طلع سلمان تحت انظار عبدالعزيز الي كان يقول بعقله:اذا ذا وهو عسكري وتعانده انا لو اخذتها وش بتسوي؟الله يعينني عليها
__________________________________
عند هيا الي كانت جالسه مع تولين
دخل مهند وهو يضحك لكن كتمها عشان مايبين لأخته ان الحركه عجبته وتعيدها:هيا ردي على ابوي ويااويلككك
هيا فزّت:تكفى وش بيسوي؟بيغصبني عليه
مهند:سلمان ذا عسكري وفوق كذا ولد خالك يعني فضيحتنا يلا
راحت هيا عند ابوها الي كان جالس مع امها واختها وإخوانها لوحدهم
ابو مهند:يابوك ليه تسوين كذا؟
هيا:وش سويت هو منجد شايب
تزوجوني واحد عمره ٣٠؟منجدككم؟
احمد:فضحتنا يبه خله يتزوجها طرقٍ عنها
ابو مهند:انت خلك بحالك،وياهيا الحين انا اقول بنتي عاقله وبنزوجها وتعقل اكثر واثرك انهبلتي وش سوت فيك الديره يابوك؟
ام مهند:اي شكلها حاطه عينها على واحد
هيا:يمهه!
حازم:لا لا ماتوصل
ام مهند:طيب وش عذرها ماتوافق؟
هيا:انا للحين صغيره ليه أوافق واضيع عمري وش الي ضمّني انه بيخليني اكمل دراستي؟ادري يمه انتي واقفه بصفه لانه ولد اخوك وابشرك لو بقيت كل عمري مامتزوجه ما يوافق عليه
ابو مهند:هيا! وش ذا الكلام؟ من متى تسولفين مع امك بذي الطريقه؟
هيا بغصه:طيب يرضيك امي تتركني وتوقف مع ولد اخوها؟الي تكه ويموت
مهند:خلاص هي الي تختار مب حن
حازم:اي يمه خلها هي الي تختار ذي حياتها
ام مهند:عاجبك ياسالم كلهم يوقفون ضدي؟
ابو مهند:طيب انسوا الموضوع ذا هيا مابنزوجها لسلمان السالفه الي ابيها فيها ليه تتعامل معه بذي الطريقه؟
هيا:لأني لو تكلمت معه بشكل طبيعي بتوافقون وبتزجونا لبعض
راحت هيا والدموع بعيونها وصعدت لغرفتها وبدلت فستانها وخرجت للسطح وكانت تبكي من الضيق
حست احد وراها التفتت وهي تمسح دموعها وشافت العم عامر:عمي كنت احتاجكك
العم عامر أخذها معه تحت وركبوا بالسياره يبي يغير جوها ووداها للحديقة الي شبه قريبه منهم وجلسوا
العم عامر:يلا قولي لي كلشي بخاطرك
هيا:تسمعني؟
العم عامر:انا الي اسمعك يلا قولي
هيا قالت له الي بخاطرها وتغيرات امها وسالفتها هي وعبدالعزيز وسالفة حاتم وكلل الي بخاطرها
وجلسوا تقريبا ساعتين وهم يسولفون وكل واحد يشكي همومه للثاني
العم عامر:صدقيني لو الكل موافق عليه ذالخسيس ماتاخذينه
هيا بضحكه:كفو عممي
العم عامر:هو انا لي غيرك؟
هيا:جعلني فداك
قام العم عامر وهو يتكلم بمزح:اجل اذا ماتبين تتزوجين سلمان بزوجك عبدالعزيز
هيا بنفس الطريقه كمزح:ياريت
ضحك عليها العم عامر:تستنين ذي الكلمه اجل
راحت هيا سبقته:لا بس هو احسن من غيره
العم عامر:الي يشوفكم الحين مايصدق كيف كنتوا قبل
هيا:يلا بنرجع البيت
العم عامر:اركبي الحين الحقك
ركبت والعم عامر لحقها
____________________________________
عند بيت ابو محمد
وصلوا بيتهم وكان الكل يحكي عن الطلعه وكيف انها كانت ممله
لكن بالنسبه لريم وغلا كانت احلا مره لان كانوا اول مره يجتمعون كلهم من ثلاث سنين
غلا:واااه احلا شي صار في ذي السنهه
سالم:كلن على همه سرى
غلا دخلت غرفتها ونادت على سالم
سالم:ها شتبين؟
غلا:اسمع ياقلبي اذا حاط عينك على هيا والله ماتاخذها
سالم:ومين انتي تحددين حياتي
غلا:هيا لعبد العزيز وانت اصلا مئويه لك حضر واساسا مهي داريه عنك
سالم:طيب جهزي نفسك يوم الجمعه الجايه بخطب هيا وانتي بتكونين معي
غلا:وانت على اي اساس تتقدم لها وانت تعرف انها صديقتي!؟
سالم:وأذا؟
غلا:والله إن خطبتها او حتى شوفه شرعيه والله لاني اختك ولا اعرفك
ضحك سالم ضحكه مستفزه:اجل اعلى ما فخيلك اركبيه وباخذها طرق عليك
طلع وترك غلا وهي مصدومه منه
دقت على هيا باسرع وقت
أنت تقرأ
احـفاد الجـده منـيره🍃
Mystery / Thrillerالبطله (هيا) واخوها يكونون عايشين مع اهلهم لكن فجاه وهم في الطريق للديره غفى ابوهم(سالم) وتدهورت السياره ويتوفوا بحادث لكن نجى من هذا الحادث هيا ومهند على الرغم من حب ولد عمها لها لكن تزوج غيرها والسبب تعرفونه بالبارتات وهي تقرر تأخذ عدوّه وهي تكره...
