ياسر بتوتر : ها ؟
ريم : ياسر انت تحبها ولا لا ؟ سؤال سهل ترا !
ياسر تنهد بتوتر و قال : اعشقها بس مستحيل تبادلني
ريم همست له : كلكم اغبياء ! تراها تحبك يا هطف !
بس لو عرفت اني قلت بتذبحني🥲
ياسر بفرح : منجد ؟
ريم : والله ! بس انت انشب لها ذا الشهر و اعترفوا لبعض و فكوني !
ياسر : تدرين انك أفضل شخص !!! اوف مرا شككررا
ريم : عفوا بس في مشكله بسيطه !
ياسر : اح ايش ؟
ريم : يقين زعلانه منك لانك طول السنه ما فكرت تكلمها او تشوفها و لما تقابلتو في الباص قمت تقول لها محد يعرف اني اعرفك ! لو عرفو بتصير اشاعات و كلام فاضي
ياسر : معليك انا براضيها ان شاء الله
ريم : يلا الله يقويك
يقين كانت تناظرهم بفضول
يقين لنفسها : وش يسولفون ذولا ؟
نواف بابتسامه : قطعتيهم بنظراتك هدي شوي
يقين بتوتر : ما اناظرهم ، اناظر قدامي
نواف بابتسامه خفيفه : متأكده ؟
يقين بتوتر : ياخي وش تبي انت ؟ قلت ما اناظرهم
نواف : هدي هدي لا يطق لك عرق
يقين : نواف
نواف : هلا
يقين : احد قالك انك مستفز ؟
نواف : كلهم
يقين : كويس يعني تعرف !
نواف : امزح معك ترا
يقين : وي اعرف
نواف : ايه كويس مالي خلق اراضيك
يقين : اص اص بس
بعد عده دقايق و صلو للملعب
نزلو كلهم
اللاعبين توجهو للملعب و بدو بتمارين الاحماء
براء : الحين وظيفتكم تراقبين اللاعبين يعني لو حسيتو احد تعب او ضغط على نفسه بالتمارين تقدرون تقطعون تمرينه و تفحصونه و تحددون اذا يقدر يكمل تمارين او ياخذ راحه
كلهم : تمام
يقين لريم : شغلنا مرا سهل ما توقعت
ريم : اي مرا سهل بس نتأمل اللاعبين و انتهينا
يقين :اص يا قليله أدب امشي بس !
ريم ضحكت عليها و مشت معاها
قعدو يتفرجون على اللاعبين و هم يتمرون
خلصو تمارين الاحماء و بدو بالتمارين الفرديه بالاوزان و كذا بعدها تمارين اللياقه بعدها تمارين الاستحواذ
المدرب : والان سنقوم بتقسيمكم الا مجموعتان لأجراء مباراه قصيره
المجموعه الأولى
المعيوف -ياسر - البليهي - العمري - سعود - سلمان -كنو - المالكي - فراس - سالم -صالح الشهري
المجموعه الثانيه
العويس -البريك - حسان - شراحيلي - الغنام - هتان - سامي - الخيبري - البيشي - العابد -عبدالله رديف
(التشكيله الثانيه اقوى هببببد حتى مو متأكده من مراكزهم كلهم)
كانو يلعبون طبيعي
ياسر بدأ الهجمه و كان يجري مسرع جهه صالح بس قاطعه نواف الي افتك الكوره منه ياسر طاح بالغلط بس قرر يمثل انه تعور
انفال كانت جوا تجيب لهم مناشف و مويا
و ريم هربت لما طاح عشان تخلي يقين تروح له
يقين تلفتت يمين و يسار ما لقت احد ف راحت له و هي تلعنهم بداخلها
راحت تفحصه و ما كان فيه شي
يقين : ما فيك شي تقدر تكمل لعب
ياسر : بس رجلي تعورني
يقين : بس ما فيك شيي !
ياسر : الا الا شوفي (مسك رجله و قعد يتألم )
كل ذا حصل تحت اناظر نواف و المعيوف الي يضحكون على عبط خويهم
يقين : ياسر لا تجنني ! ما فيك شي
ياسر اعطاها نظرات بريئه و قال : يعني بكذب عليك مثلا 🥺
يقين : اوف منك اوف !
نقلته لغرفه العلاج و فحصته و هو يتأملها
يقين : شيل عيونك عشان ما اكسر رجلك و تعرف الاصابه الصدقيه
ياسر : ياخي وش سويت لك ؟ اخر مرا كنا كويسين
يقين همست : ايه صح لان اخر مرا قبل سنه !
ياسر : ترا سمعت
يقين : هذا المطلوب !
