Super Shy!☆ [HEESUN]

i wanna tell you

!warning > over cringe!

ဟီဆွန်းသူ၏ရင်ခွင်ထဲမှ မျက်တောင်ရှည်ရှည်လေးတွေ
လှုပ်ခတ်လာတာကိုငေးကြည့်နေမိတယ်။

ရက်ပေါင်းများစွာကြိတ်ချစ်ခဲ့ရတဲ့ သူ့ကလေးလေးကို
အခုလိုနီးနီးကပ်ကပ်အနေအထားထိရောက်အောင်
သူလှမ်းလာနိုင်ခဲ့တယ်ဆိုတာ အခုချိန်ထိမယုံနိုင်သေး။

အိမ်မက်လို့ထင်နေရပြီး ညတုန်းကအဖြစ်အပျက်တွေကြောင့်
အိမ်မက်မဟုတ်ဘူးဆိုတာလည်းလက်ခံလို့ရနေပြန်တယ်။

ဒီလိုဆိုမှ ညတုန်းကအကြောင်းပြန်တွေးမိတော့
ဟီဆွန်းအောက်နှုတ်ခမ်းကိုကိုက်ပြီးရယ်ချင်တာကိုထိန်းလိုက်ရတယ်။

နှစ်ယောက်လုံးရိုးရိုးသားသားဖွင့်ဟဝန်ခံခဲ့ပြီးနောက်
ဆောနူကိုသူစဥ်းစားဦးမလားလို့မမေးဘဲ
ကိုယ့်ကိုလက်ခံတယ်မဟုတ်လား မေးမိလိုက်တာကို
ဆောနူကခေါင်းလေးညိတ်လိုက်တယ်တဲ့လေ။

သူ့မှာအဲ့ကတည်းကအသက်ထွက်သွားပြီလို့တောင်
ထင်လိုက်တာ။
အခုမနက်နိုးလာသေးလို့တော်သေးတာပေါ့။

တော်ကြာအဖြေရပြီးမှဆက်မချစ်နိုင်ဘဲ နတ်ပြည်တက်နေရဦးမယ်။

ကြည့်ပါဦး သူ့ရည်းစား
အသစ်စက်စက်ကလေးဥဥဖုဖုလေးကို။
အိပ်နေတာများ သူ့လက်မောင်းကိုခေါင်းအုံးပြီး
နှုတ်ခမ်းရဲရဲလေးဟလို့။

မနက်ခင်းနိုးနိုးချင်းမှာတောင်လှလှလေး။
တအားလှလှလေး။
ကျွန်တော့်ကောင်လေး ကျွန်တော့်သည်းတုန်းလေးဆိုပြီး
ဟီဆွန်းဓါတ်ပုံကောက်ရိုက်ကာ သူ့အကောင့်မှာတင်ကြွားချင်လာတယ်။

ဒါပေမယ့်သူမလုပ်ပါဘူး သူ့အချစ်ကလေးရဲ့
မနက်ခင်းအလှမှာနစ်မျောသွားကြမှာစိုးလို့။

သူတောင်မွေးကတည်းကနေ အခုမှဒီလိုအလှမျိုးကို
ပထမဆုံးမြင်ဖူးတာလေ။
ကျန်တဲ့လူတွေကတော့ နောက်ဆယ်သက်နေမှ
စောင့်ကြည့်ရရင်တောင်ကံကောင်းလို့တွေးပေးလိုက်တယ်။

ဟီဆွန်းပြုံးဖြီးပြီးငေးမောကြည့်နေတုန်း
ဆောနူကလူးလွန့်လို့လာသည်။