حُـب مُعَتْــم

الضــلام _1_

بقلمي: ارنــا

#حُــب_مُعَتْــم

الضـــلام_الاول_

حساب الانستا 14_qer_

مُــلاحــظه مهمه ( غير مبري الذمه ل اي شخص ممكن ياخذ القصه بدون علمي او يسرق القصه او ينتحل شخصيتي)

                               نبدء بـالقصه

سـديـم

كلعاده رجعت من المستشفى هلكانه من التعب دخلت للبيت نزعت الحذاء حطيته بالجزامه ودخلت للصاله

سديم : سلام عليكم

الكل : وعليكم والسلام

ليلى : هلا يمه شلونج

سديم : بخير حبيبتي

ليلى : ضل بالي يمج امي صارت الساعه 8:30 باليل وين جنتي

سديم : خالتي صاير هجوم على عساكر وجابوهم للمستشفى لهذا تأخرت ولازم باچر اروح من وكت لان المستشفى انكلبت كلاب

ليلى : يايمهه الله يعينهم خوما اكو شهداء

سديم : اي اكو 4 شهداء

ليلى : الله يرحمهم هسه شلون حالت عائلتهم بعد فراگهم

سديم : لا اعتراض على حكمة ربج الكل يموت بيومه منكدر نغير قدرهم والف هنيالهم صاروا شُهداء

حور : هلووو سوسووو

سديم : هلا گلبي شوكت اجيتي من المعهد؟؟

حور : العصر اجيت

سديم : شلون جان المعهد اخذتي راحتج بيه عجبج تدريسهم؟؟

حور : المعهد يخبل وال اساتذه مو معقدين وغثه و صار عندي هواي صديقات والتدريس يخبللل يشرحون ومن يخلصون شرح يرجعون يعيدوه

سديم : ايي سباعيه اعرفج انتبهي للشرح

حور : من عيوني

سديم : راح اصعد اسبح وارتاح شويه ماريد صوت

ليلى : يمه متعشيه اسويلج عشه؟؟

سديم : لا خالتي اصلاً ماتقبل اي اكل اذا جعت اني انزل اكل

ليلى : على راحتج امي

سديم : تصبحون على خير

الكل : انتِ من اهله

سديم : صعدت الدرج صارو شباب كدامي تصنمت بمكاني ماكدر اتقدم ولا ارجع نقذني محمد جان طالع من غرفته

محمد : شباب شعدكم هنا؟؟

خالد : اجينه على اخوك وهسه خلصت سهرتنه ونريد نرجع للبيت