نهوة ظلم

part 1

بسم ﷲالرحمان الرحيم
........... ........ .............
الكاتبه:قمر_الصميدعي🦅
♡♡♡♡♡♡♡♡♡♡♡

فتحت عيني شفت فهودي حبيبي يريد يكومني
من النوم
ميار: هاا فهودي
فهد. بحنيه:- يالله ميوره.... كومي اتعشي حبي
تره كلشي مماكله
ميار:- اي زين حبيبي كايمه يا احله اخ بدنيا
مهند:- شنو هاي لعد واني؟؟؟ تره اني اغار
ميار:- تعال انته هم حبيبي {حضنتهم ثنيناتهم}

وره مطلعو اخواني كمت من مكاني غسلت وجهي وعدلت نفسي نزلت جوه كعدت يم ابويه

محمود:- هلا بحبية ابوهه
طيف:-هاا بنيتي ارتاحيتي
ميار:- اي ماما ارتاحيت

كعدنه سويه على ميز بعد مفرشنا سفره
ماما نفسيته بل اكل كلش طيبه
ميار:- عاشت ايدج ماما الدولمه طالعه كلش
طيبه
طيف:- بلعافيه بنيتي
خلصو اكل وكامو رحت سويت جاي وصبيته
وديته للهول
فهد:- مالتي بدون شكر مو؟
ميار:-اي حبيبي بدون شكر
مهند:- بابا فد شويه اطلع ويه جماعتي
محمود:- دربالك على نفسك ماريد مشاكل
هااا
مهند:- لايابه شنو اني زغير حتى اسوي مشاكل
محمود:- لا عبالك كبرت وصرت رجال بعيني بعدك
زغير
ميار:- هنودي حبيبي جيبلي وياك جباسه وحبشكلات
واهم شي النوتيلا
مهند:- تدلل حبيبتنه
ميار:-. فديتك

طلع مهند من البيت ورحت غسلت اسكانات
مال الجاي بعد ماخلصو وبعدهه رحت لغرفتي
غيرت دشداستي لان من غسلت الاستكانات
تنكعت مي شغلت التلفزيون درته على MBC..
لاتضحكون عليه مولان صرت 25اترك افلام
الكارتون..
وخاصه يوم الخميس تطلع افلام حلوه عMBC.
قبل لايبدي الفلم خابرني مهند كالي تعاي اخذي حبشكلاتج.
بسرعه نزلت جوه اخذت العلاليك منه بيهه
انواع النساتل من الي احبهه رجعت لمكاني
رتبت نستلات وحطيت اجباسه بماعون جبته
ويايه
سمعت صوت باب يندك رحت فتحتهه شفت
فهد كدامي .

فهد:- تباوعين على فلم بدوني!!
ميار:- شوكت رجعت؟؟
فهد:- قبل 5دقايق
ميار:- يله تعال طالع فلم يجنن

ردت اسد باب اندفع الباب بخفه ودخل مهند
مهند:- ايا خوانه تردون تتعللون بدوني..
ولج ميوره جبتلج انواع النساتل من الي تحبيهه
وانواع جبوسه تالي هيج اجازيني!!
ميار:-يااااا سويتلي دراما... يله تعال ادخل بعده
مابادي الفلم

كعدنه تلاثتنه سوه، بيني وبين فهد 7سنوات
بس مدللني اهواي حتى مهند مدللني رغم مابيناتنه
فرق هواي بس 3سنوات بنص الفلم غفيت بحضن
فهد
.............................................
اجه وكت اعرفكم على نفسي
ميار:- هلاو اني ميار عمري 25سنه طولي 158
وزني 53جسمي حلو خريجة قانون صارلي 8اشهر
متخرجه.. اما شكلي ابيض وعيوني لونهن فيروزيه
لون شعري تمري فاتح طويل لنهاية ضهري وثخين
وخدوي حمره وشفايفي صغيره متروسات لونهه وردي
كلمن يشوفني يكول حاطه حمره او مسويه فلر
وعندي رصعات كلمن يشوفني يكول جميله جدا
بس اني عاديه مثلي مثل اي بنيه عاديه عندي
اخوان 2فهد ومهند

فهد:- اسمي فهد عمري 32....... لون بشرتي حنطي
عيوني حاده وسوده لحيتي ثخينه ومتروسه
وشعري اسود وسرح رافعه فوك طولي (185)
وزني( 77)جسمي معضل صديقي مقرب غيث
ابن عمي ام ابوي مسافره المانيه وابوي ماعنده بس
هل اخ هو ابو غيث وعنده اخت وحده اسمهه سهاد
محبنه ابد مادري ليش!! اهل امي مندري عنهم اي شي
لن مجانو راضين على زواج امي وابوي فتبرو من امي
، امي دائما تكول يمكن موت ميار اختي بسبب
امي وابوي لان ماراضين علي منك اي الله عاقبني
بنتي راحت طلبت سماح بزور يله سامحوهه
بس مالنه علاقه بيكم وامي فرحت لان سامحوهه
اما اختي الوحيده ميوره بعد مافقدناهه ادهورت حيل
حالتنه لان جانت ماليه البيت علينه،، بس بعد ماجت
ميار طلعتنه من كل هل الكتئاب وخاصه من تنام بين
احضاني احس بامان مو طبيعي وهواي تشبه ميار
بعد ماسوينه تحليل وتاكدنه هيه مو ميار وغيرنه اسمهه
من روان الى ميار
..........................................
هاذ تعريف لجزء من الابطال وبل بارت ثاني اكمل الكم
تعريف لكل الابطال

..............................

انشالله يعجبكم البارت واذا
عجبكم اضغطو على النجمه
ورداتي والتنزيل حسب
تفاعلكم قرائه ممتعه

#گمريه _الصميدع🦅

🫂🤍🤍🤍