أعطيتكِ قلبٌ صدقَ الحُب والشُعور ماكنت بعارف انّني على قَلبُكِ ثقيل

البارت التاسع

صلو على النبي
سبحان اللهم وبحمده سبحان الله العضيم❤️

وراحت دانه ولبست
وركبت ورا بسيارة سعود الخاصه
وعلطول ابتسم سعود وهو يعدل شماغه قال في نفسه: الله متى يجي اليوم اللي تركبين فيه جنبي واناضرك وانتي لي وحلالي
دانه: سعود ترا محد بيجي معاي
سعود: اي تمام وحرك سيارته
ورحنا للاسطبل ونزلو
دانه تمشي ورا سعود لانه ضلام المكان وسعود سريع
دانه: سعود صبر
سعود استلطفها علطوللل ووقف لها وصكت فيه من ورا
سعود: بسمالله عليك معليك ترا مابه شي هنا وولع اللمبات
ودخلو وراحو لخيلة دانه
دانه اول ماشافتها راحت حضنتها ولعبت معاها شوي وسعود من بعيد يناضر كانو اكثر شيئين يعشقهم قدامه
وطلعت جوالها دانه وصورت وعيت تضبط الصور بسبب زاوبة التصوير بالغصب ضبطت
بعدها طلعت دانه من عند خيلتها
وراحت لخيل ثاني وكان الخيل حق سعود وسعود هوجس للحضه وما انتبه
وجت دانه جنب الحصان حقه وحصانه كان حساس من اي شخص غريب وعدواني
علطول عرف سعود انه حصانه بيأذي دانه علطول جا يركض
سعود : انتبهييي ( ومسكها من يدها وسحبها ع الجدار وجت بحضنه)
دانه قمطت ماتدري تخاف من الحصان ولا من سعود
سعود موب داري مسكها من يدينها وبخوف وباهتمام وكان وجهه قريب مره من وجهها يقول : صار لك شي؟
دانه موب مستوعبه : لا لا مو صاير شي ( وناضرت بالارض)
بعدين استوعب انها قريبه بهذا القرب منه وفكها ورجع وراً : معليش اذا عورتك
ونزل شماغه وحطاه على كتفه وقال يلا نرجع
ودانه لسى مصدومه
وسعود وهو بطريقه للسياره تذكر قربها منه وعلطول خفق قلبه ويدق بسرعههه وابتسم وقال خلاص بيروح يقول لجدي بكره علطول مايتحمل اكثر من كذا
ودانه مشت معاه وهي موب مستوعبه
وطول الوقت صمتتتت وصلو ودانه نزلت وراحت لغرفتها ونامت من الخرشه
سعود قعد بالسياره وحط راسه ع الطاره ويفكر لو لو قال للجد وش بيقول فجأه بنص تفكيره تذكرها وهي قريبه منه
وعلطول آبتسم وتنهد ونزل بعدها راح ينام بغرفته
-
الدور التحتي فيه الصالات والمجالس والمطابخ وغرف العاملات
والدور الثاني فيه غرف الجد والجده والاحفاد كلهم في فاصل بين غرف البنات وغرف الاولاد كل ناس بجهه
والدور الثالث جناحات للاباء والامهات
كان قصر حرفياً
-
الكل نام وجا اليوم الثاني
بعد العشاء
كان الجد يشرب شاي ومروق ويتابع الاخبار
والاولاد حواليه نصهم يلعبون بلوت والنص الثاني يسولفون
والاباء موب موجودي يشتغلون
سعود فاز عليهم بالبلوت وكان مروق واذن العشاء وراحو يصلون ورجع سعود بدري عشان يكلم امه وراح وسولف شوي
سعود : ي امي ودي اقولك بموضوع مهم
ام سعود : سم ياوليدي
سعود : انا ابي اتزوج
ام سعود تبتسم : بس لازم وضيفه ونا امك
سعود : اي يا امي اني بتوضف بس اخاف تروح علي ابي احجزها
وسكتت ام سعود
سعود: يا امي تكفين والله مابيها تروح علي حبيتها ولا ابي اضلم احد لو راحت علي
ام سعود : طيب مين هي اللي تخاف تروح عليك؟
سعود : ابي دانه اي هي
ام سعود عقدت حواجبها: وشووو!
سعود انصدم عباله امه عصبت
ام سعود : لا إله الا الله عبالي تقول بنت خالتك وحده بجوالك تبي دانه؟
سعود: اي دانه يمه وشفيها
ام سعود: اها وانا اقول وشفيك تبي تودي البنات دايم
سعود: تبين الصدق ماحب احد يودي البنات وهي معهم الا انا وانا ابي اكلم جدي بالموضوع
ام سعود تسكت شوي : لايكون صار شي بينك وبينها
سعود: لا والله يمه وانتي تعرفيني مستحيل اسوي شي تربيتك
انا
ام سعود: يالله طيب وكيف حبيتها؟
سعود: من واحنا صغار حبيتها ولازلت
ام سعود: حب طفوله
سعود: كنت اقولها بس طلع لا طفولتي ومراهقتي وشبابي ولازلت احبها شخصيتها اسلوبها انتي تعرفينها اكثر مني يمه
