عمر اول ما طلع من البيت بقى بفكر يجيب ليها شنو مع الورد؟ قرر يجيب ليها طقم دهب عاين لي الساعه لقى فاضل زي ساعه و نص مشى جاب ورد و طلب اكل من مطعمه المفضل و جاب شموع و زبط الاوضه و مشى لي امو شال بخور لانو عارف انها بتحبو كيف بخر الشقه و الاوضه حقتهم ختى طقم الدهب في السرير و معهو ورد و عطر من شانيل و جاب بوكي و مشى المطار لاقها اهل وئام هناك و انتظر معاهم كانو برضو جايبين ليها هداية و ورود و اكيد ما نسو كوكي أكرم حتى عمر جاب لي ورده و شوكولا 😍❤️ ( الله يدينا زي عمر دا ياخ عارفه اني بكتب و ماف زيو 😞)
اول شيء شافو أكرم ماسك شنطت اختو و كاري العجله بتاعت الشنط ( و حلاتتتي يا ناس اخو عندكم زي كوكي؟)
سلمت عليهم كلهم و آخر شي عمر أثناء حضنهم كان بتكلم معها
عمر : اشتقت ليك
وئام : و انا اقول شنو؟
خالتو اريام و خالو عبدالرحمن كانو بعاينو ليهم بحب و كذا انهم عسل بس ريم لازم تخرب اللحظه
ريم : كفاكم يا انتو عايزه اديها هديتي لأنك ح تسوقها معاك
عمر : ابيييت 😛
أكرم بانكسار : ريم انا ما عندي هديه؟
عمر : انا جبت ليك يا بطل
ريم : و انا برضو و ماما و بابا شفت الحب دا كلو كيف يا كوكي؟ تلقى اخت زي وين جبت ليك ثلاثه هدايه 😌
المهم ديلك رجعو البيت و معهم أكرم و عمر ساق وئام و مشى
في العربيه "
كان ماسك يده و هو سايق بيد وحدها
عمر بابتسامه : نمشي نشوف بيتنا؟ ولا تعبانه نخلي بكرا؟
وئام : انت بتهظر؟ بجد انت جهزت كل شي؟
عمر : كلو عشانك يا ستهم نمشي؟
وئام بفرح : اكيييد
عمر : خلاص اسي الساعة 9 نرجع البيت عشان المفاجئه الهناك؟ و بعد نمشي البيت
وئام :omg؟ دا كلو عشاني؟ 😭
عمر : و لسها ح ادلعك كتير و ممكن تعتبري تعويض لي كل التعب العشتي بسببي؟
وئام : الفات مات و نحن اسي سواء و دا المهم يا قلبي ❤️
عمر و هو بضحك : يا شنو؟
وئام : ععمممر
عمر : ابيييت إلى تقوليها يا زوله
وئام : انت مستفز كدا لي؟
عمر : حرام عليك انا راجلك ما عايزها تسمعيني كلام حلو 😞💔
وئام : يا قلبي يا عسل انت و حلاتي راجلي زعول كدا و يا ناسو قلبوشي دا معليش يا عمري انت 😭😭😭 اهااااا ارتحته؟
عمر و هو مبسوط و بضحك : ما تعرفنا يا مدام وئام
وئام : لو انت بتتبسط كدا خلاص طوالي نسمعك
عمر و هو لسها مبسوط : يا ريت ولله
وئام : ريلي انا بحبك يا عمر بجد انت العوض
عمر : ما عارف اقول ليك شنو لانو انتي مجرد ما اشوفك مبتسمه بحس بالامن
وئام : بحبك ياخ 😞❤️
عمر باسه بكل حب في يدها ( ياخ شفتو الاتنين ديل يا الله 😭❤️)
وصلو البيت و عمر لاحظ توتر وئام قام اول شيء عملو جراها لي حضنو
عمر : لي التوتر دا ما تخافي كل شيء تمام و طالما انتي جنبي و انا معاك ماف زول يقدر يفتح خشمو كويس
وئام حضنتو برضو و ردت علي ببحبك و حاولت تخفي توترها عشان يعني عمر ما يهم ليها
اول ما جاو داخلين استقبلتهم خالتو ريهام بالزغاريت و خالاتو كانو في و برضو زغرتو ليهم و عماتو وئام كدا حست بطمانان شويه عمر كان حالف ما يزح من جمبها و واضح قدر شنو مبسوط بيها و هي برضو قعدو زي ربع ساعة و الناس مشت
خالتو ريهام : الحمد لله انك بقيتي مرتو و انا ح اختك في عيوننني يا وئام يا بت الهنا و السرور يا بت الرضاء
بيان : مبروك بيت مال وعيال ان شاء الله 💗
طلعو شقتهم
في السلم
عمر : دقيقة دقيقة اجيب لي ربطه لي عيونك
وئام : عمر انت اتعلمت دا كلو من وين؟ شنو الرومنسيه الفائقة دي
عمر : دا الحب يا حلوه 🙄
وئام : طيب طيب يا حبي
عمر و هو مبسوط : يس كتري من حبي دي ( ما غلطو لمن قالو الراجل لمن يحب ببقى طفل و الانثه ام ❤️)
فتح ليها عيونها و تفاجأت بجد لي درجه دمعت
عمر : مبسوطة؟
وئام : عمر انت بتهظر؟ انا حموت فرحه
المهم كملو يومهم و كلو كان اوكي و ريما ما ظهرت ابدا و شافو البيت و كانو مبسوطين شديد ( ربنا يديم الفرحه 🥹❤️)
نلتقي في البارت الجاي 🫡❤️.
رايكم و النجمه ❤️.
دمتم في رعاية الله وحفظه ❤️.
أنت تقرأ
ستهم 💕
Fantasyيا سَلْوَةَ الرُوحِ يا حُلْوة الحَياةِ يا قَمَرَ اللَّيالي يا نَجْمَةُ الضِياءِ لا اسمح بسرقة أحداث رواياتي لى الكاتبة / hope lady :-)