ياسر : زعلانه مني لاني لي سنه ما كلمتك ؟
يقين : اكيد بزعل ! يعني بالله كم لنا سنه ما شفنا بعض لأنكم نقلتو بعدها نتقابل مرا وحده بعدها تسحب عليا و لا تفكر تكلمني حتى !
ياسر : مين قلك ما فكرت ؟ بالعكس كل شوي اجي بكلمك لكن احس نفسي بضايقك و تحسيني نشبه و غثيث ، خفت تكرهيني بسبب نشبتي ! بعدين ترا حتى انتي ما كلمتيني كنت كل ما اجي بكلمك اقول لو انها تبغاني كان كلمتني
يقين توترت و قالت: الحين تقدر تكمل لعب ؟
ياسر بضحكه : ايوا شكرا
يقين : ابد واجبي
ياسر : يلا تعالي الملعب لا ننجلد
يقين ضحكت و قالت : يلا
طلعو للملعب من جديد
المعيوف بضحكه : ها بشر ؟ فيك شي
ياسر : لا لا بس تأثير الطيحه
نواف : تأثير الطيحه اجل ؟ ههههههه
ياسر شمق له و قعدو يضحكون
و يقين تتأمل ضحكه ياسر و حركاته اللطيفه بالنسبه لها
بدو تمارين الاطاله اخر تمرين لليوم
بعد ما خلصو تمارين كلهم تسدحو على عشب الملعب
يقين شافتهم مهلوكين و حرانين راحت شغلت رشاشات المويا
في البدايه اللاعبين كانو بيكربونات بعدين لما شافوها تلعب في المويه و تسحب ريم معاها قعدو يلعبون معاها و ياخذون علب المويا و يرشون بعض
يقين و هي مبلله : خلاص الله يقلعكم ما جبت لبس !
ياسر : معليك في عندنا صبر بجيب لك
راح غرفه التبديل و اخذ شورت و تيشيرت المنتخب الاحتياطي و عليهم رقم 13 و اسم Yasser و جاب منشفه صغيره و اعطاها و قال : ذا الي لقيته عاد دبري نفسك فيهم
يقين : شكرا
دخلت دوره المياه و نشفت نفسها و لبست بعدها قعدت تنشف شعرها و تعدله (معاناه الكيرلي )
طلعت لهم و كان شكلها يضحك
اللبس مرا كبير عليها و شعرها مبلول و مو راضي ينشف و حالتها حاله
ضحكو عليها كلهم اول ما شافوها
يقين : خير تضحكون ؟ ما يضحك يا زقان
كنو و هو ماسك الضحكه : والله شكلك حريقه يا دكتورتنا
يقين : اضحك اضحك لا تموت علينا
العمري : هذا و انتي لابسه حق ياسر ! حق ماريقا كيف بيكون عليك
ياسر بضحكه : بتضيع في اللبس
يقين بتمثيل للزعل : وجع هنا فرم الخواطر و انا احسبكم لطيفين !
ياسر بقلق : اما عاد زعلتي ! معليش طيب اسفين
العمري بخرشه : صح صح اسفين زودناها
يقين ما قدرت تمسك نفسها اكثر و قعدت تضحك
نواف : كنت عارف انها كذابه
يقين و هي باقي تضحك قالت : يا حلوكم تصدقون بسرعه ، ما اتخطى خرشه العمري ههههههههههه
ياسر : ملعونه والله ملعونه
ريم : امشو للباص يلا لا يروحون علينا بس !
راحو كلهم للباص بس ذي المره جلسو بكيفهم كل واحد اختار مكان لنفسه
ريم و يقين جلسو ورا اخر شي و جا ياسر جلس معهم
اما الباقين كانو قدامهم
شغلو اغنيه : من مثلك
ريم : وش اغاني الحبايب ذي غثيتوني !
صالح : وش نحط لك طيب ؟
ريم : شغل Save your tears
صالح : تسمعين Theweekend ؟
ريم : طبعا
صالح : ذويقه
ريم : تسلم
رجعو للفندق بعد استهبالهم في الباص
توجهو لغرفه و اخذو غفوت بعد يوم متعب
_________________________
ثاني بارت اليوم
لو سحبت بكرا اعرفو اني نايمه لاني مواصله من امس و باقي عندي أشغال
مدلعتكم انا ما تلقون مثلي
ادعو اخلص اشغالي بسرعه لان فيني خمول 🥲
تجاهلوا اي أخطاء املائيه
أنت تقرأ
مستقبلي - My future
Romanceيقال ان الحب الاول هو الحب الابدي و الصادق فهل ستعود إلي بعد سنين الفراق ؟ ام سكن غيري الفؤاد ؟ هل لنا قبله و عناق ؟ ام أصبحنا مجرد ذكريات ؟ هل سأرسل مكتوب الغرام ؟ ام تهنئه بالزواج ؟
