"ان الفرق بين الكاتب و القارئ هو ان الكاتب يكتب ما يستطيع ، بينما القارئ يقرأ ما يريد ، بين هذه القدرة و هذه الارادة هناك فرق كبير ان تكون كاتباً هو انجاز مهمة و ان تكون قارئا فهى طريقة حياة ..."
الاقتباس من جنتلمان المكتبات البرتو مانغويل ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقت الضيق والشدة والمرض تبان معادن الناس تعرف شكون صاحبك من عدوك تعرف شكون يحبك واشكون لا وقت الي اطيح تعرف شكون الي باش يكون بجنبك ساعات تكون كلمة كافية باش تخليك ترجع تاقف على ساقيك وساعات كي تلقى انسان بجنبك في لحظة محنة مهما كان لعذاب واتعب وقفتو معاك تخفف عليك واتخلي كل شي يهون وقت الغصرة تتغربل لعباد لي في حياتك وتعرف لحقايق وكل شي يبان على اصلو وحقيقتو الناس تبان كان في الشدة وقتها تنجم تفهم شكون لي يحبك من غير حتى حساب شكون صاحبك وكلمت الصاحب صعيبة تعرف وقتها شكون يعزك شكون يحبك واشكون يخاف عليك تعرف شكون فرحلك كيف طحت واشكون لي كان يضحك في وجهك واليوم يضحك شماته فيك تعرف شكون لي فرح كي شافك في ضيق ولا في محنة وتعرف شكون لي يتمنالك الخير واشكون يتمنالك الشر وربي وحدو عالم الي في القلوب وربي كي يبتليك بمرض ولا شدة يكون امتحان ليك و لدرجة صبرك في الدنيا والشدة توريك وتفهمك الي في قلوب الناس وتعطيك درس في الدنيا....
____________________12 جانفى 2023_______ -البنات ياخى طفلة هذيكا شنيا حكايتها 👀👀 -و لا حد يعرفلها حكاية ماللى جات و هى شادة هاك تركينة حلت سناء دبوزة الماء عملت جغمة و باقى عينيها على سمر قاعدة ملمدة ساقيها لازتهم لصدرها و مهبطا راسها فى وسطهم فى تركينة ، طلعت من حضبة البنات لكانت قاعدة فى وسطهم و مشاتلها...فى يديها شكلاطة و موز و ماء ... -خوذ ☺️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رفعت سمر راسها بشويا قعدت تخزر فى عينين الطفلة لدخلت فى اقل من شهر بحسها و شوشرتها و جوها و حركتها المفرطة كينى ماهيش سجينة ماللى دخلت و هى تضحك و عاملة جو مع بنات و ماللى يطلع نهار و هى تصفق و دربك و تغنى وضعها كان احسن من إللى موجودين لكل خاطر مدة حكم عليها ثلاثة اشهر فقط بسبب سب و قذف بوليس سياسي اثر احد مظاهرات لعملتهم مع اصحابها سناء طالبة فى كلية صحافة و علوم اخبار عمرها 21 سنة حسب ما شافت سمر و سمعت بنت ناس غنيين اول نهار دخلت فيه للحبس بعثو عائلتها شاريو مليان قضيات و حوايج ليها و للبنات لمعاها حتى البيت لهى فيها نظفوها و دهنوها طفلة اجتماعية فيسع ما تأخذ على ناس و فيسع ما تتأقلم قعدت مقابلة سمر تڨرمش فى بسكويت ... -انا سناء بن سليمان 🤗 مدت يديها حتى تسلم على سمر سمر رفضت باقى تخزر لطفلة مش مستطلفتها رغم إللى فيها كمية حيوية و طاقة ايجابية تخليك تتفاعل معاها يمكن خاطر فكرتها بروحها قبل او يمكن هى سانست فى عامين و نص لفاتو ما تحكى مع حد او خايفة تحكى مع حد او بعد لصار عليها نسات كلام و كيفاش تتعامل مع ناس كان نفس طالع هابط منها حد ما يعرفلها صوت استوهشت بلغة اوضح...