بَــرّ اَلْأَمَــانِ♡
|5|
من مسافه بعيده كان واقف موسى وهو بيضغط علي ايده بغيظ وعيونه بتلمع بدموع وهو شايفها ماسكه ايد نوح ونظراته ليها.. جز علي اسنانه بتوعد: عائشه ليا انا اللي حبتها الاول مش من حق اي حد تاني يقرب منها.. كفايه لحد كده يانوح..
اتحرك اتجاهم بسرعه وغضب كبير.. لحد ماقطع طريقه يونس وهو بيقف في وشه:علي فين ياقلب امك احنا مش هنخلص بقا ولا اي.
موسى: ابعد عن شويه يايونس انا جوايا بركان وغضب لو خرج هيولع في الكل..
يونس:لو خرج هبقا انا اطفهولك.. يلا معايا.
موسى:معاك علي فيين ابعد عن وشي انا مش صغير علشان تراقبني وتيجي ورايا بالشكل ده
يونس: لا صغير ودي حركات مراهقيين.
موسى: انت عــــايــز اي منيي ابعدوا عني بقا.
يونس: عايزينك كويس وعاقل مش طايش... تعاله معايا دلوقتي مش عايزين فضايح.
شده يونس من ايده بسرعه وخرجوا بره النادي وهو بيركبوا عربيته..
موسى بسخريه: هارون هنا كمان؟!! لدرجه دي شايفني عيل اوي كده!!
بص هارون ليونس انه يتحرك بالعربيه وتجاهل كلام موسى..
______________________
في النادي...
قعد نوح علي الكرسي بتعب وهو بيقلع الاسكيت وبيتكلم بإبتسامة: مش عارف اقولك اي ياعائشه بجد بقالي كتير محستش اني فرحان كده.
عائشه: متقولش حاجه المهم انك بقيت احسن من الاول.
بصلها بتعجب وهو مش فاهم قصادها اي لحد ماوضحت بهدوء: كريم حكالي علي الظروف اللي مريت بيها…حقك انك كُنت تاخد وقتك في الزعل وتحاول تستوعب فُراق والدك بس الغلط انك سمحت لزعل ياخدك ويوقف عقلك عن مسؤاليتك.
اتنهد نوح بعمق:عندك حق بس غصب عني لاقيت نفسي وحيد من غيره انا مليش صحاب غير كريم اللي اصلا بشوفه كل فين وفين ياموجود معايا لما تحصل مشكله ياموجود لما يكون في فرح واغلب الوقت بنكلم بعض شات.. انما بابا كان معايا في الشركه والبيت والحفلات كان بيشاركني كل حاجه بحبها.. مليش اخوات بس هو كان معوضني اوي.. فا لما بعد اوي كده حسيت ان الدفاء اتبدل لبرود اني لوحدي فعلاً حاسس ببرود في جسمي ومهما اتقل في لبسي احس برد اكتر وقتها عرفت ان قلبي هو اللي بردان وفاضي من غير وجود ابويا حواليا.
عائشة كانت متأثره اوي بكلامه: عارف حاسه بيك علشان انا برضو مليش اخوات بس بابا معوضني وقريب مني زي والدك كده لدرجه انه لما تعب ودخل المستشفي كنتُ حاسه قد اي الدنيا فاضيه من غيره.. احنا ملناش غير اهلنا…ربنا يرحمه ويخليلك والدتك اللي لازم علشانها تكون اقوي من كده.
نوح: بحاول اعمل كل اللي ربنا يقدرني عليه علشانها…انا اسف حاسس اني نكدت عليكي
ابتسمت عائشه: بالعكس انا سعيده انك حكيتلي واعتبرتني زي كريم.
نوح:وانا سعيد اني شوفتك.
بصت عائشة ف الارض بإحراج هو لاحظه فااتكلم بحنان: تأكلي ايس كريم؟
رفعت عائشه عيونها وهي بتبصله بحماس: موافقه جداً.
______________
أنت تقرأ
بَــرّ اَلْأَمَــانِ
Randomكـنـتُ غَـارِقْ في مُـنـتَـصٓـف الـبَــحْــر.. لَـكِـن حِـيـنَـمَـا جَـائت و مـدت يـديــهـا لـي الي بَــرّ اَلْأَمَــانِ وقـتـهـا غَـرقـت في سَـحَـرٌ عـَـيـنـيـهـا الي الأَبَـد♡
