كان بمكتبه يحوس بين أوراقه
كان البيت هدوووء لأن أهله مب موجودين بالبيت
قام للمطبخ يسوي له قهوة
شد أنتباهه جواله الي كان حاطه "صامت"يدق
مسكه وشاف صديقه "مشعل"يدق
مشعل هذا يستغل بالمباحث الجنائيه
عرفوا بعض من متوسط لحد الان ماافترقو
سلمان:ارحببب بالخوي
مشعل:وانا لي ساعه ادق ماترد؟!مع من كنت
سلمان:ماعندي زوجه تغار علي وجيت انت
مشعل يمثل العصبيه:أعقبب,الله يعين الي بتاخذك
سلمان:الا أوراقك الي عطيتني هم عشان اخليهم عندي مانيب لاقيهم
مشعل:يالخبل عطيتنيهم قبل أمس.
كملوا حديثهم بين هواش وجدّيه وضحك
***
عند العيال
كانوا جالسين يودعون عمهم ابو محمد لانه بيرجع لبيته
ودعوهم ورجعوا لغرفهم..
هياء جهزت نفسها للنوم
يوم انسدحت على جتها رساله
تأفأفت بأزعاج:اففف من يرسل الحيننن!
فتحت على التطبيق وشافت أن الرساله من عبدالعزيز
رجعت جوالها وماردت عليه
اخذت ببالها شوي!...وقالت بشوف وش يبي ومابرد عليه
فتحت الرساله
وشافته كاتب:أنتي تقولين سلطان تقدم لك؟لو أنه يحبك مايكلم بنات اخر الليالي هو يبيك غصبب عننننههه
بس انا ابيك لأني أحبك وباخذك عنهم والله اني احبببببك
شافت كلامه هياء وضحكت:هذا مصدق نفسه يرمي التهمة على غيره؟.
ردت عليه:ولو أنت تحبني صدق ماكلمتها من وراي
يالخاين ترا كرهتك مااابييييكك ولو أنه مايبيني دامه تقدم لي بوافق والموضوع انا الي تقرره مب أنت!
وحاول تخفف من رسائلك لانك ازعجتني
حطت جوالها ونزلت دموعها
مقهوره لانها فعلا تحبه!
بس مابيدخل حيله
ماتقدر تتزوجه
وهي سامعته بأذنها يكلم غيرها
كتمت شهقاتها ونامت....
****
عند سلطان
كان يكلم صديقه راكان
راكان:يرجال توكل على الله يمكن مع الوقت تحبها!
سلطان:طيب أنا أبغى وحده ثانيه وماابيها
البنت ماعجبتني وخلاص مادخلت قلبي من اول ما شفتها
راكان:يعني المقصود من كلامك أنك مو موافق عليها لأنها مادخلت قلبك؟ياخي صدقني لو تتزوجها
يمكن مع الوقت تحبها
سلطان:أنسى الموضوع انا بجفى أهلي وبأخر الموضوع ذا لين يجيها النصيب
راكان:الي تبيه وانا سويت الي علي
*****
*بعد 5 شهور*
تحديداً ببيت الجده
كان الكل يتجهز وكلهم فرحانين لأن العم عامر اليوم زواجه
هياء جهزت تمامآ:بناااتت شوفو فستاننيييي
كانت لابسه فستان كُحلي ويجنن عليها
تولين:يويليييي لوني ولد كان تزوجتك
ضحكت هياء:الله يسعدك يالمعززه
تولين:يلا ترا بنات خالك جو تلقينهم بالعرس
طلعت هياء من البيت وهي ناسية أنها تلبس عبايتها
وهي بطريقها للعرس شافت مجموعة رجال وفي واحد جاء عليها
مشت سريع ووقفت يوم شخص شدها من يدها:فلتننيي
سلمان بعصبيه:أدخلي ويويلك تطلعين
هياء:وأنت شدخلك؟
دخلت للعرس وتركته وراها
شافت بنات خالها وسلمت عليهم وجلسوا مع بعض وأخر شي قاموا البنات بيرقصون
أم محمد:هياء
هياء:لبيه يعمتي
أم محمد:روحي شوفي بناتي بيفشلوني لو مايجون
هياء:تم بس عطيني عباتك بلبسها نسيت اجيب حقتي
أخذت عباة عمتها وراحت تشوف وين البنات
هياء بصوت عالي:يبنااتت وينكممم
ماشافت أحد بالبيت
استغربت ودقت على تولين
تولين:هاه شتبغين ٤
هياء:وينكم؟
تولين:حن فوق بالسطح تعالي نبيييك
مشت هياء بأتجاه السطح
ويوم طلعت مالقت أحد:افف بيجلسون يمقلبوني ذوووللل!!!
