بعد مرور سنه كامله خاليه من الأحداث المهمه
براء : اول شي السلام عليكم
كلهم : وعليكم السلام
براء : ثاني شي تعرفون ان مونديال كأس العالم بيبدأ بعد اسبوع صح ؟ ف طلبو مني اختار طاقم طبي مناسب تحت اشرافي و نروح لقطر نشتغل و نستمتع بتقولون كيف ؟ انا بقولك بنحضر المباريات مع الطاقم الفني و الطبي للمنتخب طبيعي و لو صارت اي أصابه
الطاقم الطبي حقهم بيحدد الاصابه و اذا كانت قويه احنا بنتوجه للمصاب فورا و نعالج الاصابه مفهوم ؟
الكل : مفهوم
براء : ابغى الدكتور عبدالعزيز و الدكتوره انفال و الممرض خالد و الممرضات ريم و يقين في احد من الي اخترتهم ما يقدر يجي ؟ مده الرحله شهر كامل فقط !
يقين : ممكن سؤال ؟
براء : اكيد تفضلي
يقين : وين بنسكن و هل بنكون معهم في التدريبات ولا في المباريات فقط ؟
براء : بنكون معهم بالمعسكر يعني بنكون معهم طول الوقت
يقين : تمام
براء : موعد رحلتنا لقطر يوم السبت الجاي الساعه 10:00 الصباح رجاءا محد يتأخر لا تفشلوني !
الكل : ابشر ، معليك
يقين بهمس : اخيرا بشوف ياسر و بنكون سوا طول الوقت
ريم سمعتها و ضحك بخفه و همست لها :
ريم : ما احبه هو صديقي بس اجل ههههه
يقين : دزي امها بس هههههههه
ريم : لك 10 سنوات تحبينه محظوظ والله
يقين : ياخي ما احبه افهمييي
ريم : صح صح
انتهى دوامهم و رجعت البيت لقت أهلها متجمعين كالعاده
قعدت معهم و قالت : بروح قطر شهر كامل
عبدالله : ليه عسى ما شر ؟
يقين : بنروح مع المنتخب عشان لو صار شي لأحد اللاعبين نقدر نتدخل بسرعه
عبدالله : يعني مع ياسر ؟
يقين : ايه مع ياسر
عبدالله : اجل تمام متى رحلتك ؟
يقين : يوم السبت الجاي الساعه عشره الصباح
نوال : شوفي اذا ناقصك شي و خلصي امورك هذا الأسبوع
يقين بضحكه : ترا في أسواق في قطر معليك
نوال ضربت كتفها بخفه و قالت : هذا جزاي خايفه عليك ؟
يقين باست راسها و قالت : امزح يا حبيبي انتي
نوال : روح نامي اكيد تعبانه
يقين : فاهمتني والله ، اليوم انكرفنا كرف
طلعت غرفتها لبست شورت اسود و تيشيرت ابيض عليه صوره من ورا و عبارات صغيره بالأحمر و الازرق من قدام
نامت و هي ميته تعب
قامت الساعه 3:00 الفجر
يقين : وش النومه الطويله ذي ! بالعاده ما انام كذا
راحت الحمام غسلت وجهها واسنانها و صلت الي فاتها ونزلت تحت سوت قهوتها طبعا و سوت لها فرنش توست
طلعت غرفتها و شغلت اللابتوب تشوف فيلم على ما تجي الساعه 6:00 و تقوم تجهز لدوامها
فعلا شغلت فيلم و كان ممل قفلت اللابتوب و قعدت على جوالها
كانت مقاطع التيك توك ممتعه اكثر من الفيلم السخيف
سمعت اذان الفجر قامت صلت الفجر و اخذت شاور و لبست تيشيرت ابيض مع بنطلون اسود و جزمه رياضيه بلونين ازرق و ابيض
و كالعاده حطت تنت و قلوس و نزلت
على غير العاده أهلها كانو نايمين اخذت ورقه صغيره و كتبت : فطرت و طلعت لدوامي و برجع متأخر
يقين
طلعت سيارتها و راحت دوامها بدري كالعاده
دوامها يبدأ 9:00 لكنها تحب تكون في المكتب من 8:00 و تطلع 10:00
نقدر نقول ترهق نفسها بالشغل عشان ما تفكر بحبيب قلبها يسور
لها سنه كامله ما شافته الا بالمباريات
تروح عند اخواته و بجون عندها بس ما عمره فكر يزورها او يكلمها و هذا الي خلاها تتأكد انه ما يحبها
و ان كل مشاعر الحب الي تحس فيها من طرف واحد فقط و لازم فالمعسكر تكون قد الوظيفه و ما تخلي مشاعرها تتحكم فيها ابدا
