ستهم 💕

البارت الخامس ✨>

سبحان الله العظيم
الحمدلله
لا اله الا الله
اللهم صلي وسلم على نبينا محمد
✨💜

كل عام وانتم بخير 🦋 ✨
إن شاء الله حال البلد يتصلح و الحرب دي تقيف و نعيد في بيتونا العيد الجاي و يبقى كلو ذكراء
إن شاء الله 😭

تلفون ريما ضرب و كان مراد ( عرسو لي و بخلي ينسى ريما ولا اقول ليكم دايره عمر بس 😭)

مراد ببحه رجوليه و صوت عميق كان يادوب صاحي من النوم و اول شي عملو ضرب لي ريما ( واحد مراد لو سمحت ) : ريما صحيتي ؟حجيك انا السواق اعتذر لي امبارح

ريما بحماس : هو انا نمته متحمسه شديد لي باريس اكيد ح تطلعني؟ ما نحن أصحاب ولا ما كدا؟

مراد بنفس النبره العميقه معها ضحكه خفيفة ( الله اكبر اللهم الثبات) : اكيد يا ريما اكيد

ريما : يلا يلا صحصح عشان الطياره ما تفوتنا 😭

مراد بعملتو دي ذابت البت (ياخ انا ذبته خلو هي بس ولله عمر ادرع من مراد 😭) مراد عمل روتينو الصباح و لبس لبسه مناسبه لي السفر و المطار و كانت كله اسود ( احي) و ريما هناك رفعت شعره الطويل شويه و اسود زيل حصان ( ضنب حصان 🐸)  و لبست بنطلون اسود و تشيرت اوڤر سايس اسود مكتوب فيو What؟ بالبرتقالي فوق في النص و جزمه رياضيه سوده و لا واحد كان فاكر انو التاني حيلبس اسود مراد ضرب ليها و جاه ودعت بيان و عمر و ابوه و أمه و مشت المطار

مراد بلطف : حبيت الاستايل دا فيك

ريما بخجل ( اشي) : شكراً

مراد : حنمشي نجيب كلارا و بعده المطار باقي التيم هناك

ريما : ok

وصلو و عملو إجراتهم و طلعو الطياره في الأول كانت ريما جمب كلارا و هي كانت صحبته أصلاً ماف بينهم مشاكل كلارا لطيفه و محبوبه و في الترانزيت تغيرت المقاعد و بقت ريما جمب مراد
اتونسو اتونسو لحدي ما ريما نامت

وصلو باريس مدينة العشاق و رومنسيه ( وووععع بكره قلت الأدب دي بالذات الفرنسيين اخي شينين لكن في وحدين سمحين جد جد😭 )  مشو الفندق كلهم انقسمو لي عربيتين كلهم كانو 8 كل 4 في وحدة و كل زول في غرفه و نزلو اتعشو و الاجتماع حقهم كان تاني يوم الصباح سو نامو بدري بدري

= تأني يوم =
ريما لبست بدله نسائيه البيجي  و مراد بالاسود و كلارا فستان بصل لحدي بعد الركبه و شعره كيرلي اما ريما فضلت تربطو زيل حصان مع خصل لي قدام و كذا اكتفت انتهو من الصفقه و تمت الأوله اما التانيه بعد ثلاث ايام رجعو تعبانين شديد لانو الاجتماع كان 5 ساعات و الحمد لله نجح تاني يوم كان عيد ميلاد ريما بس هي كانت ناسيه خالص ريما كانت لسها نايمه و كلهم نزلو الفطور

كلارا : يا مستر الليلة عيد ميلاد ريما ممكن نحتفل بيو في قاعة الفندق حقت اعيد الميلاد ؟

مراد : تمام ما مشكلة أصلاً ماعندنا شيء خلي الساعه 7 لانو أمبارح مشينا برج اڤل من غيرها و الليلة اتفقت معها اوديه و ما دايركم تلغو رحلتكم البحريه و تمشو البرج تاني في النهايه سعادة موظفييني تهمني ( موظفين ولا عشان حاجه تانيه؟ 😉)

كلارا : تمام ممكن بعده تجو الشاطئ و تمشو الرحله البحريه التانيه و نتلاقى في الملاهي الجمب الشاطئ الألعاب هنا حلوه ما تقول لي كبرنا كلنا بنحب الحاجات دي

ضحكو كلهم و جهزو الصاله و هداياهم و كلارا اتكلفت انه تظبط ريما و غشته انو في حفل لي عقد الصفقه الليلة

كلارا : غمضي لي عيونك كدي

ريما : خير يا بتي لي

كلارا : يا رررببببنا مالك غياظه غمضي و بس

ريما : لايوقه غمضت لكن ما توقعيني لانو زي ما انتي شايفه ما بعرف امشي بالكعب الطويل

وصلو و دخلت كلارا و فكته و أدست و الانوار كانت مطفيه استغربت بقت تنادي كلارا يمكن مشو القاعه الغلط او كلار عامله فيها مقلب او اي شي

كلهم : سبرراااييسسس هايي بيردث تو يووووووو 

غنو ليها و طفت الشمعه و مشو رحلتهم و هي مشت مع مراد البرج

كانو واقفين قدام البرج و بعاينو لي فجأة

مراد : ريما انا بحبك

ريما التفت لي بعيون بتلمع و هو بعاين ليها ريما ما كانت قادره تستوعب بس عاده

مراد : ريما انا بحبك و حبي اتجاهك صادق انا عايزك تكوني مرتي بالحلال جذبتين من اول مره جيتي او ظهرتي في حياتي عموماً حبي ازداد يوم بعد يوم و لسه بزداد انا لمن ضربت حسام الدافع الأول كان حبي و غيرتي والدفاع الثاني انو انتي مرأة و هو بتحرش بيك ريما انا ما زيو انا مستعد اقدم حياتي ليك (حب من النظرة الاوله)

ريما ما كانت مصدقه برضو كانت بتاعين لي بنفس النظره لكن هنا دموعه خانته ( ما عرفت اوصف  )

ريما : حتى انا... حتى انا يا مراد اتعذبت بحبك ( وهمية البت دي 😭 - اتقول ما بكتب انا -+ من القال ليك حبي و اتعذبي في حبو + انا ما بحب قلت الأدب دي اصلا انا منتظره شخصتين بس يظهرو ليكم ديل ما مهمين 😭)

مراد : ريما انا ح ارجع اطلب يدك انتي موافقه؟

ريما بدموع : اكيد

مراد بابتسامه و مسك يدها : امسحي دموعك و ناخذ صوره عشان دي حتكون من افضل ايام حياتنا

حابها اقول ليكم الروايه دي فيها خارجيات كتيره غير خارجياتي و وهمنا بس تخطوها النبي ح تبقى حلو لمن يظهرو الناس الاساسين و ولله بس اصبرو ح تبكو لي انزل ليكم بارتت ولله اتولع فيكم وليع بس شيلو الصبر 😭

التعليق و النجمه مهمين لي عشان ما يبقى في شروط و ما انزل ليكم بليز 🥺