بَــرّ اَلْأَمَــانِ

البارت ال4

بَــرّ اَلْأَمَــانِ♡
|4|

الباب اتفتح ودخل يونس اخوهم التالت وهو بيتكلم ببرود: دي اللي اخوك يونس مغرم بيها وليل نهار بيتابع تفاصيلها

بصلُه موسى بغضب: وانت بقا بتراقبني يا يونس!!!
قعد يونس علي الكرسي وهو بيدعي البراءه: انا ارقبك ده انت اخويا الصغير ياموسى انا بس ببقا عايز اطمن عليك.
موسى بسخريه: وانت مرهف الاحساس والحنان مش كده.
قطعهم هارون بغضب: بس انتو الاتنين.. بص لموسى وكمل كلامه: وانت اقعد بقا وقولي اي حكايتك مع بنت النصر.
موسى بإبتسامة واسعة: بحبها.. لا انا عديت الحُب بمراحل م ايام ما كانت معايا ف الكليه كُنت بتحجج بـ اي حاجه ف المنهج علشان تشرحهالي كانت الاوله ديما ع الدفعه الكُل كان بيلجأ ليها ف المذاكره الا انا رغم مستوايا الكويس كُنت بحب اروحلها.. عائشه دي حاجه نادره مختلفه عن الكُل اي مكان كانت بتكون موجوده ف تلاقيها خطفه الانظار وتخطف قلبي معاها
هارون بهدوء: لي كل ده مش حلوه اوي يعني ف اجمل منها.
قعد موسى ع الكنبه ف النص بين هارون ويونس وهو بيتكلم بهيام:صحيح عيونها مش خضرا ولا شبه البنات اللي بنشوفهم وده اللي مخليها جميله..تقدر تقول جمالها مصري بجد.. وملامحها هاديه عيونها العسلي ورموشها الكثيفه.. حافظ ملامحها بدقه لدرجه اني كُنت بتمني اني اكون رسام علشان ارسم ملامحها.
مال يونس بدماغه علي كتف موسى وهو بيتكلم بسخريه: واي تاني ياموسى ناقص تقول انها ملاك ع الارض.!
اتنهد موسى بحُب: هي فعلاً ملاك جميل.
اتكلم هارون بعصبيه وغيظ فا اتنفض موسى من مكانه: ملاك!!! عائشه دي ملاك؟!! اللي رفضت التعاقد بتاعنا وهزقتني ف شركه استاذ نوح ملاك؟! دي حربايه متحركه ف جسم بني ادم.
موسى بضيق:هارون انا مسمحلكش تغلط فى عائشه اكيد انت استفزتها هي عصبيه شويتين حنيه خالص دمها خفيف اويي رقيقه زي الفراشه.
يونس: البت دي هطفحك كل فراشات العالم بس اصبر واتقل ان مااخدت على قفاك.
موسى: محدش يقول عليها بت دي الدكتوره عائشه دكتوره قد الدنيا انتو سامعني.
هارون بغيظ: لا انت اللي تسمعني كويس اوي البت دي تنساها خالص علشان بالوضع اللي انت في ده ممكن تغرقنا، ومن الاخر كده نوح شكُله بيحبها.
رفع موسى عـيونه بدموع: بيحبها ازاي!!! بس انا بحبها ياهارون من يوم مادخلت الجامعه لحد اللحظة دي وانا بحبها مـسـتـحـيـل بعد حُبي ده كُله تبعد عني.!!
اتنهد هارون بضيق على اخوه: لازم تتقبل الامر وتفهم هي لو كانت بتحبك كانت حبتك من خلال فتره الجامعه.

بصله موسى بانسكار وبص ليونس اللي بضيق وسابهم ومشي..
يونس: مكنش لي اي داعي تجرحه كده على الاقل كُنت شرحتله الوضع با التدريج اخوك مش مجرد بيحبها وبس لا ده تخطي الحُب بكتير انت وجعته ياهارون.
هارون: لا لازم يفهم بالاسلوب ده علشان يفوق عائشه مش سهله وموسى غلبان مش قدها.
يونس: طب انت متأكد ان هي بتحب نوح فعلاً او مرتبطين يعني؟
هارون: مش متأكد بس لما قامت تتناقش معايا وتدخل بكل بجاحه ف موضوع الشركه وهي ملهاش اي صله أصلا وابن عمك قاعد بصصلها وعينه بطلع قلوب يبقا ف حاجه بينهم.
يونس: اممم والعمل موسى مش هيتراجع ولاهيشلها من دمُاغه.
هارون: هبقا افكر بعدين ف الموضوع ده حاليا دماغي فيها مليون حاجه... اتفضل روح شوف وراك اي