ام سعود تفكر
سعود: ها يمه وافقتي اكلم جدي ؟
ام سعود : قول لجدك
سعود راح للجد ولحسن الحظ ان الاولاد موب فيه
سعودقعد شوي وسولف
سعود: ياجد انا ابي اتزوج
الجد: ياساتر
سعود: وانا مابي البنت تروح علي
الجد: محدد بعد .. مين هي ؟
سعود : دانه
الجد رفع حواجبه بتعجب: دانه ماغيرها؟
سعود : اي بنت عمي دانه
......
الجد: شوف انا اعرفك وواثق فيك واعرف انك بتصونها وولد العم اولى بها لكن ما ادري عنها هي تبي ولا لا
وكذا مره اناقشهم عن موضوع زواج الاقارب وهي الوحيده اللي ماتبي زواج اقارب وغير كذا امها ف الله يكتب لك اللي فيه الخير
سعود خذاها تحدي علطول : ابيها وبإذن الله انها لي
الجد : ان هي نصيبك بتكون لك
سعود عصب من كلام جده لانه حس انها ماراح توافق عليه
وراح ركب سياره وراح مكان مابه احد وقعد يفكر ويدعيي يدعيي ورجع وصلى الوتر ودعى انها تكون من نصيبه وخير له وان كانت مابها خير له يصير فيها خير له ويكتبها ربي له
ونام وهو متطمن
اما البنات صلو العشاء وطلبو لهم اكل من برا وجلسو
و قالت لهم دانه عن الموقف اللي صار بس ماذكرت سعود ابداً وورتهم الصور
غيداء : الله دنووو كنك من بنترست
دانه: هذي مدحه ولا سبه
ويضحكون
وتعشو واكلو ومر عليهم الجد كان رايح لغرفته
الجد يناضر فيهم ويبتسم: بالعافيه عليكم
ام سعود وام جوري مرا صديقات ف ام سعود كلمت ام جوري عن سعود ودانه
ام سعود: ف ابيك تتاكدين اذا هي تحبه او ع الاقل توافق عليه وكلميني
ام جوري : ابشري
بعدها خلصت دانه وطلعت غرفتها ولبست بجامتها وكان جالسه تمشط شعرها
دق الباب ودخل
ناضرت دانه الا طلعت ام جوري
علطول قامت دانه : اهلا
ام جوري مبتسمه ومعجبه بدانه : هلا بالقمر معليش اذا ازعجتك بس ابي اكلمكي بموضوع
جلستها مسكت بيدينها بكل حنان وناضرت فيها: وش رايك ب سعود؟
دانه انفجعت من السوال وعلطول عرفت : كيف يعني
ام جوري: تعرفين عنه شي ؟
دانه: مثل وش
ام جوري : شخصيته وش يحب مثلاً
دانه: اللي اعرفه انه يحب الخيل
ام جوري استحت عادها تسالها مره ثانيه: اي خلاص ياحبيبتي
دانه: بس ليه؟
ام جوري تورطت: ابي اشتري له هديه بس مدري وش يحب قلت يمكن تعرفين
دانه: لا والله مدري
ام جوري : تسلمين حبيبتي
دانه: الله يسلمك
وطلعت ام جوري
اليوم الثاني
ام جوري وبنتها جالسين مع بعض
ام جوري : جوري صح دانه قريبه منك مره؟
جوري وهي تاكل كوكيز : ايي يمه اقرب وحده لي دنو
ام جوري : طيب تحب احد هي ؟
جوري : كيف ؟
ام جوري : تحب؟
جوري : لا وين دانه وينها ووين الحب
ام جوري : بالله عليك
جوري ماتقدر تستكت : بقولك شي يمه بس ماتقولين لاحد
ام جوري : تمام قولي
جوري : تدرين ان سعود يحب دانه
ام جوري : ايه وش بعد
جوري : يعني تدرينن
ام جوري : ولاشي يخفى علي
جوري : في شي يخفى عليك يمه
ام جوري : وشو
جوري : ودانه تعرف انه يحبها
ام جوري انصدمت: امانه
جوري وهي تاكل كوكيز : والله
ام جوري : ياعمري عليه طيب هي ماتحبه؟
جوري : ايي ماتحبه
ام جوري : وشدراك يمكن تحبه اساليها وقوليلي
جوري : ماتحبه واضح من تصرفاتها
ام جوري : وش تسوي ؟
جوري : اول شي اذا ذكرناه تقول اسكتو ومايعجبها اذا شبكتهم وسن وبعد يمه ترا دانه ماتبي تتزوج من القبيله فما بالك ولد عمها
ام جوري : ياعمرييي ياسعود طيب تدرين انه يبي يخطبها؟
جوري غصت وهي تشرب قهوه: منجدك يمه دانه صغيره وهو صغير بعد ماتوضف اصلاً
ام جوري : اني اقولك انه يحبها لدرجه يبي يحجزها
جوري : ياعمريي ماضنتي دنو توافق
ام جوري : لا ليه ماتوافق ولد عمها عادي وفوق ذا يحبها وش عاد تبي
جوري : والله مدري عنها يمه الله يكتب لها الخير

