صلو على النبي واذكرو الله
26 رمضان
ام جوري: بنات اليوم بروح اكمل النواقص للعيد مين اللي ماقد خلصت
دانه وجوري ووسن : انا
مرام : انا طلبت اونلاين بس ابي اغير جو بروح معاكم
شهد جت : وشفيكم
وسن: بنروح نكمل نواقص العيد
شهد: ناقصني كعب ماقد شريت
ام جوري : هلا والله اسمع قول للاولاد اللي فاضي منهم يودينا نبي نكمل نواقص العيد ، تمام
: يلا يابنات الحين بنروح تجهزو
راحو البنات ولبسو
ركبو وسلمو
فيصل : وعليكم السلام ،
ام جوري : نبي الصيديله بعدها ودنا المول
فيصل: ابشري
وصلو
وسن : دنو شرايك اي لون عدسات يلبق لي ؟
دانه: رمادي
شهد: تعبت خلونا نجلس نتقهوى شوي
تسوقو البنات وخلصو ورجعو للبيت
دانه: وسن شفتي القلوس اللي شريته؟
وسن: وشفيه؟
دانه: اسألك اذا شفتيه لاني مالقيته بين اغراضي
وسن : شكلك نسيتيه بالسياره
دانه: ياليل وش السوات الحين؟
وسن: قولي لجده تخليهم يجيبونه لك
دانه: مرا صغير قلوس ديور ومايعرفون شكله ،،، شرايك تجين معاي نشوف اذا السياره مفتوحه ولا لا
وسن: اخاف يطلع لنا واحد من الاولاد
دانه: لا انشاءالله معليك نايمين
وسن : يلا امشي
طلعو البنات ووصلو للسياره وفتحت لهم قعدو يدورون فجأه
جهاد شافهم وصد : اعوذ بالله وش تسوون هنا
دانه: في شي طاح مني وجيت ادوره
جهاد : طيب ليش ماتقولون لنا نجيبه لكم
دانه: لقيته
وسن: اخيراً
دخلو البنات البيت
وسن : شفتي اسلوبه كيف
دانه: اي شفت
وسن: بيك مي بويي وربي
دانه: معلينا القلوس طلع صغير بالنسبه لسعره مرا اوفر
وسن : تراك ماتحطين ميكب الا بالمناسبات الكبيره
دانه: ايوالله امشي نروح للبنات
راحو للبنات
غيدا: هلا والله ويننكم فاتك حلا جدتي
دانه: اما عادد بقى شي طيب؟
وسن : جده تكرهنا ماتسوي الا اذا طلعنا
وجدان: معليكم بقيت لكم
دانه: الله يجعني اخذ ضيمتس
وسن خمت وجدان
دانه ووسن راحو ياخذون الحلا كان بالمطبخ اللي بالدور الارضي
وسن : دنو شرايك تسوين باستا
دانه : تم بس بتساعديني
وسن : ابشري
وهم يشتغلون
وسن : دانه
دانه: لبيه
وسن : في سوال فبالي ابغا اسالك ياه من زمانن
دانه: قولي
وسن: شرايك بفيصل ؟
دانه: اللي نعرفه ؟
وسن: في احد ثاني
دانه: اي فيه !
وسن : ياليل اي ولد عمنا
دانه: مافهمت سوالك
وسن : يعجبك احد من عيال اعمامنا
دانه: لا كلهم ماش مابي اتزوج من قرايبي
وسن : بالنهايه انتي اول وحده تتزوجين وتتزوجين سعود
دانه: خير وجع مالقيتي الا هو
وسن : هي ترا يحبك
دانه تناضر باستغراب : يحبني؟؟
وسن تناضر بتورط
دانه: والله ياوسن لو ماتقولين اني لاقطع العلاقه
وسن : اما ماتعرفين
دانه: عن وش
وسن: قبل سنتين مرام راحت تتمايع وتساله وتستدرجه لانه الولد واضح يحب
دانه: طيب
وسن : اصبري وفعلاً خلته يقول مين يحب وقال اسمك وانهارت ماتلاحضين انها تكرهك
دانه: طيب انا ما احبه
وسن : من تحبين
دانه : محد ، وانتي طيب؟
وسن: فيصل يعجبني
دانه: وش اللي يعجبك فيه
وسن: اسكي بس والله انه جميل وهادئ الشخصيات ذي تعجبني لانو يكون قدام الناس غير ومعاك غير
دانه: وسونه خلي الحب على جنب وجيبي كريمة طبخ من المخزن
وسن: اخخ يادنوووو
راحت وسن تجيب من المخزن والمخزن كان ورا البيت بحديقة الحوش راحت وسن لكن كانت تسمع اصوات تجاهلت ولما دخلت كان فيصل بوجهها
كلهم تنحو قعدو خمس ثواني واستوعبو وسن قفلت الباب بوجهه ورجعت للبيت تركض
راحت لدانه وهي بالغصب تتنفس
دانه وهي تحرك المكرونه: وين الكريمه
وسن بحماس: بلا كريمه بلا باستا تخيلي مين طلع لي
دانه: منو
وسن بصراخ خفيف : فيصللل
دانه: ومن الحب ماقابل هههههههه
وسن: والله يادنو طلع بالمخزن جيت افتح تنحنا ببعض
دانه: حب من اول نضره
وسن وهي تضرب دانه: عدوة الفرحه
دانه: الله يهنيكم ويجمعكم
وسن : امين
دانه: طيب وكريمتي
وسن: انا شبعانه بعد ذا الموقف مابي اكل
دانه: سويتها عشانك طيببب
وسن : مايحتاج كريمه سوي بمعجون الطماطم
دانه: طيب جيبيه
اكلو وشبعو وراحو ينامون
أنت تقرأ
أعطيتكِ قلبٌ صدقَ الحُب والشُعور ماكنت بعارف انّني على قَلبُكِ ثقيل
Actionتدور الاحداث بين الاحفاد في قصر جدهم الغني بدأت 2023 3 July روايه خياليه باللهجه العاميه
