حًـربً مًآبًيَنِ قُلَبًيَنِ
بًآرتٌ٤٣
بقلم... الميࢪزا batool
@user80208178
بَـعد يّاهـوَ اليگُلي شِبيك زعلان
ويَشاقيني ويگُلي دمُوعي تسوة
وبَـعد يّاهـوَ اليگلي شبيك مَهموم
ويحَسسني حتىَ أحزاني حِلوة
يَاهـو مـن الِرسايل يَـدري مخنوگ
الـ مِـن أتعـب ! ضَحكتة تصير تچـوة
يَاهـو اليّحـل مَشاكل دنِيتي وياي
يَاهُـو بتضحياتَه يـروح فدوة .
_______________________♡~
بليل كلش
جابو الجهال حسيت نفسي حبيتهم من جديد واردد بداخلي سبحان مغير الاحوال من حال الى حال
هستوني جنت ابجي وبعدين تحولت بكلمات بسيطه بس هاي مو قوة مني
هاي ارداة لله ولان گبل اردد هواي لا حول ولا قوة الا بالله العلي العظيم
توني راجع من دوامي سبحت وصليت دكيت على
شفت ريان ورائد وهم علوان
عزمني على موعد خطوبته والمشيه مالته
فرحت اله واخيراً انفكت الجبسة عده
سديت التلفون وصافـن عالوضعية
هاي هيه اجيبها بالرضه بالغصب بالين بالطك اجيبها يمي لازم ترد للبيت
حولت مبلغ لـ مشترايتهم
لـ بتول و ريان ورائد
وانه هم حضـرتلي اجازة ثلث ايام
بس اخذت الجازة بوجهي للحلاق وحضرت هدومي ومن الـفجريه طلعت
للـنجف وصلت بـ٩ الصبح
حتى ما شفت بتول بس جهال لان رايحه وي البنات يكملن مسواك العرس
وعلي يطب يطلع يصيح فلسوووني بطلت ماااعرس
اطيته اذن الطرشة ومخلي ريان ورائد گبال عيوني
ماامصدك صارلها سااعات بحضني انوب ماا يستغربون جن گلبي طاار وانگسم نصين وحط عليهم
واجه ليل ويالله هسه اشوفهاا هسه تتكحل عيوني وماكو
ما اجت
علوان ملتهي يحضر ويركض منا ويطلع منا
حد ما اجـه وكال باتت هناك بيت احمد لان عمومتهم كلهم جايين وتارسين البيت
احمد اخذ جهال وداهم
وانه فلست من شوفتهاا
بتول،......
بعد يوم متعب من الفراره بالسوگ
خاطر خطبة علي نمت مكسره وراه ما كوه وبالف ياعلي قنعت ريان ورائد حتى
ينامون كعدت من الصبح كفضنه البيت ذبيت الجهال عالخالتي وركضت احجز سره يم البنات لان اجن للبيت متفقات وي ام الصالون وهيه جابت عاملتها واجت ومن البارحة احمد كالي
اجه حسين مدري ليش اجتني قشعريره من كالوا هو هنا
بنفس الوگت مشـتاقتله وما اريد اشوفه مشاعر مخربطة وملخبطة
مغمضة عيوني وافكر بي والبنية تمكيج بوجهـي شلون راح اشوفه...؟ بعده يريدني لو بطل مني..؟
..... ميناس هاي البنية منين اول مره اشوفهاا
ميناس.بت خالت رجلي
..... متزوجة ولج لو بعدهي طيرره حره
ميناس.لااا خيه متزوجة وعدهاا اثنين جهال
.... لله يحفظج يحلوه ماامبين عليج ولله
فكيت عيني اباوعلهاا تحجي ويااي
ابتسمت ومارديت وهيه كملت مكياجي سوتلي شعري وكمت بسرعة
لبست احلى ملابس لـ ريان ورائد
وهمه نعمة من الله من ايد لـ ايد دخلت للغرفة واخذت فستاني
خليت شعري مفتوح على طوله ومخليه وياه خصلات شعر طبيعي لون مايل للرمادي
طلعت فـستاني فضي جوه ركبه بـ اصابع وحذاء هم بي لمع فضي جانت اجتافه نازلة
و ردان كامل وي الـ مكياج خفيف كلش وبسيط بس الحمره طوخ
لان الفستان منطي رونق كلش كافي
عقدو واجو راحت للعقد مالت البنية بس خالتي و نسمه والبـاقي كعدنه ننتظر حفلتنه
احنه وبعدين تبدي حفله زلم اجو وجكليت صار بفلس اجواء تخبل
شغلنه دي جي وسوينه الهن طاقة بيومهاا احس نقصت كليوين على هذا الـركص
تعبت دخلت للمطبخ اشرب مااي سمعت دكت باب
التفت
رجال لابس دشداشة رصاصي ولاف جراويه امارتي على راسه بس ظهره مبين
عرفته من عرض اجتافه جان داير وجه من دك الباب الخارجي وشايل رائد
لان احنه الحفلة من سوينها بـ بيت احمد وبيت احمد عدهم باب صاير على الترك يخلون بي الغراض المايحتاجونها وقديمة
وحان وقت القاء اجيت ااشرد واودي وحده من البنات الزغار تجيب رائد من عده تالي كلت هيه الموته وحده خلـ اشوفه وشيريد يصير خلـ يصير
