أعطيتكِ قلبٌ صدقَ الحُب والشُعور ماكنت بعارف انّني على قَلبُكِ ثقيل

البارت الثالث

عند البنات
الجاره رحبت فيهم وجلسو
الجاره تكلم الجده: ماشاءالله عليهن كبرو صارو عرايس لازم نزوجهن
الجده:مانزوج حن اللا بالثلاثين
الجاره استحت : امزح ياوخيتي ،. ايوه كيفكن ياحلوات
منيرهه تعالي البنات جو
منيره : هلا يمه هذاني جيت
سلمت عليهم وخلتهم يجون معها للصاله
منيره: والله اني اشتقتلكم وينكم منزمانن عنكم
وجدان: رمضان واشغال تعرفين
منيره : الحال من بعضه
غيداء : منور سمعت بخطبتك
دانه: منجدد انخطبتي ؟
جوري: اماا عادددد
منيره بخجل : ايوالله انخطبت
غيداء : الله يتمم لك
دانه: الله يوفقكم ياروحي
وسن: امينن
جوري : بنشتاقق لكك
منيره: بعد قلبيي جوجوو
مرام: كيف شكله اهم شي الشكل
شهد قاطعت مرام : انا اول وحده بتبكي بزواجك
البنات ضحكو
منيره: ياقلبي انتي
الجده: يلا يابنات
منيره: بنات تعالوني باليل اذا فاضيين
البنات: انشاءالله
راحو ل خمس بيوت تقريباً ورجعو للبيت ع الظهر

بعد نومة العيد
وجدان: بنات يلا قومو خلونا نروح ل منيره نونسها
البنات قامو وتجهزو وراحو للجده عشان يقولن لها وكان الجد جالس مع الجده ف سمعهم
الجد : اصبرو يابنياتي بقول ل سعود يوديكم
وسن دقت دانه بكتفها وغمزت
دانه تناضرها نضرات اللي وجع انا اوريك
وسن قمطت وبعدت عنها
الجد: يلا اطلعو سعود برا
البنات ركبو
يتكلمون بصوت خفيف
دانه: طيب بنات نروح ويدينا فاضيه ؟
وجدان : البقايل بعيده طيب بنطول عليها
وسن: ننزل عند منيره ودانه تروح تاخذ الاغراض
دانه: حلوه ذي !
وجدان: ايوالله جبتيها
دانه: مابي اروح معاه لحالي
وجدان: ريحينا تراه ولد عمك مابياكلك
دانه: ما ابي انتي روحي
وجدان : يادنو تعرفين اني انا ومنيره عشره
دانه: طيب وسن تقعد معي
وسن: لاوالله ابي اعطيها هديه
دانه: يارببيي
وجدان: يلا عشاني ذي المره بس
دانه: ما اسامحكم
نزلو البنات
دانه: سعود معليش اذا ما ازعجك ممكن توديني اي سوير ماركت قريب
سعود ودقات قلبه ماتوقف: ابشري
طول الطريق صمت
وصلو للبقاله
سعود نزل مع دانه وكان ماسك لها الكيس
دانه وهي تكلم بالجوال : وش تبغون اشتري
طيب ..........
قفلت وخذت كثير اشياء
دانه: خلاص خلصنا
سعود: السياره مفتوحه
دانه مافهمت قصده راحت للمحاسب وطلعت بطاقتها
سعود: لا لا انا بدفع
دانه : لا ياسعود مايحتاج انا ادفع
سعود: لا والله ان ادفع انا ودفع
وراحو للسياره
بالسياره استوعب انها قالت اسمه الفرحه كانت مش سايعاهه
سعود: للبيت ولا لبيت ابو محمد ؟
دانه: لا لبيت ابو محمد
سعود : تمام
وصلو ومنيره استقبلت دانه
دخلت دانه وراحت جلست
جت جنبها وسن : وش صار
دانه:ياليل وش تبغين يصير
وسن: الله يقدرني على فعل الخير
دانه : انقلعي عني
وسن ضحكت
سهرو البنات واستمتعو ورجعو للبيت
لبسو البجايم وقعدو مع بعض يسولفون
شهد: بنااااتت طفو الجوالات بسرعه الان وتعالو نسوي دائره
منزمان ما اجتمعنا كذا
البنات سوو دائره
غيداء : طيب والحين
شهد: بما ان محد عنده سوالف ف اسألو
وسن : عندي سوال بس احلفو تجاوبون بكل صراحه
دانه تقول ل جوري جنبها : الحين سوالها عن الحب
وسن : يلاا بناتت
البنات حلفو
وسن: مين تحبون من عيال اعمامنا
دانه وجوري ضحكووو
وسن : يلا وجدان اول
وجدان: مو حب بس اعجاب
وسن: مين طيب
وجدان: احمد يمكن
مرام: اااااامم جهاد ميبي
دانه وجوري فيما بينهم : الطيور على اشكالها تقع
وانهارو ضحك
غيداء : خل نقول نايف مرا يعجبني كيف انه مثقف
دانه: عبدالعزيز
وسن: افااا وسعودد
دانه: اسكتي انتي
وسن: عبدالعزيز مادرا عنك سعود يحبك
دانه: وانا ما احبه
وسن: ليش طيب
دانه : القبول من الله
وجدان : حرامم عليك والله انه مقبولل يجنن
دانه: خلاص طيب هذا رأيي
مرام: لا صدق ليش
دانه : مدري احسه بدوي متحجر كذا
غيداء : تراه مهندس لو عسكري مشيناها لكنه مهندس ودرس بالخارج ماعندك عذر
دانه: خلاص طيب دور جوري
جوري : سياف مرا يهبل
وسن: اتفق معك
شهد: محد
وسن: يلا عاد قوليي
شهد: والله محد بس احس سعود لان اسمه فخم
وسن: فيصلل مرا احببههه
مرام : طيب انتي ياوسن
وسن : فيصل
مرام : طيب مين اللي ماتحبونه
دانه بصوت خفيف وبطيء: سسععود
شهد :والله مالك داعي يادنو
جوري : جهاد
مرام: لييييششش
وجدان: خلاااصصص اسكتو الاسأله بايخه يلا نامو بكره ورانا استراحه
وفعلاً كل وحده راحت على فراشها ونامو بغرفه وجدان