تحرجت سناء من موقف حكت شعرها وجها حمار بدلت موضوع بضحكة و قامت لكن اصرت انها تتقرب من طفلة هذيكا شافتها ديما ساكتا تبكى وحدها جذبتها عزة نفس لعندها تخزر لمأكلة قدامها و تبلع ريقها و ما تمدش يديها ، من بلاصتها ما تتحركش صغيرة قريبتلها فى العمر و ظاهرة نظيفة و بنت ناس ...قعدت كل يوم تتقرب منها وقت فطور تقعد جنبها وقت عشاء كيف كيف و هى مش عطيتها وجه تقعد تحكى تحكى و هى فى عالم اخر مش معاها جملا ... -سمر علاش ديما تصد فيا ؟ انا فرحت للقيت طفلة قريبتلى فى العمر نحكيو مع بعضنا نونسو بعضنا نعديو ربطيتنا و روحو و نقعدو صحاب 🥺 -اما انا مش مروحة باش نقعد هونى و نموت هونى و نتدفن هونى.... كانت هذى اول مرة من شهرين تسمع صوتها فرحت انها تكلمت و اصرت تحكيلها اش موصلها هونى و شنيا تهمتها و كى عادة سمر تمنعت على كلام ... -زح البنات باش نتوحشكم 🥺 جمعتين و نطلع -حتى احنا باش نتوحشوك -تنسانش عادة ابعثينا قضيات -اكيد من العين دى قبل العين دى ☺️ جاء وقت نوم كل وحدة شدت فرشها ، وقفت سناء تعمل فى سيروم فى وجها قبل ما ترقد قدام مراية -قتلت اختى.. وقفت تخزر لسمر فى مراية وراها باهتا ، توقعت تهمتها بسيطة شيكات او عركة فى شارع او اصحاب سوء دخلوها فى حكايات خمج هذى اقصى حاجة اعتقدتها لكن قتل مرة وحدة تى طفلة تشد فرڨيتا بزوز صوابع معقول هذى تقتل مانجمتش تشد روحها قدامها و طرشقت بضحك خاطر لغاية هاك لحظة و هى مش مقتنعة انو طفلة لواقفة وراها تنجم تقتل ، هزت سمر من يديها و قعدو على فرش .... -استبطتيتها ما حلتش عليا باب ، عيطت لsecurity حتى يكسر الباب لقيتها غارقة فى دمها و جنبها ولدها واقف يخزرلها مش فاهم شي بيبى عمرو عامين حالل فمو و يعملى ماما احا يورى فيا بصبعو .... -بعد لحكيتو لكل على قوة علاقتكم و حبكم لبعضكم شنوا حسيت و انتى ترى فيها ميتا تى حتى كى دخل يوسف لحياتكم ورغم مشاكل و ضرر لسببتهولك ماتخليتوش على بعضكم كيفاش نجمت تقاوم مشهد موتها قدام عينيك -و لا حد حس بيا فى لحظة هذيكا و لا حد انتبهلى انو انا اكثر إنسانة باش نتأذى نفسنيا بموتها ماكانتش اختى كانت روحى من داخل حتى بعدنا و تعاركنا و خذات راجل وحيد لحبيتو و طيحتلى ولدى ما نجمتش نكرها حاجة كانت اقوى منى كنت نحبها نحبها برشا طول عمرى كنت واقفة جنبها فى فرحها فى حزنها عمرى ما خليت دمعتها تهبط ديما مساندتها واقفة فى ظهرها الا ...مانجمتش نحميها مانجمتش وصلت مخر (دموعها هبطو شدتها الغصة نجمتش تحكى، تنهدت) تعدا العزاء دفن و انا جهامة على وجه ارض لا نجم نحكى لا نفهم فاش قاعدين يحكيو و الا شنوا قاعد يصير نشوف فى اولادها قدام عينيا يلعبو و يضحكو مش عارفين امهم فين وحيد لحس عليها و فهم شويا ولدها ياسين هو لشافها مرمية غارقة فى دمها و قعد مبرق عينيه مصدوم على طول شنيا جرمو حتى يتحمل طفل عمرو عامين كان اقرب واحد لأمو 🙂 توامة اول ما بداو يمشيو جاونى ليا انا يجريو الا ياسين مشالها ليها هى يجرى و ديما فى حضنها فطبيعى يتصدم وقتها وقفت لأمانة اختى و حطيت طفل فى حضنى ودرت بيه انا و بوه من طبيب نفسانى لطبيب نفسانى ... -كيفاش كانت علاقتك مع يوسف فى وقت هذاكا ؟ -تصدق بعد لحكيتهولك لكل حس عليها كيما انا حسيت عليها مانيش باش نقلك اكثر اما فى ايام هذوكا ريت دموع يوسف لأول مرة نشوفو يبكى بلحق و دمر و دخل فى دبرسيون كبيرة كان يعدى وقتو لكل وحدو فى بيتو تصويرتها بين يديه يسامح فيها و يطلبلها فى رحمة و كل يوم نمشيولها لجبانة قدام رجال يبكى بشهقة عليها لا نجمت نوسيه و لا نواسي روحى خاطر حالى ما يختلفش على حالو لكن ياسين أمانة اختى كان مستحقنا زوز حتى ناقفو على ساقينا طفل باش يضيع حالتو خطيرة مشهد امو غارقة فى دمها بين عينيه ، فى الاثناء واحنا ندورو بيه من طبيب لطبيب و نحاولو نحكيو معاه و نرجعوه لدنيا و نتقاوو على روحنا و نضحكولو فى وجهو يجى الحاكم و يهز يوسف من قدام عينيا بعد ما حققو مع سيف بإعتبارو اخر واحد زارها تبين انو سيف برئ اثبت وجودو فى محطة لوجات مروح لبلادو ناس شهدو شافوه ، خالها كيف كيف كان ساهر فى بار كاميرا صورتو ، امها هبلت و تجنت كى سمعت الخبر حالتها ماكانتش تسمح الاستجواب لكن مستحيل تكون قاتلة قعدت اصابع الاتهام متجهة ليوسف ، من سوء حظو كاميرا ليلتها كانت معطلة ما تخدمش يعنى من ساعة لطلع فيها سيف من عندها مش معروف شكون دخللها و ما ينجم يدخللها حد الا بو اولادها لهو صاحب ابرتمون و عندو دوبل تع مفاتح كمل عليهم شهادة جيران كانت ضدو و قالو انو جاءها قبل بأيام و خنقها و حاول يقتلها و شهادة امها لأكدت كلامهم زادو يلقاوها رافعة عليه قضية زنا ربطو احداث ببعضها و دخل يوسف الحبس -و انتى ، انتى زادة شفتو بعينيك يخنق فيها ؟ -اما ما تكلمتش و ما قلت شي مانجمتش نعترف عليه 🙂 كيفاش باش نعترف عليه و نتكلم بعد ما كل ناس تخلاو عليه بوه قلو جبتلى فضح و مسخت سمعتى فى دشرة ، محامى تاعو قلو أدلة لكل ضدك وقضيتك خاسرة خاسرة ما عندى ما نعملك حتى طليقتو حرمتو من بنتو نهائيا و قتلو انتى مجرم بنتك ما تتشرفش بيك ، ما قعدت كان انا مقطعة روحى بين اولاد و بوهم نهز قفة و نستنى و نطمنو و نرفه عليه و نسيه و نقلو ازمة و تتعدا نهزلو تصاور اولادو ، نبوس ايد الفة حتى تعملى فيديو فيه بنتو نوريهولو ثمنية اشهر تعداو من عمرى لا قريت فيهم لا خدمت حياتى لكل واقفة عيشتى يوسف ، تؤام ، قبر ملاك مقسمة وقتى بينهم تلاثة و طلع دليل جديد يثبت ادانتى انا و بصمات إللى عليها كلها بصماتى حتى سكينة عليها بصماتى ...🙂 -دليل !!! 😳 -امممم فى بريود هذيكا ملاك كانت محرمة على يوسف يشوف اولادو و هو كان اكا حدو عليهم ما استحملتش نراه فى حالة هذيكا كى العادة انا ديما نسعى لفرحو 🙂 طلعت من دروج residence و دخلت من باب كوجينة ، إللى كان يحقق فى قضية طلب كاميرا خلفية للمبنى و طلعتلو انا طالعة نسرسب فى دروج -و بعد ؟ هبطت سمر راسها ظاهر فما جزء من قصة مش حابة تحكيه طول انتقلت لمرحلة القبض عليها و اعترافها بالجريمة و مكان اداة الحادة لاستعملتها... -ردة فعل يوسف؟ -هههه غديكا كانتلى مفجأة توقعت حتى لو أدلة ضدى و انا اعترفت على روحى راجل لنحبو باش ياقف معايا و يدافع عليا و يأمن ببرائتى 🙂 اذا بيا نتفجأ .... ___________________قبل سنتين و نصف____________