عند الجد والجده كانو يشربون قهوة العصريه بالصاله ومحد معاهم
الجد : جونا جيران جدد
الجده : اي ماشاءالله سمعت عنهم
الجد : وودي اعزمهم شرايك
الجده: والله بكيفك انا معاك
الجد : ايي بنعزمهم ومنها نتعرف عليهم
الجده: خلاص طيب
الجد دق على احمد
الجد : الوه
احمد : سم
الجد : اسمع روح للجيران الي جنبنا الجدد وقولهم انهم معزومين بكره ع العشاء من اكبرهم لاصغرهم
احمد : ابشر
وراح احمد وفتح لهم ولدهم مهند
احمد : سلام عليكم
مهند : وعليكم السلام سم
احمد : سم الله عدوك احنا جيرانكم جنبكم
مهند : ياهلاً والله
احمد : هلابك ابد جدي ارسلني يقول انتو معزومين للعشاء عندنا من كبيركم لصغيركم
مهند : ماعليكم خلاص الله يكرمكم تم بخبر جدي لكن تفضل تقهو معانا
احمد : اكرم مستعجل والله يوم ثاني ان شاء الله
مهند : الله يحفظك
وراح
جد مهند: مين جا؟
مهند : ولد جيراننا وعزمونا للعشاء كلنا
جد مهند : الله يكرمهم يلا كويس نعرفهم اكثر
قم قول لامك وخواتك
مهند : ابشر وراح قالهم

نرجع لبيت الجد محمد
الجد راح لغرف البنات وطق الباب
وفتحو له
كلهم هلا والله ياجد وسلمو على يده وراسه
الجد : اسمعوا عزمت جيراننا الجدد بكره ف تجهزو
البنات ابشر ياجد
عند الاولاد كان بالمجلس الي برا
نصهم يلعبون بلوت والنص يلعب سوني الا سعود جالس يهوجس وهو يشرب شاي
وجاهم الجد
وسلمو عليه وجلس
اسمعوا ترا بكره جايينا ضيوف تجهزو ابيكم تبيضون وجهي وانت ياجهاد لا اشوفك تطلع من المجلس وفيصل ابيك تودي العشاء وتنزله وساعده يا سياف
سيف : حركات ياجد مين الضيوف ذولا شكلهم مهمين
الجد : كل ضيوفنا مهمين ولازم نكرمهم
سعود : مين ياجد
احمد : جيراننا الجدد
سعود : اها
الجد: المهم سعود روح اشتر العصيرات والنواقص لهم
ولا تدري خل سيف لازم ينكرف شوي
سيف : خلاص ابشر بس معرف المحلات
الجد : بيعلمونك وخذ الجمس لان يمكن يبون البنات محل ولا شي
وسعود كان يهوجس مو معاهم
سيف: ابشر لكن متى
الجد بكلمهم واقولك
الجد راح للبنات
الجد : ناقصكم شي تبون شي ؟
وجدان : ابي اروح اتسوق كم لي ماتسوقت
غيداء: انا بعد
دانه : بروح معكم
الجد خلاص اللي تبي تروح بكلم سيف يجهز السياره الحين
وجدان : اي عادي الحين تسلم ياجد

راح سيف للسياره وشغلها وكان ينتضر
عبدالعزيز استغرب من سعود ماعارض
وراح كلمه
عبدالعزيز: ولد
سعود : سم
عبدالعزيز : وشفيك
سعود : ولا شي
عبدالعزيز : متاكد ترا سيف بيودي البنات للسوق
سعود: بالله عليك؟
وقام سعود وراح شاف سيف بالسياره ينتضر البنات
وراح ل سيف
سعود : وين رايح؟
سيف: يقول جدي يبون يروحون يكملون اغراضهم
سعود : تبي اسوق عنك؟
سيف : لا يرجال عادي
سعود: بروح افصل لي ثوب خل اروح مره وحده
سيف: امش معاي طيب
سعود : تحب الشقى شكلك
سيف ضحك: لا بس اشتقت اسوق الجمس اقول امش صدق بقعد طفشان لحالي
وراح سعود ركب
وركبو البنات وجدان وغيداء ودانه ووسن
سيف كان يطقها ميانه
سيف: اي وين بغيتوا؟
غيداء : مول
سيف : تمام وجدي قال في نواقص بالبيت تعرفونها؟
وجدان : اي عطتني جدتي
سيف: وش هي
دانه: بنلاقيها بالمول
سيف: اوف وشفيك يادانه منفسه
دانه: لا مو منفسه
سعود ماعجبه الوضع ويبي ينهي حوارهم باي شكل : سيف لف من هنا
سيف : اما غيرو الطريق
سعود : لا بس اختصار عشان الزحمه
سيف: اهاا
وسكتو شوي
سيف : اي ياسعود تعرف جيراننا الجدد ولا ؟
سعود : اي قد صادفت ولدهم
سيف: ايوه وكيف تقول مارتحت له
سعود : يارجال متكبر على ولاشي
سيف: خل نشوفه بكره
ونزلو البنات للمول وكملو كل النواقص