اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
°°°
" آسر قدامك خمس دقايق بس تقولنا عن سبب الخدوش بوجهك والكدمات ذي "
بلعت ريقي وش بيسكت أخوي ناصر الحين ؟ طبعًا أنا جالس بالصالة وأخوي واقف قدامي ورحاب رافعة حاجب وأمي جالسة قدامي تناظرني بحدة وملاك تصور من بعيد وميتة ضحك والتوأم مندسين تحت الطاولة يبون يسمعون عبالهم محد شافهم يعني ، بلعت ريقي مرة عاشرة وقلت وأنا اسحب هوا
" تضاربت مع واحد بالطابور عند الكاشير "
ضحكت رحاب وقالت وهي تربط شعرها الطويل على ورا
" كل تبن بالله إنت آخر واحد يهتم بهالمواضيع "
طالعت بسقف الصالة ما شاء الله البيت حلو هذا بيت مين ؟
" آسر كلنا عارفين نزار له علاقة ، بس وش السبب ؟ "
وأنا الحمار يعني بالله ما بيدرون ؟ قلت وأنا أرخي ظهري وبكل صراحة
" شفتوا اللي صادم أهل نزار ؟ قبل أسبوع طلع من السجن وتو قبل يومين قال يبي يقابل نزار وبالصدفة كنت معه ورحنا سوا طلع جايب عشرين ويبي يصفق نزار لأنه ما سامحه رغم إنه الغلطان وسبب وفاتين ، وأنا الصدق ما رضيت وضاربت معه "
ناصر سكت وما رد ورحاب مسحت وجهها وقالت
" الله لا يوفقه إيش يبغى ؟ قول لنزار يكلم الشرطة !! "
تذكرت مشكلته معهم ، بس حتى لازم يبلغهم
" بقوله "
قالت أمي
" أنتبه آسر ! نزار محاط بناس ما تسوى انتبه يا ولدي "
اومأت وقلت
" طيب يمه "
قال ناصر
" آسر بكون كلب لو قلت لك لعد تتدخل في مشاكل نزار أبدًا ؟ "
ايه
" إيه "
تنهد وقال وهو يجلس جنبي ويحاوطني بيده
" ياخي إنت ما عندك ما عند جدتي واغمى عليك بعد ونزار أنا شفته جا وصلك مافيه الا العافية ما شاء الله قوي هو يعرف يدبر نفسه ، لعد أشوفك تتدخل في مشاكله أعرف إنكم أصحاب بس في فرق هو بنيته غير عنك ويتحمل "
