نهوة ظلم

part 2

سم ﷲالرحمان الرحيم
.............................
الكاتبه: قمر الصميدعي🦅
♡♡♡♡♡♡♡♡♡
مهند: مواصفاتي مثل فهد بس طولي (180)
وزني (70)معضل
صديقتي المقربه وبئر اسراري هيه اختي ميوره
بس ماعندي اخوات
ميار.....
قصتي تبلش من جان عمري 3سنوات
قبل،22سنه..........
جنت وحيدت اهلي.... اعرف هسه تكولون شلون
وحيدت اهلج وفهد يكبرج 7سنوات ومهند يكبرج
3سنوات بس مهند وفهد مو اخواني الحقيقين
وبابه محمود ومامه طيف تبنوني الي همه اهل
مهند وفهد من جان عمري 3سنوات اهلي تخلو
عني لهسه اتذكر من ودوني لدار الايتام

على فكره جان اسمي روان بس من تبنوني
بابه محمود ومامه طيف سموني ميار على
اسم بتهم ميار امي طيف جان عدهه بنيه
بگدي انخطفت ولحد الان ميعرفون عنهه شي

.مره رحت ويه ابوي صعدت بسياره جنت
فرحانه كلش لان طالعه ويه ابوي
روان (ميار):-بابي وين رايحين؟؟؟
ابو روان:-راح اوديج لمكان بي كوم اطفال
حتى تلعبين وياهم
روان(ميار):-ياي.. بابي صدك

جنت فرحانه كلش لان راح العب ويه اطفال
بس ماجنت ادري انو راح يعوفوني ويرحون
راح ابويه وتركني العب ويه الجهال.من اجه اليل
انتظرت ابوي ويجي ياخذني..... انتظرت اهواي
بس مااجه! 😞🥺
رحت يم المديره
روان (ميار):-خاله شوكت يجي بابه؟؟
االمديره:-بنيتي ابوج عافج وراح منا وهيج راح
تعيشين اهنانه
روان(ميار):-بس اني اريد ابويه.... وابويه يحبني
مراح يعوفني راح يرجع ادري بي

انتظرت اهواي بس خاب املي.... صار اسبوعبن
لااكل ولاشرب اجتي مشرفة اطفال وحجت وياي
ورضيت.... بس ماجنت اختلط ويه اي طفل تيتمت
وامي وابوي عايشين💔🥺
بعد شهرين يله كدرت اتعود على غيابهم وصرت العب
ويه الاطفال
مرت ثلاث سنوات وصار عمري 6سنين يعني
صارلي 3سنوات بدار الايتام

فد مره جنت العب ويه ابنيه اجتي المديره وكالت
الي اكو ناس اجو يشوفوج عفت لعبتي ورحت وياهه
شفت مريه ورجال
المديره:-بنيتي روان هاي المريه راح تصير امج
روان:-بس اني ماعندي ام جان عندي وتركتني
اكيد هاي هم راح تتركني
طيف:-للمديره ست ممكن تتركينه وحدنه
طلعت المديره وتركتنه نحجي وحدنه

طيف:-شوفي بنيتي راح احجيلج قصه وبعدين
انتي قرري اذا تجي وياي لولاء
جان عندي بنيه اسمهه ميار تشبهج هواي بشكل بل حركات بكلشي
من جان عمرهه سنتين اخذوهه مني لحدالان دا ادور عليهه مادري اذا عايشه او ميته... وكامت دموعه
تجري.. كامت روان من مكانهه ومسحت دموعه
وجان تحضني كل قوته
طيف:-الله يخليج تعاي وياي.. مادري ليش اشم
ريحة بنتي بيج ووعد اشتريلج كلشي اي شي تردي
روان:-اني ماريد شي بس اريدج ماتعوفيني تكونين
الي حضن يدفيني وتنطيني حنانج ودلليني
تكدرين اسويلي هاذ الشي

طيف:-عبالك دا احجي ويه وحده عمرهه 18ولاعبالك
داحجي ويه وحده عمرهه 6سنوات....
وعد وعد اصيرلج كلشي ترردي انطيج حنان
ودللج ها شكلتي تجين وياي؟؟
كامت من مكانهه ورادت اطب
طيف:-هااا وين ترحين؟؟
روان:- اروح احضر غراضي ماتردين اجي وياج؟؟