يقال ان الحب الاول هو الحب الابدي و الصادق
فهل ستعود إلي بعد سنين الفراق ؟ ام سكن غيري الفؤاد ؟
هل لنا قبله و عناق ؟ ام أصبحنا مجرد ذكريات ؟
هل سأرسل مكتوب الغرام ؟ ام تهنئه بالزواج ؟
صباح يوم الخميس استيقظت جميلتنا لتنظر لهاتفها كانت الساعه لا تزال 6:00 يقين : اخيرا خميس ! اخر يوم بالجامعه ! رسميا بصير خريجه و بتخصص أحلامي تمريض ! واو مين يصدق ؟ عبست بعد مرور ذكرى جميلة على بالها يقين : ليتك معي يا ياسر ! اذكر مراهقتنا و احلامنا ، انت حققت حلمت و صرت لاعب اساسي بالهلال و انا حققت حلمي و تخرجت من كليه التمريض ! قاطع هواجيسها صوت اختها الصغيره <نجد> نجد بصراخ : يقين يلا قومييي ! ترا اخر اختبار لا تخربينها عاد ! يقين : قمممت قامت غسلت وجهها و أسنانها و توضت و صلت الفجر و قعدت تراجع ماده اخر اختبار في الجامعه خلصت مراجعتها بعد ما تأكدت انها حافظه الماده و فاهمتها كويس بتقولون هي ليه مرتاحه كذا و مو متوتره ؟ لانها قعدت تذاكر الماده كويس طول الاسبوع و الحين كانت بس تراجع قامت نسقت لها لبس مناسب للجامعه و اخذت شاور طلعت و قعدت بروب الحمام شوي تستوعب انها خلاص على وشك تحقيق الحلم و تخفف من حماسها عشان ما تجيب العيد فالاختبار لبست جينز غامق مع توب و قميص بدرجات الأزرق
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
《نستبدل الكعب ب شوز رياضي ابيض اكرمكم الله و الشنطه ب Totabaq ابيض عليه عباره love your self باللون السماوي 》 و اكتفت ب ميكب خفيف {كونسيلر و ماسكارا و بلاشر و روج خفيف و قلوس } نزلت تحت سلمت على أهلها و دخلت المطبخ سوت قهوتها المفضله ايس امريكانو طبعا و توست نوتيلا بعد اصرار امها انها تفطر يقين : يلا استودعتكم الله ، نجودي يويلك يصير شي و ما تعلميني تمام ؟ اليوم بطول برا نجد بضحكه: من عيونييي توجهت لسيارتها فتح الباب و دخلت و حطت أغراضها على كرسي الراكب و اخذت جوالها تشوف الأشياء المهمه قبل تبدأ تسوق شد انتباهها اتصال من صديقه طفولتها الي للحين معها دقت عليها و قالت : هلا ريمي في شي؟ مو من عوايدك تدقين ريم : لا بس عندي لك سالفه حرريقققه بقولك بالجامعه ف ابغى اشوف وينك يقين : اوكييه ، توي ركبت السياره ريم : اجل مع السلامه لا اشغلك يقين : باي قفلت منها و شغلت اغنيه say yes to heaven و بدت تدندن معها و هي تسوق بتركيز وصلت الجامعه بعد 45 دقيقه مع زحمه الرياض ! ريم : اهلا اهلا يقين : ذاكرتي كويس ؟ ريم : الواحد يسلم اول طيب ؟ ايوا ذاكرت لنا اسبوع نذاكر يقين حضنتها و قالت : غريييب مافي توتر الاختبارات ! ريم : تعودتي على الاختبارات يقين : اي وش سالفتك الحرييييقه ؟ ريم : تخيلي غاده انخطبت و ملكتها بعد اسبوع يقين بصدمه : غاده اختك !!! ريم :اييوا حتى انا انصرعت يقين :صراحه توقعت كل شي الا زواجها ، وبعدين اسبوع مرا قليل ! ريم : حتى انا ، ايوا قليل بس العريس مستعجل عنده رحله عمل و كذا ، المهم يلا الاختبار بيبدأ بعد شوي قومي توجهو لقاعه الاختبار و طبعا سحبو جوالاتهم و الايربودز و الابل واتش و كل شي ممكن يغشون منه دخلو و كل وحده قعدت بمكانها بدو يحلون بتركيز و عدم استعجال و الغريب انهم خلصو بنص ساعه فقط طلعو من القاعه وهم ضامنين A+ و بدو يراجعون اجاباتهم و تأكدو انهم فعلا جايبين A+ يقين : الله ما عندي ولا غلطه ! ريم : حتى انا ، فلللللله يقين : لازم نطلع ما ابغى ارجع البيت بدري ف جهزت لنا جدول ريم : تمام الحين على وين ؟ يقين: نروح بيتك ، خذي لك ملابس النادي و لبس بعد النادي ، انا جهزت من الصباح ريم : تم فعلا توجهو لبيت ريم اخذت أغراضها و احتياجاتها و طلعو بنفس السياره ريم : على وين ؟ يقين : اول شي نتغدى بعدها كوفي بعدها النادي بعدها يا البوليفارد او السينما ريم : السينما افضل يقين : تم سو كل شي اتفقو عليه بعدها يقين وصلت ريم لبيتها و رجعت البيت دخلت البيت و لقت نجد فالصاله تتقهوى جلست جنبها و قالت : ايه صار شي ؟ نجد بحماس : تذكرين جارتنا القديمه خاله احلام ؟ يقين : ايه ؟ نجد : تخيلي طلعت ساكنه هنا فالبيت الي ورا بيتنا بالضبط ! يقين : اما ! نجد : والله يقين : انتي وش دراك ؟ نجد : عزمتنا خاله ابرار و رحت مع امي و تقابلنا هناك بالصدفه و علمتنا و قالت لازم نجيها الاسبوع الجاي ملكه ولدها ، تسلم عليك و تقول وحشتيها لازم تجي الملكه يقين : اكيد اكيد بجي دخلت غرفتها بحماس بعدها استوعبت انه ممكن تكون ملكه ياسر مو عبدالرحمن! بحكم ان ياسر اكبر منه يقين بخوف : لا لا يارب لااااا اخذت دفترها الي ما تطلعه لاحد و معها من ايام المتوسط اليوم الأول 9/10/2013 رحنا اليوم بيت خاله احلام جارتنا الجديده ، طفشت من سوالف الكبار و طلعت الحوش كان في مرجيحه جلست عليها و قعدت العب بجوالي فجأه ما حسيت الا بكوره انرمت على راسي لفيت و لقيت ولد قالي : اسف اسف ما انتبهت انك موجوده قلت له تمام و مشيت اتوقع انه ولد جارتنا
اليوم العاشر 19/10/2013 طلع الولد اسمه ياسر و اكبر مني بسنتين بس يعني ثالث متوسط مرا خجول ما أبغاه يستحي مني !
اليوم السابع عشر 26/10/2013 ياسر طلع فلاوي صار صديقي حماس !
اليوم الخامس و العشرون 2/11/2013 اليوم ياسر طاح و احنا نلعب كوره و انجرحت رجله و قعدت اعقمها له و هو قال لي عن حلمه يبغى يصير لاعب فالهلال و انا قلت له بصير ممرضه عشان اعالج إصاباته و قعد يضحك ابتسامته حلوه صراحه !
اليوم الثلاثون 7/11/2013 رحت مع امي عزيمه خاله احلام بس طفشت كالعاده و طلعت العب كوره مع ياسر ، يعرف يلعب مرا يارب يصير افضل لاعب و يدخل الهلال
اليوم الرابع و الثلاثون 11/11/2013 ياسر وراني فلوق ثنيان صاحبه الي طلع فيه ، شكله مرا كيوت يستحي مرا !
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
<نرجع للواقع> يقين ضحكت على الصوره الي طبعتها و على يومياتها الغبيه و خطها المعفن يقين لنفسها : كل شي معفن و كرنج الا مواقفها طبعا ! اهخ شوشته باقي ما تغيرت ! من زمان كذا (كانت تكتب يومياتها كلها بس انا بذكر المتعلقه ب ياسر ) بس صبر تذكرت ملكه غاده ! معقول نفس الملكه ؟ بتسأل ريم عن يوم الملكه دقت على ريم و ردت عليها بسرعه ريم : مسرع اشتقتي توي كنت معك يقين : يع محد اشتاق لك بس بسألك ريم : ملعونه ! اسألي اسألي يقين : متى ملكه غاده ؟ ريم : الخميس ، ليه ؟ يقين : بس اسأل عشان اذا عندي شي اكنسله ريم : كفو كفو اخت العروسه البطله يقين :مدخلتني كرت العائله انتي هههههههه ريم : تشوف الذبه يابو خالد ؟ يقين : دزيها بس قفلت فوجهها و نزلت بسرعه عن نجد <نقال علوم> يقين : نجودي ما تعرفي متى الملكه ؟ نجد : يوم الخميس ليه ؟ يقين: اما ! ملكه غاده اخت ريم الخميس برضو تتوقعي هي العروسه ؟ نجد : ايوا سمعت انو اسمها غاده اصلا ذحين اتأكد من ماما راحت لأمها (نوال) نجد : ماما نوال : هلا نجد : تعرفين اسم العروسه ؟ نوال : اسمها غاده ال**** نجد : هي غاده اخت ريم صحبه يقين ! نوال : ايه هي توي كنت بعلم يقين نجد : معليك انا بعلمها رجعت عند يقين و قالت بحماس : ايوا هي العروسه فلللللله يقين : بكرا نروح نشتري فساتين ؟ نجد : اكييييد ___________________ كيف البارت الأول؟ مو مقتنعه بالعنوان بس عجزت القى عنوان مناسب متحمسه جددددددا للبارتات الجايييييه يارب عجبكم البارت حطو نجمه و اكتبو رايكم بالبارت كبدايه 💓 (روايه خياله لا تمد للواقع بصله )
