أعطيتكِ قلبٌ صدقَ الحُب والشُعور ماكنت بعارف انّني على قَلبُكِ ثقيل

البارت الخامس

اما البنات اجتمعو بغرفة جوري بعد العزيمه
وسن: بنات خلونا بكره نطلع تكفون
وجدان: تمام انا معك
غيداء : انا بعد بس وين
جوري: معكم
شهد : مدري بشوف
مرام : معكم
جوري: دنو وانتيً
دانه وهي ع الجوال: هلا
وسن: بكره نبي نطلع بتجين معنا
دانه قفلت جوالها : لا بكره بروح مع جدي نشوف عن الاحصنه
مرام: كيف بتربينه يادنو بتدخلينه غرفتك لو قطه صح
دانه: قلت لجدي قال بيحطه مع حصان سعود
وسن: يابدايات المحبه
دانه : ربط المواضيع عند وسن مو  طبيعي
جوري : طيب كيف بتركبينه مين بيعلمك
غيداء: اي صدق ما اتوقع الاسطبلات بتقبل تدخلك بحصانك لازم فلوس
دانه: قلت لجدي قال يدبرها هو
وسن: ياعيني صدقيني جدي بيخلي سعود يعلمك
دانه : وسسنننن 
شهد: لو حصانتك جابت نونو ابيه لي
دانه بضحكه : ابشري
وجدان: وش ودك يكون لون الحصان
دانه: ودي ب بني او ابيض
مرام: ابيض بيتوسخ
وسن : ترا مو سياره ياعسل
وجدان: اختاري اللي يعجبك ياروحي والحين يلا وقت النوم نامو
غيداء: ياليل ذي متى بتتزوج وتفكنااا
جوري: حيوانهه لااا
Next day
دق منبه دانه الساعه عشر الصباح
وسن: صكيه ابي انام
دانه علطول نطت لما تذكرت الحصان وصحت
لبست وتجهزت نزلت لاقت جدها يفطر جنبه سعود على جواله
الجد لما شاف دانه: ارحبيي
دانه: صباح الخير
الجد: تعالي افطري
دانه: لا بس الحمدالله
الجد: سعود خلصت اكل
سعود: اي
الجد : شغل السياره الحين بنجي
الجد خلص فطوره وقام : يالله بسمالله توكلت عليك يالله
دانه راحت مع الجد وركبو طول الطريق كان الجد يسولف
وصلو لرجّال عنده اسطبل ويبيع فيه احصنه
دانه والجد مع بعض وسعود وراهم
الرجال رحب بالجد اشد التراحيب
دانه: جدي شرايك بذي وصغيره ابيها تكبر معي
الجد: ابشري ، سعود شوف ذي شرايك فيها؟
سعود راح وشافها اذا فيها اي خدوش او كدمات : لاهنتو طلعوها ابي اشوف نشاطها
دانه تناضر بسعود : ذكر ولا انثى؟
سعود: انثى
دانه: كويس ، كم عمرها طيب
سعود: سنتين
دانه وهي تكلم الجد : طيب ياجدي مين بيدربني عليه اذا عندهم تدريب ابي اتدرب
الجد : مايحتاج سعود يعلمك وبذمه وضمير
دانه سكتت ماقدرت تعترض لكن عندها امل يصير تغير
شافو نشاط الحصان ووقعو الاوراق ودفعو
والحمدالله ربي تمم الامر وصارت كاليا من نصيب دانه
وارسلوها ل اسطبل الجد
ورجعو دانه دخلت للبنات وكلهم متكشخات وجاهزات
دانه : وش السالفه؟
وسن : بيجون ضيوف لجده وتعرفينها عازمه القبيله كلها
دانه: يمه توي ادري
وجدان: حتى حن تونا يمديك تتجهزين بيجون ع العصر
شهد: دنو وش صار شريتو حصان ولا؟
دانه بحماس : الا شريناا وخذيت انثى بنّيه
غيداء : مبروكك ياقلبييي انتييي
جوري: الله وناسه دنو بتصير خيالتنا
وسن : والله استانست لك ياقلبي بس كيف بتدربين
دانه: جدي قالي سعود هو يدربني بس عندي امل يغير رأيه
وسن : اوف اوف انتصر الحب
وجدان : اي عادي يادنو عشان لو تحتاجين تدريب زياده بيكون موجود سعود بأي وقت
شهد: اي صادقه وجدان
مرام : طيب الحصان كبير مره؟ 
دانه: لا خذيت صغيره عشان تكبر معاي ،،، بروح اتجهز شوي ويجون

عند الرجال

الجد وسعود يدخلون المجلس
الجد : ياهلا ويامسهلا
رحبو ف الجد
سعود راح جنب الاولاد
احمد: وين كنتو فيه؟
سعود: قريب ، شرينا فرس
عبدالعزيز: ماشاءالله ليش
سعود: مو جدي وعد البنات ف رحنا اليوم وشرينا
سياف : وش معنى انت خذاك؟
رد عليه عبدالعزيز: عشان عنده خيل ويعرف لهم
سياف : اها اي صح
الجد : قوم يا سياف صب القهوة
سياف قام

عند البنات

جوري على جوالها تنتضر دانه عشان ينزلون مع بعض
دانه: يلا خلصت
ونزلو على جية الضيوف
وسلمو وراحو جلسو
جوري قامت لان امها اشرت لها ودانه قامت تساعدها
وشهد قامت برضو
كانو يضيفون الضيوف
: كم عمرك يا دانه
دانه: 19
: ماشاءالله
وخلصو صب وجلسو وسولفو
وجا وقت العشاء وكان مفطحات والبنات يساعدون العاملات عشان يخلصون بسرعه والاولاد دخلو العشاء
وخلصو اكل وكلشي وراحو للحديقه الخلفيه البنات
وجدان: بنات وحده تجيب مويه
شهد : ايوالله عطش وحر
وسن: مالي خلق تعبت من اليوم واقفه
غيداء: شوفو المخزن يمكن فيه
دانه: بروح اشوف
وراحت دانه لكن الباب عيا ينفتح فجأه تسمع صوت مشي واصوات رجال كثير وراها
شافها سعود  يأشر لها تروح لكن مافي وقت  والمخزن كبير ماتقدر بيشوفونها  ف راح ركض لعندها ووقف قدامها
سعود :  روحو منّاك انا بلحقكم 
ودانه وراه لا اسمع لا ارى لا اتكلم
وراحو الرجال 
دانه : شكراً
سعود بصعوبه تنفس : حصل خير
وراحت دانه للبنات
وجدان: ها لقيتي
دانه : لا
جوري :دنو تعالي معاي نروح نجيب
وراحو البنات ودانه قالت لجوري عن اللي صار
جوري : يالله عادي حصل خير
وتمر الايام عادي

حطو نجمهه⭐️