حًــربً مًـآ بًـيَنِ قُلَــبًيَنِ
بًآرتٌ٤
بًقُلَمً
βÃŤỖỖĹ
فمِن أين للحسّاسِ قلب يريحهُ ؟
ومِن أين للقلب الغبي غرامُ ؟
_________
حسين.هسه اصبري
ولله ماا اهدئه ويمكن زااد وانه ناابته اظافري بـ بيده بكلي قوتي حتى حجي انبلع لساني ما حجيت
شووي وكفنه كدام بيتنه نزلـت بسرعة اشرد بروحي العزيزه ما حجيت شي دخلت للبيت
كعدت من هبطتي بالكـاع والسرعة الساق بيهاا جان ناوي على موتنـه سووه
يمكـن بالخمس دقايق انه كاعده واطرافي ترجف من الخوف الحسيت بـي شنو هذاا مخبل اي ولله مخبل يبوو عليج يا بتـول ويامن تورطت شسوي ياابي هسه الطم على حظي المصخم لو انتحر اخلص
ذبيت الشال مني وكمت غسلت وجهـي
ندك الباب
رحت فتحـت الباب
لكـيته هو مدلي علاكه ودار وجهه صعد بالسيارة ما حجه شي
اخذتها وسديـت الباب طفرت ليجـوه شعليه بيك يمه
جاان موتني ليوم وهسه تنقري فاتحتي ماا طلع عليه غده زقوم
بدلت وطلعت افتر بالبيت يااربي شلون انه بـ امجد ومرته ما يكعدون شوي بالبيت ما يهودون
______
سجاد.هاا ولك شبيك
حسين.ماابيه بويه بس تعال سوق السيارة بمجـاني
سجاد.شمالك حسين خاف ضغطك قسته لو لا
حسين.يمكن هسه بس انزل اشرب لبن مالح بس حرك السيارة دخيل علي
وصلني للبيت وضـل مكـابلني لـ ليل
لحـد ماا صرت احسن طلع لـبيته سلبت راحـته ليوم
صليت المغرب ونسدحت دايخ من العلاج نمت وبعـز نومتي كعدني صوت تلفون يدك باوعت للاسم غسق
بتول،الوو
حسين، هلا باابه
بتول،هلا بيك
حسين،شبيج بويه محتاجة شي؟
بتول،لا
لا ما محتاجة شي وهم
ما بيه شي بس ردت اشوفك لين من طلعنه لحد هسه ب10 ماكو انته زين ما بـيك شي
حسين،كعدت على حيلي
زين بابه زين ما بيه شي جني صـل
اكوم اصلي العشه واحاجيج مو تنامين
بتول،يي
سديته منه وكعدت ايدي عالخدي صافنة هم زين ما بي شي ولله لو صاير اله شي چاا
امجد سواها عليه كربله
عالطاري امجـد ما بينو لا هو ولانور بله هاي عد اهلها هوو وينه
انوب عايفيني وحدي بالبيت
كمت سبحت و وكفت انشف شعري التلفون يلمض اشوفه بالمـرايه دنكت اخذته
لكيته متصل مرتين جاوبـت بثالثة
حسين،وينج ياا بويه صاررر ساعه ادك عليج
بتول.جنت اسبح والتلفون صامت
حسين،ولله اجيت اشلع سيارة واجيكم ادري يابابه اصير حراسه عليج شلون بله
بتول،ترا ما سوويت شي ليش تصيح
حسين.انه المسوي شي يابه
بتول،ايي مسوي شي لان تصيح عالكلشي حتى بدون سبـب
حسين،صار يابه من عيوني بعد ما اصيح
بس انتي انتبهي
لــيش سكتين بابه
بتول.عمـو وين
حسين،امجـد
بتول،اي عمو امجد وينه
حسين.ادري يا بويه انه شايله على ظهري شدراني بي
انتي منهو يمج بالبيت
بتول.بس انه
حسين.تحجين صدك
بتول.موو اول مره متعوده
حـسين.اجـي يمج
بتول،لا لا شنو تجي يمي
حسين،چاا تضلين بحدج
بتول.لا هسه عمو يجي هو دائما يطول لـ ١١ لـ ١٢ مرات
حسين.ما تخـافين
بتول،اخاف بس بالظلمه عادي ابقه وحـدي
حسين،سبعه يابه بس قفلي البوب زين
بتول.قفلتها
سكتت وهو ساكت تالي حجيت وهو هذا السؤال يفر عقلي فر صاارله شهر
ليش جنـت تلحكني بـ دوام
حسين.شلون يااابه
بتول.من كال ها سمع
حسين.ما كلت ها كلت شلون بابه
بتول.المهم جاوبني
حسين.سدي لمووضوع يله راح ابدل واطلع انتـي نامي
ونشفي شعرج زين
مو تخلينه مبلل
ولبسي شي ثخين ونامي واذ تضايقين تغطي بشي ثكيل مو تبردين زين بابه
بتول،ماشي
حسين،يله بنيتي فوتي نامي
بتول
سديته منه كمت نشفت شعري باوعت لحواجبي شون برزن سود عيوني واخذن جره منهن
شعري
طولي
شحب بيه شنو ينحب بيه شنو لكه شبه بيني وبين حبيبته
ما اجـه بالي غير هذا التفسيـر چـا ليش يصيح الي غسق
