Super Shy!☆ [HEESUN]

you're special and you know it. you're the top bae.

ကျောင်းတက်လာတာလည်းနှစ်ကုန်တော့မည်မို့
နှုတ်ဆက်ပွဲအတွက်ကျောင်းသားတွေဟာ
သူတို့တင်ဆက်မှုတွေအတွက်ကိုယ့်အုပ်စုနဲ့ကိုယ်လေ့ကျင့်နေကြတယ်။

အဲ့ထဲမှာဂျုံဆောင်းနဲ့ဆောင်းဟွန်းက
နှစ်ယောက်တွဲဖျော်ဖြေမှာမို့
အားကစားခန်းမထဲ လာလေ့ကျင့်နေကြတာ။

သူကတော့ဒီအတိုင်းဘာမှမပါဘဲ
ပျင်းလို့လိုက်လာတာမျိုးပဲ။

အားကစားခန်းမထဲ အကအဖွဲ့တွေမျိုးစုံနေသည်မို့
လေ့ကျင့်ဖို့နေရာကလည်း သိပ်များများစားစားမရှိ။

နေရာမရမှာစိုးလို့စောစောလာတာတောင် သူတို့ခန်းမထဲဝင်လာတဲ့အချိန်
ခန်းမတစ်ဝက်လောက်က အကတိုက်နေကြတဲ့သူတွေနဲ့အပြည့်။

လုပ်စရာမရှိတဲ့ဟီဆွန်းကတော့
ပါလာတဲ့ကင်မရာကိုလည်ပင်းမှာဆွဲလိုက်ပြီး
အားပေးသူတွေထိုင်တဲ့ခုံတန်းတွေစီက
အရှေ့ဆုံးတစ်နေရာမှာဝင်ထိုင်လိုက်တယ်။

ထို့နောက် အကလေ့ကျင့်နေတဲ့
ဂျုံဆောင်းနှင့်ဆောင်းဟွန်းတို့ဆီ
ကင်မရာချိန်လိုက်ပြီး ဗီဒီယိုရိုက်ယူထားလိုက်သည်။

စကပ်အတိုလေးတွေနှင့်အကလေ့ကျင့်နေသည့်
မိန်းကလေးတွေထက် အပေါ်ရောအောက်ရော
အဖြူသာဝတ်ထားသည့်
ထိုနှစ်ယောက်ကပိုကြည့်လို့ကောင်းသည်လေ။

ပတ်ဝန်းကျင်ကိုမေ့လျော့ပြီးကနေတဲ့
ဆောင်းဟွန်းနှင့်ဂျုံဆောင်းပုံစံအား
ကင်မရာထဲကကြည့်ကာ သူပါလိုက်ပြုံးမိသည်။
သူ့လိုပဲ သူ့သူငယ်ချင်းတွေကလည်းသိပ်မိုက်တာ။

ရှုထောင့်တစ်မျိုးတည်းကနေပဲ
ရိုက်နေရတာမို့ ပျင်းလာတဲ့ဟီဆွန်းကထိုင်နေရာကနေ
ထရပ်ပြီးကင်မရာကိုအနီးကပ်ဆွဲချဲ့လိုက်တော့
ဂျုံဆောင်းတို့လိုအဖြူကိုသာဝတ်ဆင်ထားတဲ့
ကောင်လေးတစ်ယောက်က ဘတ်စကတ်ဘောကိုကိုင်ပြီး
ဘေးကနေဖြတ်လို့သွားတယ်။

သေချာပေါက် ထိုကောင်လေးက ဆောနူ။

ကင်မရာကိုဆောနူသွားတဲ့ဖက်ဆီလိုက်ရွေ့ရင်း
ကင်မရာထဲကဆောနူပုံရိပ်ကိုအနီးကပ်ဆွဲကြည့်မိသည်။
ထိုအခါ သူ့အားပြန်ကြည့်လာသည့်တဲ့
ဆောနူနဲ့ ကင်မရာထဲကနေအကြည့်ချင်းဆုံသွားသလိုမို့ဟီဆွန်းအလန့်တကြား လက်ထဲကကင်မရာကိုပြန်ချလိုက်မိတယ်။