اخترتك حبيبى

4- بداية حب

و قلباَ صادقاً يرافقك , فتأمن 🤍

رجعت البيت و قولت لبابا اني هنام و مش جعانه و قعدت ع السرير بس المره دي معيطتش معرفش ليه عقلی بدأ بفتكره هوا و بس و كل المواقف اللى جمعانى بيه ، و كل ما اقفل عینی احاول انام اشوفه قدامی و هوا بيهزر مع بابا و بيضحك و بيتكلم ، عماله افتكر فى كلامنا و خنقنا و كل حاجه و كل موقف جمعنا ، فأفتح عيني بسرعه ،
- هوا انا حصلی ايه ؟ !
نمت و صحيت لقيت الساعه ۱۱ و بابا نام طلعت البلكونه و شغلت النور بلتفت لقيته قدامي و بيبصلي فإتخضيت
- انت قاعد كدا ليه ؟
- مستنیکی
- و ایه عرفك اني هطلع البلكونه ؟
- حسيت
-  الا و انت حساس اوى الصراحه
وقتها بص ليا و سكت و انا قعدت و بصيت للسما و حسيت بيه و هوا بيبصلی ...
- إسال اللى انت عايزه
- هوا دا الشخص اللي كنت بتعيطى عشانه ؟
- اه و لا
-  ازاي مش فاهم !
- هوا كان سبب في إني اعيط عشان يومها كنت فسخت خطوبتي معاه ، بس مش هوا الشخص اللي كنت بعيط عشانه ، الشخص دا امي لانها بردو السبب فإن الشخص دا يسيبني لانها سابتنى و انا صغيره و هما مفكرين اني هبقى زيها و هسيب اللى هتجوزه  فى اول فرصه ممكن تقابلنى
عايز تسال عن حاجه تانيه ؟
- اعملك شای و لا قهوه ؟
-  نعم !!!
- بصى هعمل شای و انتی قطفى النعناع على ما اجی ، مش هتاخر
كنت فاهمه انه عمل كدة عشان معيطش و افتح جروح قديمه و افتكر أكتر تصرفه دا كان بمثابه انه بيقولى كل حاجه هتعدی
- الشاي حلو ؟
- لا وحش
- طيب ما انا عارف انا مبعرفش اعمل شاي اصلا
- امال بتسال ليه ؟
-  عشان اطمن عليكي ، و طلعتي كويسه ، و ابقى فكرینی اعزمك عشان انتي بقيتي كويسه ..
طريقته فإنه يطمن عليا كانت غريبه ، معنی انى قولت الحقيقه و مجاملتش يبقى بخير ، انسان غريب و لسه لحد دلوقت معرفش دخل حیاتی ازای ، بس دخل شغل فراغ كبير في حياتنا انا و بابا
.......
عدا اليوم بسرعه و دخلت نمت و محستش بنفسى
صحيت ع صوته و هوا بيغنى فتحت البلكونه كانت مقفوله بس الصوت كان جای من الناحيه التانيه فتحت الاوضه و فضلت ماشيه ورا الصوت لحد ما لقيت واقف في المطبخ و بيقطع بصل
- انت بتعمل ايه هنا !!!
- یووه خضتينی يا إسمك ايه و بعدها شاور بإيده  ، فلقيتني بضحك غصب عني ع منظره
- ايه الضحكه اللى توقع القلب دي بقى ؟
- یا ابنی دا مطبخنا انت بتعمل ايه هنا !!
-  بطبخ
-يا راجل !!
- طيب مبتطبخش في مطبخك ليه ؟
- لا بيتكم حلو انا برتاح فيه ، بحس فيه بجو الاسره کدا و بحب وجودى هنا معاكم
- امشی یا عسل روح ع شقتك يالا
-  طيب هفطر و امشي ، دا انا عامل شكشوكه انما ايه عظمه هتاكلوا صوابعكم وراها
- انت ناقص تنام عندنا و الله
- كان ع عيني بس مفيش اوضه تالته انام في الصاله يعنى يرضيكى ؟
- اطلع برا یا ادم 
- تتبرعيلي باوضتك طيب ؟
- إمشي يا ابني من هنا احنا لية الصبح
- خلاص خلاص انا كنت عارف انك بخيله اصلا
- دا انا ؟
- و بعدين انت قولتلى هتعزمنی ، هتعزمنى امتا بقى ؟
- قریب
- قبل ما نموت صح ؟
ضحك ... بالظبط كدا هروح اخد شاور و راجعلك عشان نفطر  كلنا سوى
= لا دا مجنون و.ربی دا مجنون رسمی هوا فيه حد كدا اصلا ؟ اي دا یا ربی ، معقولة لسة فى حد كدة !!