روايه نصيبي اتى بك
للكاتبه /ويسي المسماري ✨
الحلقه الثامنه ❤️
رايكم في الحلقه ماتنسوش يهمني.
حوراء متوتره وخايفه وتفكر انها اتفركش كل شي قبل يكبر جتها حور : راه عيت عمك جو وعليش خشيتي للدار
حوراء نزلت منها دمعه /مانبيش ي حور مانبيش
حور /توا خطرلك بسم الله وليش تبكي
حوراء/مانحسبش كل شي توا يجري بسرعه نحساب مازلنا في السليم هلي دارو كل شي بسرعه
حور /وحق الله عين طرشقت فيك
حوراء /مش عين نا مانبيش نبي منذر حسيت الموضوع بدا جد
حور /اشربي اميه وكملي النهار هذا ع خير بكرا قوليها لبابا مدام هكي مش متريحه
حوراء / تمام
حور /ماتخافيش بكرا توا يقعد كل شي تمام اطمني واليوم مشيه زي الضحكه مش حيصير غير الي تبيه تخيلي روحك تلعبي من زمان كنا نلعبو في عرايس تخيلي روحنا نلعبو
حوراء ابتسمت لاختها/تمام هي وطلعت حوراء سلمت ع حمواتها وعمتها وحبت ع راسها وكان يبحتن فيها بنظره غريبه لعند خذتها حماتها الكبيره وقالتها تعالي للدار نحكيلك كلهم استغربو /
خشت حوراء اشوي لحقنها خواتها
حوراء /كنك بسم الله ان شاء الله خير
حماتها /اسمعي خوي مايحبش المكياج الزايد وخاصه جنب الصبايا مايقتنعش بيه بكل توا يهزب
حوراء /كيف ايش قصدك
حماتها /رجب مايحبش الجو متاع نمكيج قدام حد وخاصه لو مراته
نور /وشن تبيها ادير ي ماما ان شاء الله
حماتها /امسحيه خير ما يهزب كيف مش منبهك
اشوي وخشت حماتها الصغيره /كنكن ي مريم
مريم /شي نحكيلها ع المكياج
مرام اخته الصغيره /اها امسحيه يهزب موت راه
حور مصدومه/شن امسحي ما امسحي تحكي من جدك انتِ ولا تبصري بعدين شن جو التخويف هذا هل انتن مرضه نفسيات مش طبيعيات راه
نور /بحتن في اوجوهكن حتي انتن اتقول مهرج
مرام /احترمي نفسك ي اختي
نور /مش اختك
حوراء /اسسس اطلعن برا اشوي ونجي
طلعن مرام ومريم وحور ونور قعدن
نور /تبي تمسحي المكياج من جدك
حوراء /فكيني من الحس انتِ وياها والحقيهن
حور /بس مش هكي
حوراء /حور راحتي
حور /راحتك تبصري صح
جت كريمه معاها مريم /هي اطلعي ي نور وحور البنات برا يسئلن برا
حور /بس ي ماما
كريمه / مافيش بس اطلعي برا
طلعن البنات وجوهن صفر والعرب تسئل كنكن
______________________
في الدار كريمه /مش من جدك ي مريم دافعين حقه المكياج بعدين عروس معقوله يهزبها اوڤر الي تقولي فيه
مريم / هوا وصاني هك بعدين خليني انتفاهم مع حوراء
كريمه تأففت بأسف/بينك بينها لكن مش من جدك الخبر هذا بنتنا مش لاقينها في الشارع نبو احترام وطلعت
مريم / عطيني نمسحلك عشان تطلعي عليه تلبسو
حوراء /هي ومسحت المكياج كله وجها قعدت اتقول مطلقهه وطلعت مريم مبتسمه بنصر حوراء سلحت القفطان ولبست ابلوزه وسروال ولبست وشاح وطلعت كلهم انصدو قالتلهم تبي تطلع عليه وهوا مايبحش المكياج وهي مش قاري عليا فاتحه نين نطلع بقفطان
ونور وحور اقريب ينجلطن وياكلن في روحهن ع الي صاير في اختهن .
وطلعت حوراء لبست الدبله ولبساته وقعدن خواته يزغرتن وحوراء خانقتها العبره باسها ع يدها حست بالقرف وصبت خشت جوا بسرعه
وكمل اليوم عادي جداً لعند جا اليل وطبت حوراء في سريرها تبكي بالعبره وخواتها يهدن فيها ويرن تلفونها فوق من ميه مكالمه من رجب لعند ردت قعدت يسلم عليها وترد فوق من طاقتها لعند سكرت في وجه وقفلت التليفون وخشت سريرها ورقدت ماتبيش اتفكر في شي من الي صار وتبي اتخيل انه ماصار شي وواصله في مرحله يأس ،
مر ع الموضوع هذا ثلاث اسابيع ورجب بدت تحكي معاه بشكل يومي بعد خشت ع منذر ومعطاهاش اي جواب سئلت ع حاله بس هوا ما قال شي وبدت تقنع في روحها انها هي كارها رجب عشان موضوع منذر وتبي اتحاول اتقلم ع الوضع الي هيا فيه
__________________
وعت حوراء ع الظهر لقت هلها بتغدو تغدت معاهم وبوها قاللهم انه رجب رن يحكي ع الفاتحه وقال انه يبيها الخميس رجاله في جامع وتفض القصه
كريمه / والله الراي رايك وراي حوراء
بوها /نا من رايي احسن الفاتحه بدري ع الاقل يقعد راجلها
كريمه /صاح شن رايك ي حوراء
حوراء / الي تشوفه ي بابا عادي اهم شي مايجيش بعدها يقول العرس الخميس لاخر مازال
بوها /ان شاء الله ربي يتمم ع خير ي بنتي ويهنيك
حوراء /ان شاء الله وقعدت اشوي وخشت
لحقتها حور ونور
حور /انتِ كنك هكي ماعندكش شخصيه بكل مش معش تبيه
حوراء /لالا نبيه غيرت رايي
حور /حوراء راه الي اديري فيه مش عاجبني شن عقاب الذات الي اديري فيه ال روحك ارفضي مش ماتبيش ومش متريحه ارفضي
حوراء /عادي ي حور مكبره القصه راك زي بعضه قعدت معاه ولا سيبت شن ح يتغير
حور / ادعي ي حوراء ادعي الدعاء يغير الاقدار كل شي يغيره لك في ثانيه اهم شي ماتفقديش الامل وخلي عندك اهم شي راحتك اهم شي
حوراء /نا راضيه بحكم ربي الي يبيه ايديره اكيد ربي مايبيش يجرحني ويكسر خاطري
حور / ع راحتك بس اعرفي انه لو تبي تغيري قرارك تلقيني في جنبك وطلعت
ونور الي كانت تسمع في كلام خواتها بعيون مدمعه ✨
يتبع
.
.
.
رايكم في حلقه اليوم الي كلها حزن وزياده استفزاز خوات الزوج !
مع او ضد انه الاخت تدخل بين خوها ومراته وهل رجب دار صح لما دز اخته لزوجتك تمسح الميكب بدال مايحكي معاها ويقوللها بروحه ؟
سؤال ثاني عمره مر عليكم موقف هك ولا عندكم ناس متدخله في حياتكم زي هك ؟
instagram: enas_almsmire
