بَــرّ اَلْأَمَــانِ

البارت ال6

بــرّ اَلْأَمَــانِ♡
|6|

موسى:عائشه انا بحبك.
تجاهلت عائشه كلامه وهي بتزعق: انت ازاي تدخل مكتبي مِن غير ماتخبط
استغرب موسى انها متعصبه علشان مخبطش: باب اي دلوقتي انا بقولك بحبك.!
تجاهلت عائشه كلامه للمره التانيه: اطلع بره.
بصلها موسى بذهول: نعم!!!
عائشه: اطلع بره وخبط وادخل لما اسمحلك.
موسى: لي احنا فِ فصل ولا اي!
صرخت عائشه بصوت عالي: اطـلـع بـره وخـبـط.

ف لحظه موسى كان خرج بره وخبط ع الباب ومستني انها تقوله يدخل.

عائشه بجمود: ادخـل
دخل موسى بتوتر: انسه عائشه انا مِن شويه كُنت بقولك اني بحبك وعايز اكمل باقي حياتي معاكي.
اتنهدت عائشه بضيق: بص ياموسى انا مقدره مشاعرك اكيد وعارفه انها حاجه خارج اردتنا.. انت بتحبني بس انا لا انت مجرد كنت زميل معايا ف الجامعه.

اتراجع موسى خطوه لورا والورد وقع مِن ايده ع الارض وقلبه رافض يصدق كلامها فـ اتكلم بنبره اقرب للبكاء:بس انا بـحـبـك ياعائشه بحبك اوي والله العظيم... اديني فرصه انتي على طول بتصديني مش يمكن لما نقرب مِن بعض تحبيني؟ متجيش على قلبي اللي حبك غصب عني ياعائشه متكسرهوش.

لاحظت عائشه لهجه صوته فـ اتكلمت بحذر علشان متوجعهوش وتحترم مشاعره: صدقيني دي حاجه مش بأيدينا الحُب ده بيخطفك من اول لقاء مش بتحس بي مهما قربنا هفضل شايفاك زميل ليا وبس.
اتكلم موسى بهجوم وهو بيقرب منها وبيشدها من ايديها: وهو خطفك مش كده حبك وحبيتي لي اشمعنا هو ما انا كنت قدامك وجمبك سنين وقبل ماتشوفي لي؟!!!!

شدت ايديها منه بعصبيه: هـو مـيـن ده؟!!!
اتكلم موسى وهو صوته عالي: نـوح اللي انتي بترفضي حُبي ليكي علشانه.
_________________

فى عربيه هارون كان بيتكلم فى التليفون بعصبيه وهو سايق بسرعه:نزل من الشركه ولا لسه؟
_لسه ياباشا ونوح باشا ابن عم حضرتك وصل حالا.

قفل هارون التليفون وهو بيضرب الدريكسون بأيده: لي ياموسى غاوي تكسر قلبك لـــي..لـي اخواتي هما اللي مكتوب عليهم يتكوي بنار الحُب لــي..‌‌كفايه يونس اللي بيضيع مني ودلوقتي موسى!.
_________________
ف مكتب عائشه..

اتكلمت بصوت عالي: احترم نفسك ياابن العدل وانت بتكلم معايا بدل والله اخليك عبره قدام المواظفين.
موسى بعصبيه وهو متجاهل كلامها: قوليلي في اي احسن مني علشان تحبي.. انا مستعد ابيع الدنيا كلها علشانك..
اتنهدت عائشه بنفاذ صبر: يا ابني افهم انا لابحبك ولا بحب ابن عمك ولا بحب العيله بتاعتكوا دي اصلا تقال على قلبي زي الحجر.
موسى بسخريه وعدم وعي: بأماره انك كنتي سهرانه طول الليل معاه امبارح ويعالم حصل اي تاني.