"ان الفرق بين الكاتب و القارئ هو ان الكاتب يكتب ما يستطيع ، بينما القارئ يقرأ ما يريد ، بين هذه القدرة و هذه الارادة هناك فرق كبير ان تكون كاتباً هو انجاز مهمة و ان تكون قارئا فهى طريقة حياة ..."
الاقتباس من جنتلمان المكتبات البرتو مانغويل ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في الدنيا هاذي عنصر الوقت مهم برشا و قيمتو تتعرف كيف الفعل إلي يتم في اللحظة المناسبة ، الكلمة إلي تخرج في اللحظة الأكيدة و المهمة ... أي حاجة ما تجيش في وقتها تفقد الأهمية و التأثير متاعها ، يقل الشغف متع العبد إلي يخمم في حاجة /كلمة تفرحو في اللحظة هذيكا .. هذاكا علاه معدن الناس الصحيح يبان في الأوقات الحساسة و في الأوضاع إلي تبدى فاها سوء تفاهم .. الكلمة إلي ما تبردش النار و الفعل إلي يخرج الطرف إلي معاك من الحزن و الغش و إنت تتعنت و تخلي الأوضاع تزيد تخياب و من بعد تجي ترضي كاينك جيت لعبد ميت تحاول تفيق فيه .. الوقت هو إلي يخليك تعرف روحك و الطرف المقابل و الوقت هو إلي يخليك تقيم روحك في الصح و في الثنية الباهية ... _________________________________________ " من اكثر حاجات لتوجع فى دنيا هذى انك تولى معادش تحس بشي و بحد و ما يأثر فيك حتى مشهد حتى لو يشدك طفل صغير من ساقيك اثنين و ما يخليكش تمشي و يخزر فى عينيك بعينيه لملينين دموع و يقلك كلمة عمرك لاباش تسمعها فى حياتك ma ما تحس شي كل شي و لا عادى عندى و ما يحرك فيا شي مش منى الدنيا خلاتنى ما نحسش بالأمان فى شي حتى لو ابسط حاجة نحسها باش تضرنى ..." قعدت تخزر لطفل بدون ما يتحركلها ساكن و هو معنق ساقيها مش مخليها تقدم خطوة وقفت تخزر فى عينيه مشاعرها مش منجمة تتحرك وصلت لمرحلة دم فى عروقها جامد مش حاسة بشي لا نجمت تبعدو و لا تخليه ماسك فيها حتى جاء بوه و جبدو بقوة من يديه بدون ما يطلع فى عينيها و لا هى خزرتلو كانت تهرب فى وجها فى عينيها منو حاسة روحها خايبة و بشعة مظهر و قلب رغم إللى ما نتبهش لشكلها نهائيا و حتى لو فيها عيب مستحيل يشوفو كيما قبل عمرو ما انتباه على حتى عيب فى شكلها و توا كيف كيف حتى لو فقدت بريقها و ابتسامة لماتفراقش وجها و البهجة لدخلها فى اى مكان تكون متواجدة فيه تقعد سمر فى عينيه ازين مرأة شافها فى حياتو ....💔 بسيف جبد يدين ولدو لمكبشة فى ساقيها محبش يسيبها وحيد فى خواتو لعرفها و ذكرها قعد ينادى وراها و يبكى ، الغريب فى الامر انو قد ما هو يبكى قد ماهى مكملة طريقها عادى متأثرتش بحد من اللى شافتهم... __________________________________ -حتى يوسف ما حسيت بشي و هو قريب منك -ماحسيتش بأولاد اختى حتى نحس براجل لدمرلى حياتى سكتت سناء حسبت روحها تشوف فى تليفون لكن كان باين لسمر انها حابة تقول حاجة -شنوا حابة تقلى 🙂 -نخاف تتغشش منى كان نتكلم