اخيرا انتهى الاسبوع المتعب بين الدوام في المستشفى و تجهيزاتها للسفر و نومها الملخبط و اكلها السيئ
صح هي ممرضه بس ما تهتم لصحتها
نقدر نقول تنصح و ما تطبق نصايحها
يوم السبت يوم سفرتهم
الساعه 7:30
ابوها : عندك فلوس ؟
يقين : معليك عندي
امها : اكلتي ؟ شربتي قهوتك ؟ اعرفك ما تقدرين بدونها
يقين : اكلت و شربت قهوتي و كل شي تمام لا تخافون
محمد : يلا اوصلك انا و ابرار و ندو ؟ كذا و لا كذا بنروح معاك المطار
يقين: ايش الدلع ذا ؟ لو ادري بتدلعوني كذا حسافر كل شهر
محمد : امشي بس ترا دايم ندلعك يا كذابه
يقين : امزح يا حبيبي
اخذ شنطتها و حطها بالشنطه
ركبت ورا مع ندو بينما محمد و ابرار قدام
ابرار شغلت اغنيه: غير الناس
بينما الكل مستمع للأغاني و مبسوط
كانت يقين تتجاهل أفكارها بأنها سوت شي غلط المفروض ما تقابل ياسر عشان تقدر تمسك مشاعرها
تجاهلت كل أفكارها و مشاعرها و غفت
متأكده انها نامت كويس و مستحيل تنام بس من إرهاق التفكير غفت
وصلو المطار و نزل محمد باس خدها و قال : وصلنا يا قلبي
بس يقين ما قامت
ابرار : خذ ندو و انا بقومها
محمد : تمام
راح محمد اخذ ندى و شنطه يقين و دخل المطار
ابرار قومت يقين و قفلت السياره و لحقو محمد
يقين خلت محمد يسوي لها كل شي و هي اخذت قهوه من دانكن و دقت على ريم تسألها هم وين ؟
اخيرا لقت ريم و براء و الباقين سلمت عليهم و ودعت محمد و ابرار و ندو
يقين : حمودي انتبه ل ابراري ! انتبه تزعلها و انا مو في يويلك
ابرار : حبيبي انتي انتبهي لنفسك و طمنينا لما توصلي
محمد : ريم انتبهي لنفسك و للمجنونه الي معك
قرب من يقين و حضنها و همس لها : انتبهي تجيبين العيد ترا محد يعرف بعلاقتك مع ياسر !
يقين بتوتر : اي علاقه ؟
محمد : الكل يعرف انك تحبينه لا تسوي مجنونه
يقين : دزوها ما احبه
محمد : صح صح ، يلا سلام
كانت الساعه 9:15
فقعدت تسولف مع ريم و انفال الي صارت صحبتها فالسنه الماضيه
الساعه 9:50
توجهو للطياره
كانت مده الرحله ساعه و نص تقريبا
وصلو قطر الساعه 11:30
للحين ما قابلت ياسر و هذا شي كويس بالنسبه لها
جاهم باص المنتخب
ريم لبراء : نفس باص اللاعبين ؟
براء : ايوا نفسه
ريم : اوك
دخلو الباص و يقين تتذمر
فجأه شافت ياسر و سكتت
براء : يقين مكانك هناك عند ياسر
يقين لنفسها: اوف ليت عنده ! اهخ كيف بتحمل شهر كامل و انا معاه ؟
اما ياسر كان مستغرب وش جابها هنا ؟
له سنه يتجاهلها لانه يعرف انها ما تحبه ليه يتعلق فيها أكثر كيف بيتحمل شهر كامل بقابلها يوميا و ما يقدر يحضنها يسلم عليها او يمسكها حتى !
ياسر لنفسها : يالله ييسر على قلبي هالشهر !
وجهها متغير ! ماهي يقين الحيويه و الفلاويه الي اعرفها لا واضح مرهقه و وجهها تعبان ليه جت طيب ؟ معقول عشاني ؟
ياسر وش الكلام ذا ! ركز ركز ! هي ما تحبك يا هطف !
________________________
كيف البارت بس ؟
حسيت لازم تمر سنه كامله مو على طول يعترفون
و كمان لازم يتعبون شوي لين الاعتراف !
تحسو اللاعبين بيقفطو انهم يعرفون بعض ؟
كنت بنزل امس بس ما كان عاجبني ف حذفته و كتبته زي الخلق
أنت تقرأ
مستقبلي - My future
Romanceيقال ان الحب الاول هو الحب الابدي و الصادق فهل ستعود إلي بعد سنين الفراق ؟ ام سكن غيري الفؤاد ؟ هل لنا قبله و عناق ؟ ام أصبحنا مجرد ذكريات ؟ هل سأرسل مكتوب الغرام ؟ ام تهنئه بالزواج ؟
