اخترتك حبيبى

بداية -1

نادِرون من يَستمر جمالهم حتى النهاية .
فلا تصدق كل ما قال احبك
ولا تتعلق بحب وهمى
حبك حياة 🤍🤍

- اتفضل دی دبلتك اهى
- نور !!!
- اتمنى مكونش اذيتك في يوم ، وتفتكر ليا الحلو و بس و ربنا يوفقك بالاحسن منى
- أمي مكنتش تقصد علفكره ، و انتى بنت كويسه جداا و الف شاب يتمناكى
- عادي حصل خير و اتشرفت بمعرفتك فرصه سعيدة
- يعني مش زعلانه منى
- لا طبعا و ازعل من ايه ؟ ، ربنا يرزقك باللي احسن مني عن اذنك

مشيت و انا بحاول اكون ثابته و متهزش قدامه و لا ابان اني اتأثرت لانی فعلا قويه و مش هضعف عشان شخص ايا كان مين ، و انا كنت عارفه كويس و مدرکه اننا في يوم هنسيب بعض ، بس ليه دلوقت زعلت !!
ماجد مديري في الشغل ، و بعد فتره من الشغل مع بعض و احنا كنا سوى فى أغلب المشاريع قالى أنه معجب بيا و اتقدملی ، و انا كنت متقبلاه بس للاسف محبتهوش و لحد دلوقت بحمد ربنا انى محبتهوش ، كل حاجه كانت ماشيه كويسه لحد ما بابا حكي عن أمي لما مامته سألت عنها ، و من يومها و هيا بترمي ليا حاجات مخفية ما بين الكلام بطريقه مش مباشره و بتجرحني بتعاقبني ع حاجه مليش يد فيها طب ذنبى اى أنها تاخدنى بذنب امى
انا مش شخص بيسكت عن حقه انا اه طيبه بس كل حاجه و ليها حدود و مش هسمح لاى حد مهما إن كان يجى عليا أو على كرامتى ، و انا مش ذنبي أن امي سابتنى و مشيت و هربت و اتجوزت واحد غير بابا و نسيتني و أن انا بنتها و كمان لا سألت عنى
و لا مره و كأنها محملتش فيا و لا بينا ای صله خالص
كلهم فاكرين اني هبقى زيها نسخه مصغره منها ، و كل واحده لما تیجی و تعرف الحكايه تمشي هيا و إبنها ، أنا مرتاحه كدا مع نفسی و بنفسي بس بابا اللى عايز يبقى ليا ونس بعده ، و انا كرهت الناس بسببها بسببها هيا و بس و من اللى بيحصل ليا بسببها
- ماجد رجع واخد كل حاجاته من هنا
- بابا : ايه اللى حصل يا بنتي ؟
- كل شئ قسمة ونصيب يا بابا
۔ ازای یعنی ایه حصل طيب ؟
-مفيش ، متفقناش بس
- آنتی کویسه ؟
- اه كويسه كويسه اوی يا بابا
- طيب يلا عشان تاکلی
- لا انا هنزل اتمشى شويه ، و اشترى شويه حاجات و اجى مش هتاخر
- متاكده انك كويسه ؟
ابتسمت ... آه ياحبيبي متقلقش عليا

بابا الشخص الوحيد المظلوم في كل القصه ، الشخص اللى حب و متحبش الشخص اللى اتساب بطريقة توجع القلب ، بسمع كل ليله عياطه و انا في اوضتى ، بيعيط عليها و هيا سابته و مهتمتش لا بيا و لا بيه ، هوا الشخص اللى اتجوز بنت عمه اللي اتمناها طول عمره و حبها حب كبير اوى و بنت عمه محبتهوش نزلت و انا بسند ع السلم و مش قادره بس كنت عايزه اعيط و مش عايزه پيشوفني علشان ميزعلش عليا ، انا مش بعيط عليه كشخصه أو انى حبيته ، بس بعيط ع كل حاجه بتحصلي و انا مش حملها ، انا بنت ضعيفه مش قوية انا كنت عايزه حياه هاديه لما امي سابتني اكتفيت ب بابا و بس ، مش عايزه اي حد من العالم التانى يقرب مني ، و مش عايزه حد لما يشوفني يشفق عليا ، كل الناس مليانه عيوب و اولهم اللى بينتقدونا و بيحاولوا يقللوا من قيمتنا، ليه كل واحد میخلهوش في حاله ، ليه الناس مبتفكرش قبل ما تتكلم ، ليه العالم فيه بشر زي دول مهمتهم في الحياه يجرحوا وبس و مش حتسيين أن كلامهم و أفعالهم بتموتنا