#شتاء_دافي
الحلقه-10
#بقلمي نور الاسلام🧘🏼♀️
فاتو ثلاثه ايام بدون احداث جديده 🤍
درس سيارته قدام حوشهم وحس بشعور حلو تسلل لقلبه تمنه لو ينزل بنفسه ويشبحها قعد مده يشبح للحوش وبعدها نطق،، انزلي
نور;;بربكا ''حي متحشمه تخايل تقول متعرفنيش
عمر:غمض عيونه يطمن فيها،،، انتي انزلي قوليلها اني اخت دكتور عمر توا هيا تفهم متخافيش
نور: نزلت الخمار، باهي يستر الله
عمر: شبح فيها ،،متعطليش بس يانور
نور:هزت براسها ،،به
فاطمه: طلعه من الحوش بتسكر الباب تقابلت ببنت متخمره نازله من السياره قعدت تشبح فيها بستغراب،، هادي مني
نور:قربت منها بابتسامه" السلام عليكم
فاطمه: وعليكم السلام بنيتي
نور:هني حوش الحاج بيلقاسم صح
فاطمه: اي يابنتي تفضلي
نور:ابتسمت،اني صاحبه فرح موجوده هيا ولا
فاطمه: برفعه حاجب،، صاحبه فرح؟؟
عمر: قعد يشبح من بعيد،هادي اكيده امها
نور:حكت رقبتها باحراج،اي تقرا معاي في الجامعه
فاطمه:فتحت الباب،،ااااه اي اي تفضلي
نور:يذيد فضلك، ،خشيت وهيا مرتبكه
فاطمه: نزلت خطوتيتن بتمشي رجعت وقعدت تشبح فيها خاشه خافت منها متخمره واول مره تشبحها لحقتها ،،تفضلي يابنتي تعالي تو ناديهالك
نور: هزت براسها ،،تمام
هديل:في صاله شاده تليفونها مكسده ع الواتس سمعت صوت امها تحكي مع حد بسرعه ناضت سقمت مكانها عدلت المخاد ورفعت كيس شكلاطه اللي لوحاته وطلعت قعدت تشبح في امها بستغراب متعت من هادي
فاطمه: حولت مداساتها،تفضلي يابنتي تفضيلي بري ياهديل ناديلي فرح
نور: مرتبكه شابكه ايديها الزوز بتوتر، ، كيف حالك
هديل: الحمدلله بخير تفضلي لداخل
نور:خشت مرتبكه وخاشه في روحها، قعدت بهدؤ وهيا تعصر في ايدها
فاطمه: قعدت تشبح في عيونها،متجوزه انتي
نور: هزت راسها بنفي،، لالا
فاطمه: اممممممم باهي بنت منو انتي،،
نور: بلعت ريقها،اني بنت ال.........
فاطمه: اهاا من الجبل انتو ولا
نور: هزت براسها، اهااا
فاطمه: قدا عمرك انتي من صوتك نحس فيك صغيره
