قامت الصباح تحديدا الساعه 7:30 و سوت روتينها اليومي و نزلت تحت ببجامتها
كانت تسمع اصوات ناس بس ما اهتمت اكيد أهلها يفطرون و اصواتهم عاليه كالعاده
نزلت و هي تحك عينها فتحت عينها بعد الصمت الغريب و لقت أهلها كلهم يفطرون و معهم ياسر و اهله
تذكرت ان امها عزمتهم على الفطور !!
ياسر شافني كذا ! هذا الي فكرت فيه يقين
كانت لابسه بجامه بيضا و عليها باندا و البنطلون رمادي و عليكم رسمات باندا كثيره و شعرها كيرلي بس مرتب
تفشلت و قالت : اء بلبس و بجي
و هربت لغرفتها بسرعه
كلهم ضحكو عليها و ياسر قال لنفسه :مرا كيوت تجنن !!
لبس يقين :
《بدون الجزمه و النظاره و الشنطه 》
رجعت نزلت و هي متفشله
جلست في الكرسي الوحيد الفاضي قدام ياسر تماما
(المفروض تتغطى منه بس سلكو تمام ؟ )
كانت تاكل و هي مستحيه بينما ياسر عادي يضحك و يسولف
فجأه نوال قالت : وانت متى تتزوج ؟ عبد الرحمن أصغر منك و خلاص ملكته قربت
ياسر : شدعوه توي صغير على الزواج
نوال بضحكه : وين صغير! خلاص عمرك 31 استوعب !
ياسر ناظر يقين و قال : والله توي صغير صح ولا لا يا كوتش ؟
يقين ضحكت و قالت : صح صح توه نونو
ياسر بضحكه : انتي النونو ، قلنا صغير لا تزودينها وش الي نونو ؟
احلام : تذكرين لما كنتي مدربته ؟
يقين : اكيد اذكر ! يضحك كان يسمع كلامي و يسوي التدريبات و هو متحمس كمان
ياسر بضحكه : ما ننسى فضلك علي يا افضل مدربه لولا الله ثم انتي يمكن ما دخلت القادسيه
يقين : يووووه اذكر اول مباراه لك كلنا تجمعنا عند الشاشه نتابع و كل ما سويت شي صح قمت اقول لاعبي هههههههههه
احلام قاطعت سوالفهم و قالت : وانتي ما ودك تتزوجين ؟
يقين بضحكه : لما يتزوج ياسر افكر !
احلام بتأفأف : يعني ما بتفرحونا انتم ! لا الولد بيتزوج ولا البنت !
ياسر بضحكه : شخصنتها الوالده
يقين : معليك لما يصير 35 انا بزوجه (قالت الكلمه و قلبها يوجعها )
ياسر : لا عاد احس 38 مناسب ولا ؟
احلام بغضب : 38 تعتزل من الكوره يا حبيبي
ياسر : لا لا بعتزل لما يصير عمري 41 سنه
يقين : بتصير عجوز ما تقدر تجري اصلا ههههههه
ياسر : افاا هذا وانتي مدربتي قلبتي علي وش بقيتي لذولا
يقين : بعد ما نقلتو صرت أوفر دراما ولا يتهيأ لي ؟
منار : الا الا مرا
يقين : عسل من زمان عنك هههههههههههه
ياسر : الصدق توقعت نسيتيني !
يقين : مستحييل !
اما منار غمزت لنجد و نجد فهمتها و اخذت الجوال
منار : ذولي لازم يتزوجون !
نجد : ايييه حسيت يليقون لبعض
منار : نتدخل و لا نتركهم يحبون بعض بدون تدخلاتنا؟
نجد : لا لا ، نتركهم لبعض هم يتصرفون
منار : تمام
خلصو فطورهم بعدها قعدو نص ساعه يسولفون
احلام : يلا احنا نستأذنكم
نوال : باقي بدري! خلكم شوي
احلام : لا والله خلاص بنروح البيت نريح ورانا كرف بكرا الملكه
نوال : اذا تبغون مساعده دقي علي و يجيونك البنات يساعدونك
نجد و يقين : ايوا معليك بس كلمونا
احلام : ما تقصرون والله
ودعو بعض و راحو بيتهم
اما يقين راحت المطبخ سوت قهوتها و سمعت امها تقول : اخيرا فطرتي معنا ! بعدين انا ما قلت لك انهم جايين ليه نازله بالبيجامه ؟ ههههههههههههه
يقين: راح عن بالي
نجد : يقين ابغى المول ناقصتني أغراض بليز تعالي معي
يقين : تمام نطلع العصر
نجد : تم
راحت يقين لغرفتها ة فتحت الدفتر
اليوم الثامن و الأربعون 25/11/2013
اوف ياسر اليوم بيسافر ديرتهم اسبوع ! يع بطفش لوحدي اسبوع كامل !
أنت تقرأ
مستقبلي - My future
Romanceيقال ان الحب الاول هو الحب الابدي و الصادق فهل ستعود إلي بعد سنين الفراق ؟ ام سكن غيري الفؤاد ؟ هل لنا قبله و عناق ؟ ام أصبحنا مجرد ذكريات ؟ هل سأرسل مكتوب الغرام ؟ ام تهنئه بالزواج ؟