صرخت من حست بأحد يشيلها بين يدينه:فلتنننيي وجججععع
ماكانت شايفه وجهه بسبب أن الليل وظلام
وقف ومن سمعت ضحكاته درت أنه نواف ورجع من اسبانيا:نووااففففففييي
حضنته بقوه:كنت أحسبك سلمان الوقح
نواف:ليه شفيه؟
هياء:مدري عنه يحسبني زوجته يقولي لاتطلعين الا بالعبايه
ضحك نواف:وأنتي شخصنتيها صح؟
هياء:تخيل اسكت له؟ههههههههههههههه
نواف:روحي نادي لي أمي واخواتي بشوفهم
هياء:تم بروح
راحت هياء ودخلت للعرس
هياء للهنوف:عمتيي في واااحد يبيك أنتي ونجد ومناير
الهنوف:يالله خير,شيبي بعد؟
طلعت الهنوف لحالها وشافت ولدها:يرووح أمممك
انت
حضنتها وسلمت عليه وجو اخواته
وسلموا عليه
****
نروح عند العيال في خيمة العرس
كانوا كلهم يلعبون وفرحانين بعمهم
ومنهد كان ناوي يخطب وحده بتعرفونها بعدين
وضبطوا الأمور كلها
وهياء زي الاطرش بالزفة
مهند لنواف:متى بنفرح فيك؟
نواف متجاهله:هي فرحت بعمك
مهند:بزوجك ريما
نواف:الله لايقوله
ضحك مهند:شفيها والله ماشفت منها شيء
قام نواف:قم قم نصب القهوه
قام مهند:يلا بجيك
*******
كانت هياء جالسه جنب العروسه
كانت مررررره حنونه واسمها "هدير" وعمرها ٢٥
هياء بضحكه:وجت اللي بتاخذك مني يـَ عمي
هدير:اييي معليك مابخلي زوجي يدلعك أغار
ضحكت هياء بقوه:الا هاذي عاد
تجمعوا البنات على هياء:هياااء عممك يبيييك
قامت هياء تركض:يلا يلا جايه
طلعت وشافت عمها متكشخ ابتسمت وحضنته:عمي بيتزوجج!
نزلوا دموعها من أول ماشافته
عامر:ياقلببي انتي لاتبكييين
هياء:فرحانه يعني والله
العم عامر:يلا يلا خذو لي طريق بدخل
دخل العم عامر لعروسته وأخذها وراحوا لبيتهم
وهنا تزوج آخر العنقود
بكت الجده والكل بكى
كانوا يحبوننه بشكل لا يوصف
رجعت هياء لغرفتها وكان جوالها في غرفتها مااخذته معها
غسلت وجهها وبدلت ملابسها وجلست على السرير
جاها رسالة من رقم غريب
تنهدت:استغفرك يارب بس من يرسل بذا الوقت
سلطان:السلام عليكم
هياء:وعليكم السلام,مين؟
سلطان:انا سلطان ولد خالك
عرفت أنه الي محجوزه له
هياء:اها,وش بغيتني فيه لعله خير؟
سلطان:اسمعيني,أنتي بنت ونعم التربيه وطيبه وفيك كل الصفات الزينه
لكني في بنت بخاطري وباخذها
وابوي معارضني وقال أني باخذك انتي
والي أبيه منك انك ترفضين وبعطيك رقم ابوي
توواصلين وتقولين انك رفضتيني
هياء:الي يريحك,وانا اصلآ ماكنت بوافق وكنت اماطل في الموضوع لاني نسيت اقول اني رفضتك
المهم عطيني رقم خالي
عطاها الرقم وطلعت من المحادثه ودقت على خالها
هياء:السلام عليكم ياخالي أنا هياء.
ابو سلطان :هلا والله يابنيتي عساك بخير
هياء:الحمدلله بخير,بدبس كنت بقولك عن الموضوع ذاك
فهمها خالها:أيوه,حن مابنجبرك على شيء
وهذي راحتك بالموضوع
هياء:أنا مو موافقه لأني صغيره مو مستعده ياخالي اعذرني
ابو سلطان:فاهمك يابنيتي الي يريحك,بغيتي شي ناقصك شي؟
هياء:سلامتك ياعمي
قفلت الجوال
انسدحت وهي تفكر بالموضوع لييييين نامت
أنت تقرأ
احـفاد الجـده منـيره🍃
Mystery / Thrillerالبطله (هيا) واخوها يكونون عايشين مع اهلهم لكن فجاه وهم في الطريق للديره غفى ابوهم(سالم) وتدهورت السياره ويتوفوا بحادث لكن نجى من هذا الحادث هيا ومهند على الرغم من حب ولد عمها لها لكن تزوج غيرها والسبب تعرفونه بالبارتات وهي تقرر تأخذ عدوّه وهي تكره...
