جلست عند عمها عامر
العم انصدم وش جابهم بهذا الوقت:شفيكم جايين الحين؟
هيا:لا ياعمي بس جينا نشوف عمتي ام عبدالعزيز وجينا نزوركم
العم عامر:عسى ماشر شفيها
هيا:رحنا للمستشفى وطلع فيها سرطان.
العم عامر بصدمه:هااهه!!شفيهاا؟؟
هيا:ياعمي تكفى اهدا بأذن الله مافيها الا كل خير
العم عامر:طيب بروح اشوفها وانتي اجلسي عند تولين وعز
راح العم عامر وترك هيا ماكانت تبي تدخل طلعت لسيارتها بدون لاعمها يشوفها جلست تناظر الناس والشارع والا فجأه وحده تطق الشباك وهي تبكي
نزلت من السياره والبنت انخشت وراها
هيا:شفيك يابنت شفيكك!
خلنا نسميها [نغم]
نغم:في عيال يلحقوني
هيا شافتهم جايين من بعيد:اسمعي ادخلي بالسياره وانا بشوفهم
دخلت البنت بالسياره والتفتت للعيال شافتهم كبار لكن ركزت على على واحد كانت تعرفه ومتأكده
قاطع افكارها واحد وهو يقرب منها:طلعي البنت الحيين ولا والي خلقني ماتشوفين خير
هيا بضحكه:هه شتسوي يعني؟
دفها للسياره بقوه:الي اقولك عننهه سوويييهه
----------------------------
اللي حست هيا نفسها تعرفه اسمه عبدالله عمره ٢٠ ولد جيرانهم كانوا يحبون بعض لكن مع الوقت كل واحد راح يكمل حياته
___________________________________
مسكه عبدالله من يده بعد ماعرف انها هيا:وخر عنها بس اسمعي ياهيا....
انصدمت هيا منه وبنفس الوقت هو انصدم انه ناداها بأسمها:انت من وين تعرف اسمي؟!!
ماحب يقول انه عبدالله:البنت ذي اختنا وهاربه من البيت هي وواحد وانا برجعها
هيا:يوم اشوف البطاقه الشخصيه بفكر
ركبت السياره
عبدالله بهمس:من يومها قويه
------------------------------------------------
عند تولين وعبدالعزيز بالمستشفى
كانت تولين تبكي على وضع اخوها وهو كان يهدي فيها:ياقلبي والله مافيني شي بسيطه.
تولين:انت مالي غيرك بعد ربي لاتسوي مشاكل تكفى اعقل
عبدالعزيز:والله الحق عليه الحيوان
تولين:طيب ليه الضرب ذا كله
عبدالعزيز:تمادى..
تولين:ايوه كمل تمادى بوش؟
عبدالعزيز:تعدى على املاكي
تولين بنص زعلها ابتسمت:ووش هي املاكك؟؟
عبدالعزيز بسرحان:ياليتها تحبني مثل مااحبها
تولين:علينا ياحبيبي؟من هي؟
عبدالعزيز:وحده عايشه بيننا
تولين:خللاااص قووللل
عبدالعزيز:بعدين بعدين اقول
تولين تنكدت:اي تخبي علي انا؟
عبدالعزيز مسك زغودها:ماعاش الي يخبي عليك
تولين:طيب متى بتطلع؟
عبدالعزيز:بكره الصباح إن شاءالله
تولين:اجل ببقى عندك
عبدالعزيز:يالبى الي خايف عليي
تولين:واذا انا ماخفت من بيخاف؟
ابتسم لها وانسدح بتفكير ليه هيا الي تبرعت له وهي ماتحبه؟
قال بهمس:يجعلني فدداا دمها
______________________________
عند العم عامر
كان واقف يسأل الدكتور عن حالتها وقال الدكتور:والله هي تعرضت لصدمه قويه مره واصلا معها سرطان من متوسط إلى قوي وهذا ممكن يفقدها الحياة ومازلنا جرعات كيماوي لها
العم عامر تنهد بضيق من وضع العيال الي بمثابة عياله:لاحول ولاقوة الابالله العلي العظيم طيب وش الحل؟يعني تبون فلوس للكيماوي؟
الدكتور:ايوه ياريت تجهزون الفلوس بأسرع وقت عشان لاتفقد حياتها
العم عامر:طلع ممن عند الدكتور وهو ضايق ولايبي يقول لاحد راح عند تولين وعبدالعزيز دخل وماشاف هيا:ماجات هيا هنا؟
تولين:الا هي وصلتني وجلست عندك برا مادخلت
العم عامر:اجل تبين تروحين للبيت معي؟
تولين:لآلا انا ببقى مع اخوي
العم عامر:طيب انا برجع للبيت اذا احتجتوا شي دقو علي
عبدالعزيز:تم
طلع من عندهم وهو ضايق صدره على امهم
------------------------------------------------
عند هيا ونغم
أنت تقرأ
احـفاد الجـده منـيره🍃
Mystery / Thrillerالبطله (هيا) واخوها يكونون عايشين مع اهلهم لكن فجاه وهم في الطريق للديره غفى ابوهم(سالم) وتدهورت السياره ويتوفوا بحادث لكن نجى من هذا الحادث هيا ومهند على الرغم من حب ولد عمها لها لكن تزوج غيرها والسبب تعرفونه بالبارتات وهي تقرر تأخذ عدوّه وهي تكره...
