بسم ﷲ الرحمان الرحيم
...............................
الكاتبه:-قمر الصميدعي
♡♡♡♡♡♡♡♡♡♡♡♡
ميار:-هس توني ردت اسد الباب سمعت
صوت عمتي سعاد
سعاد:-ايا قليلة ادب اسدين الباب بوجهي
ميار:-عمه شنو هل الحجي اني مشفتكم
من اجيتو
جيداء:-جذابه عن قصد سديتي
ميار:-لااله الاالله شلون سالفه مراح تفضوهه
بابه.... فهد
محمود:-يا هله بخيتي نورتونه
سعاد:-والله ياخويه مبينه بنتك محبت جيتنه
ميار:-استغفرالله بابه والله مدريت مشفتهم
محمود:-سعاد انتي تدرين ميوره ماسوي هيج.
فميحتاج هيج تكبرين الموضوع طبي جوه
عيب من العالم
طبت عمتي جوه والله اتحسف من اصيح الهه
عمه اني هم طبيت جوه عمتي مجانت تدري بعقد
قران غفران ومهند
شافت مهند يغازل بغفران كلبت الدنيه اويلي
هل اليوم ميمر على خير
سعاد:-يا بت الشوارع شلون واكفه يم مهند
تفو عليج والله باخوي الصوج منك تخلي بتك
تصادق ك***د
غفران دمعت عيونهه مهند عيونه صارن بكصته
لزم ايد غفران:-هاي الي تكول عليهه بت شوارع
و گ***د اشرف من بناتج فتهمتي غفران مرتي
شرعا وقانون وانتي مالج علاقه تدخلين بيني
وبين مرتي
محمود:-مهند سعاد كافي.. سعاد شنو هل الحجي
اصلا افتخر بنتي تصادق بنيه مثل غفران مثل
ما ميار بتي غفران هم بنتي
سكتت عمتي وكلنه كعدنه على السفره باوعت
على غيث يباوعلي من شافني شال عيونه مني
لو بس ادري ليش تغيرت عليه ليييش
كملنه غده وشلنه السفره
الخدامه مال البيت:-ميار روحي اني اغسل
المواعين
ميار:-لا وياج اغسل مواعين حيل هواي
غفران:-اني اصب جاي
ميار:-لا انتي روحي ارتاحي
طردتهه من المطبخ وخليتهه تصعد فوك
ميار:-مهند مهند
مهند:-ها ميار
ميار:-روح شوف غفران فوك اكيد هسه داتبجي
مهند:-اوف ياعمه هسه الاتسويلنه مشكله
ماشي حبيبتي هسه اني اروح عليه
مهند هم صعد فوك غسلت المواعين ويه اسيا
(الخدامه) وسويت جاي وحضرت الجرزات
وصبيت الي وخليته فوك الطاوله اوف لان ماريد
اكعد يمهم اخذت الصينيه ورحت للهول وزعت
الجاي شو جوان كامت من مكانهه راحت للمطبخ
شويه ورجعت جان تباوعلي بنضرة خبث الله يستر
منهه رحت اخذت الجاي ورحت للحديقه
أنت تقرأ
نهوة ظلم
Mystery / Thrillerفتاه كانت من اشد المحبين. لاهلها لكن ماذا فعلو بها. وهل ياترى ستجد من يسعدها ويعوض مكان اهلها لنرى....؟
