။မောင့်စိမ်းလို့ခေါ်ရင်း သူ့ကိုယ်သူမောင်လို့သုံးရင်မိန်းကလေးတန်မဲ့ ယောင်္ကျားလေးလိုသိပ်ကိုဆွဲဆောင်မှုရှိသည်။
"ခနနေ အလုပ်သင်တွေရောက်လာတော့မှာအဆင်သင့်လုပ်ထား"
"ဟုတ်ပါပီ မောင့်စိမ်းရဲ့"
ထိုသို့ပြောတော့ စိမ်းကမျက်စောင်းမသိမသာလေးထိုးလိုက်သည်။ချစ်စရာလေးကွာ။တွေ့တာမကြာသေးပေမဲ့ စိမ်းကိုချစ်မိသွားပြီထင်ပါရဲ့။စိတ်ကစားတာဖြစ်နိုင်ပေမဲ့ စိမ်းကိုတော့မဟုတ်ပါ။ဆရာဝန်မလေးကညို့အားပြင်းသည်။လူတစ်ယောက်ကိုချစ်မိဖို့ဆိုတာ အချိန်တွေမလိုအပ်ပါဘူး။
YOU ARE READING
♡Die For You♡
Romanceနာကျင်မှုတွေရဲ့အစကဘာလဲ။ဘာတွေမှားသွားလို့လဲ။ချစ်ရက်သားနဲ့ဘာတွေကများမှားသွားတာလဲ။ထိုမသေချာမရေရာတဲ့ဇာတ်လမ်းမှာ ချစ်ခဲ့ကြတာတော့အမှန်။မဟုတ်ဘူး....ချစ်နေသေးတယ်...ကျွန်မယုံတယ်ချစ်နေသေးတယ်ဆိုတာကို။ တိမ်ခေတ်လွှာ♡စိမ်းသက်နောင်
