لا الله الا الله
الله اكبر
الحمدلله
اللهم صلي وسلم على نبينا محمد
تاني يوم الصباح
وئام صلت و عملت ليهم الشاي و نزلت لي خالتو ريهام عشان تجهز معها باقي الحاجات الجو كان خرافي رهيب بمعنى الكلمه
خالتو ريهام خلته مع بتاعين التزين في الحديقه ح يعملو الخطوبه فيها بما انو حديقتهم كبيره شديد مشت خالتو ريهام تجهز مع شيماء و كاترين الشيلات
ريما قررت تعمل شعره و المكياج في البيت بمساعدة وئام و كاترين لأنهم مبدعين شديد عشان كذا كانت هي و رهف و ريان بجهزو في صواني الحلاوه
وئام كانت واقفه مع بتاعين الديكور و فجأة جاه عمر
عمر بابتسامه : صباح الخير 🤍
وئام : صباح النور ✨
عمر : بقيتي احسن؟
وئام : اي الحمد لله شكراً ليك شديد بس عليك الله يا عمر ماف زول عارف عن حالتي دي غيرك انت
عمر : ما تخافي يا وئام سرك في بير بس انا معاك وقت ما تحتاجيني ما تخجلي
وئام : بجد شكراً ما عارفه اقول شنو 😭🤍
عمر : ولو رايك شنو نطلع في الجو الرهيب دا؟ تحبي تمشي وين؟
وئام : واي لسه وراي شغل و اجهز ريما
عمر و هو بضحك : ما تتجرسي يا زوله يادوب الساعه 9
وئام : طيب اجهز و اجيك
عمر : تمام ح انتظرك برا 🤍
عمر pov :
اقتنع يا اخوي انت في حب
..
ريان : ماشه وين؟؟
وئام : طالعه سريع سريع مع عمر و جايه ناقصني أصلاً كم شيء لي المكياج اتذكرتهم اسي
ريان : همممم مع عمر enjoy يا Baby
كاترين : طالعه مع عمر لكن و شايفاكم برا تتونسو ساي و هو بتبسم
عمر : احم
ريان و كاترين نططو عيونهم و العجب كاترين ما عارفه تعاين لي وين (وي وي العن ابو الاحراج 🐸)
كاترين : اا اا عمر كيفك
عمر : الحمد لله و انتي
كاترين : في أفضل حال
ريان : وووييين ياا عمر قالت لي وئام ماشين.. ماشين تجيبو حاجات ناقصه لى الميك اب حق ريما جيبو معاكم نايلون (سلمفان تقريباً اسمو؟ 😭 ولا شي زي كذا غايتو بتاع البلاستيك داك البنغلف بي)
أنت تقرأ
ستهم 💕
Fantasyيا سَلْوَةَ الرُوحِ يا حُلْوة الحَياةِ يا قَمَرَ اللَّيالي يا نَجْمَةُ الضِياءِ لا اسمح بسرقة أحداث رواياتي لى الكاتبة / hope lady :-)
