روايه نصيبي أتى بك
للكاتبه /ويسي المسماري ❤️
الحلقه الثانيه ✨
_بأذن الله من الحلقه هذي يبدو الاحداث انسجو وعطوني رايكم غزالاتي ❤️
حوراء وعت في صبح يوم السبت اساعه 8.30جايها نشاط لقت هلها راقدين مشت دارت قهوه وقعدت في الجنان وتقلب في الفيس خطمت عليها صوره لي منذر منزل منشور دارت اعجاب ودارت سكرين
كان عاجبها شكله وكيف مهتم بنفسه .
مشي باقي يومها عادي لعند ماجا اليل وخش عليها منذر يبي يتعرف عليها ترددت اترد عليه بعدها ردت وقعدو يحكو وحكتله اشوي عن حياتها واحلامها
وهوا كذالك وانسجمو مع بعضهم وقعدت مايفوتش يوم الا تحكي معاه .
عدي اول اسبوع مع منذر تحكي معاه وماقالتش لحد عليه لعند حكت لصحباتها عليه
ندي /احلفي انصدمت ماعمريش تخيلتك اديري علاقه
حوراء/بسم الله اي علاقه صداقه بس
منار/ مش متخيله حوراء متاعت القرايا والهدوء وتكره الجو هذا ترتبط
حوراء /الحق عليا حكيتلكن
ندي /غير راه يطلع كذاب مش طبيعي اصلا بسرعه هذي
منار /حسيته كذاب راك ادزيله صورك ولا حاجه
حوراء خافت /لالا تخيلي توا نفك عليه درهتن كبدي راه
ندي /جامعه ماتضيعيش روحك اقري خلاص الجزئي اقريب
حوراء /تمام خلاص
روحت حوراء وهي في راسها الموضوع ولقت منه مسجات
حوراء /اسمع كذب الشباب فكني منه
منذر /كنك شن واخذه اليوم
حوراء/هك
منذر /اسمعي انتِ خاشه راسي من الاخير ونبيك
حوراء ابتسمت وكتبت /وايمتا هذي
منذر /من اول ماشفتك كيف رازنه ومؤدبه وكيف لابسه طويل ومحترمه
حوراء /شكرا
منذر /شني شكرا
حوراء ضحكت
منذر /اسمعي هلك يعطوك
حوراء /كيف
منذر /قصدي نبي نخطبك بس خايف هلك يقول اصغيره ولا حاجه
حوراء /انت عارف حوشنا اصلا
منذر /عرفت حياتك كلها
حوراء ابتسمت وقعدت تحكي معاه وحست انه يحكي جذ معاها وميكذبش وهي لانها اول حب لها حباته وان شاء الله مايخذلهاش
______________
منذر سكر منها ومشي لصحابه وخوه في الجنان امتاعهم
ينضفو في اسلاحات
منذر / فيش اديرو
واحد من اصحابه /انت الي شن ادير قاعد جوا بروحك وغمزله
منذر /اسكت ي خرا
المهم وطال بينهم الحديث لعند رن عليهم ولد جيرانهم
رد اخ منذر طلال/ايواه ي احميده
محمد /وينك ي راجل
طلال /انكملو في شغل السلاح بكرا نبو انسلموه ع الفجر
محمد /اشوي ونجيك املا
طلال/تمام نرجا فيك
اشوي ووصل طلال وفتح باب الاستراحه وخش
طلال في الوقت هذا كان رافع السلاح يجرب فيه ويخش يفجعه محمد ويطلق طلقه بلغلط ..........
منذر /لاااا
الطلقه جت في نص راس محمد وطلال يشوف بصدمه وباقي الشباب منصدمين
منذر /شن درت انتَ ي طلال شن درت
ومحمد دمه عبى المكان وهل محمد وخوته سمعو صوت الرصاصه خشو لقو المكان كله سلاح وولدهم مليان دم
اب محمد شاف لي صاحب ولده طلال ولقي في يده سلاح رافعه انصدم وقعمز في مكانه
وخوت محمد مشو لي طلال يضربو فيه وصارت عركه كبيره غادي
صاحب منذر خلا الشباب يشيلو السلاح دغري في السيارت وعدو يكملو مهمتهم قبل مايوصل الردع
وخذو منذر وخوه للشرطه وسمعها اب منذر وهله اقريب انجلطو الموضوع انتشر في لحظه ثاني يوم في الصبح محد رقد وجنازه محمد كانت ع الظهر
وطلال يبكي في الحبس لا ياصاحبي جنازتك مانحضرهاش لالا ويخبط في كراعه
عند حوراء ثاني يوم وعت استغربت ماصبح عليها منذر تعودت عليه وبدت تحبه حرفياً مشت لجامعه وجوها مش سمح واجد صحباتها سئلنها قالتلهن الي صار وفرحنلها
وروحت وكذالك مادزلهاش منذر ولا مسج استغربت
.
.
اب منذر مشي بعد اسبوعين من العزا يبي يحل الموضوع عرفي ع اساس ويععطي فديه ع قتلت ولدهم لان مش قاتلينه قصدت
اب منذر /ي حاج غير اسمعني
اب محمد /مانسمعش قتلتو ولدي الصغير وتبيني نسكت هذا موضوع كبير نبي ناخذ دم ولدي
اب منذر /مش هكي تنحل المواضيع حتي ولدك له يد في موضوع السلاح شن تبي اتقول للشرطه
اب محمد /ولدي مات وانتهت ودور اولدك انتَ
طبعن قعد الموضوع هذا 6 اشهور وهما ايحلو في لعند وصولو لقرار انه يعطيه ع قتلت ولده 500.000
ويطلعو من بنغازي طبعن منذر مشي باع كل شي عندهم حتي محله باعه وطلع خوه وطلعو مشو سكنو في اجدابيا هو خواته الاثنين وخوه الصغيره وخوه طلال وبوه وامه
وفي الوقت هذا منذر مافتحش نت ولا حكي مع حوراء الي كانت في حاله مش عارفه وينه وبدت امتحانات وهوا مش معاها وكملت السنه وجا الصيف سنه كامله ماسمعتش عليه غير انه محله اسكر ودزله في مسجات مايشوفش ومسكر وتدعي انه ربي مايخذلهاش ويقعد من نصيبها لانها اتحبه وماطلعش من بالها وخواتها شايفين كيف متغيره وقاعده مش اختهم الي يعرفوها
.
.
ان شاء الله اتكون عجبتكم حلقه اليوم 💔✨
رايكم ايهمني جداً ❤️
.
.
