بَــرّ اَلْأَمَــانِ

البارت1

  بَــرّ اَلْأَمَــانِ♡
|1|

لما تكون مدير اعمالي وايدي اليمين ف كل حاجه وتيجي تقنعني اني اشارك شركة زي العدل غرقانه يبقا بتغرقني وبتغرق شركتي معاها يا كريم.

كانت بتكلم بحده وعصبيه نوعاما

كريم: يا دكتوره عائشه صدقيني دي هتكون مكسب لينا فيما بعد
عائشة: فيما بعد هتكون شركتنا غرقت ف القروض معاها ياكريم.. قبل ماتكون مدير اعمالي فا انت ابن خالتي وعارف قد اي ابويا تعب علشان يكبر الشركه دي ببساطة عايز اهد كل اللي بناه؟!!!
كريم: ياعائشه انا مقدرش اعمل كده ولا اقدر انصحك نصيحه تدمر كل ده!! انا عارف كويس عمي تعب قد اي..من صغرنا انا وانتي كُنا بنشوفه وهو بيتمرمط وبيشتغل من صيدليه لصيدليه لحد ماعرف يشتري اول صيدليه لي ويحط اسمه عليها لحد مابقا عنده فروع صيدليات النصر ودلوقتي شركات من اكبر الشركات في الشرق الاوسط.
عائشه: ولما انت لسه فاكر كل ده لي عايزني اوافق علي شركة زي العدل.؟!!
اتنهد كريم براحه وبعدين بصلها بهدوء: شركة العدل دي من اكبر الشركات اللي اي حد كان ممكن يتعامل معاها شركة ليها وزنها ده غير ارباحها والتعقادات اللي مع ناس كبيره احنا نفسنا لسه قدامنا شويه لحد مانعرف نتعاقد مع ناس تقيله زي دي ويكون معانا توكيل.
عائشه: ولما كل ده عند شركة العدل وقعت لي؟
كريم: اولا رفعت العدل توفي مِن سنه ابنه الوريث الوحيد لي كان متعلق بي بطريقه كبيره رغم انه عنده 31سنه بس ابوه بالنسبهاله كان الدنيا كلها كان ماسك معا كل الشركات وابوه كمان كان معتمد عليه في كل حاجه حتي ابسط الامور بعد ماتوفي تقدري تقولي دخل في حاله صدمه.. فقدان الاب بيكسر الضهر تخيلي بقا لما علاقه ابنه باابوه تكون كده هيكون الوضع اي؟!والدته حاولت تروح الشركه وتابع كل حاجه بنفسها بس معرفتش لانه مش مجالها وغير كده مكنش عندها طاقه لانها شبه فقدت جوزها وابنها فابالتالي الشركه بدات تخسر وتعاملات البنك اللي كان بيتعقدوا معاه اتلغت لحد ماشبه وقعت.
عائشه عيونها لامعت بدموع لانها متقدرش تتحمل غياب ابوها يوم فانوعا ما قدرت الموقف واتكلمت بهدوء: طب معندوش اهل ولاد عم اي حد كان يتابع الشركه من بعيد بدل ماتقع كده!!
كريم: عنده ولاد عم 3كمان ونفس المجال بس في بينهم مشاكل بسبب الورث يعني اصلا لو كانوا دخلوا الشركه كانوا نهبوها.
عائشة:انت عرفت كل ده ازاي، ولي عايزني اكون شريكه وادعم شركة زي دي برضو.. والاهم اشمعنا بعد وقوع الشركه بسنه بتفتح موضوع زي ده لي مقولتش من الاول كنت اقدر اساعد قبل كل ده؟!!!
كريم: اولا علشان ابن العدل صحبي من ايام الجامعه مش بنتقابل كتير بس صحاب والدته اكتر من امي انا حاولت علي قد مااقدر اطلعله من الحاله دي بس معرفتش.. ثانيا الشركه دي لو قامت تاني هتعدي لدرجه كبيره فالما نقدر ندعم الشركه دلوقتي ونكون شركاء فيها لما تقوم اكيد هنستفاد كتير وده مش استغلال ده بيزنس وبشرف، ثالثا بقا لان الحمدلله قدر يستوعب اللي حصل ويفوق ويرجع تاني هو مطلبش مني اي مساعده بس انا قولت اقترح عليكي.. واكيد اللي يكون عنده شركة زي دي يبقا اكيد ذكي وبيفهم يابنت خالتي ولا اي.