حًربً مًآ بًيَنِ قُلَــبًيَنِ
بًآرتٌ ١٠
بًقُلَمًβÃŤỖỖĹ
هنة ايام فارگناك بس وعيونك التنباس چن سنين مشتاگين!
_________________________
كعدت والكاسه بيدي شكد جنت مشتهيته وهسه نسدت نفسي عنه
ذبيته بالثلاجة
وكعـدت منتظره الفرج يمر عليه
ضل بالي يم المــواعين انه ادري هاي المصونه
ما تغسل تخاف على اظـافيرها
لو تضل اسبوع كلش عادي عدها
جنت حذره بهاي الامور بحيث اكمل شغلي كله يله ادخل للغرفة لو اهلك تعب
جنـت خاف اذ ما اشتغلت اخااف تكول لـ حسين
وهو من الله عالله يريد اله حجه عليه
غمضت عيوني بـأسئ
وانه اتذكر بيت عمي
ولله عمي جنت مدلله بـ جال نور بغض النظر عن تصـرفات عمي
بس هيه ما دام امجد مو بالبيت ما تكعد تمسح وتغسل وتطبخ وتتعمد مرات تخلي التمن ماصخ لو المركه شوي خفيفه
وتكله بتول طبخت
صدك احصلي جم حجايه بس اهون من هسه
حتى من جنت اشتغل وين الشغلات الناعمه واكثر شي اذ صعب الامر عليه هو غسل الزوالي الشتويه
هذا جان معضله بالنسبة الي
بس جنت ما احس بـ احساس الخدمة لو مذله من اشتغل
جان مصروفي واكلي وشربي كله عليهم
بس بـ اخر فتره من اشتغلت كمت اساعدهم هنا صعبه حسيت
روحي مذلوله
فوك ماا تهمني بـ تهمة باطله
وفوك ما تزوج عليه
ويكملها ويخليني خدامة الهم سوه
والعقد الأمور اكثر انه انحرمت من الطلعه
وعقلي يكلي
طلعي وخلصي من هذا السجن
هواي منظامات وجمعيات تتبناج
بس ياا حسره عليه انه بنيه هم وحيده ومزوجة وياريت بس شرعا لا قانونا
يعني وين اروح حسين ورايه ورايه
ويكدر يجرني من كفشتي ويرجعني سحل للبيت
طردت الافكار من راسي
ونمت بصعوبة
كعدت بـ٢ فتحت الباب وقفلته من بره واتسحب على كيفي
سمعت صوت بالحمام هسه شيرجعني للغرفة دحست روحي جوه الدرج ما ابـين بين الغراض
جانت طاوله كزاز وكراسي ثلاث
ارفع عيوني واشوف منو؟
طلع حسين ينشف بـشعره ويسب ويلعن بـروحه
بحيث صوته وصل الي
هزيت ايدي ليوم يحجي وي روحه ويغلط عليها عبالك عدو كدامه وباجر
يطلع يشگ دشداشته
حل تستاهل تاليتك متخبل
وانه اضحك عليك واتشمت
خليته يدخل للغرفة دخلت للحمام بسلام وطلعت مثل البزونه الصايده صيده وتتختل لا يشوفها احد
طبكت باب غرفتي قفل
لبست حرامي وتوجهت للقبله
اقره قران
ضليت لصبح على فرد كعده
وساعات عبالك عدوتي ولا تمشي سريع
سمعت صوت حركته بالبيت كمت دنكت من جوه الباب اشوفه
طالع بس بالبجامه والخاولي على اجتافه المملوحه
يفتر بالمطبخ وبعدين طلع بكلاص جاي ولفه
كعـد عالدرج ياكلهن وبيده تلفونه
كلما عيونه تندار لباب غرفتي اسوي انسحاب شوي وارجع اباوع مثل الفارة هزيت ايدي وكمت انه شبيه وي روحي
ساعة بزون ساعة فارة
