ريش العنقاء " آلَذهِبّـــــــي"

آلَريـــــــّــشـــــــهِ آلَآوُلَى

سلام بنيات 🫀
#fatima Al najam

#ريش العنقاء الذهبي 💛

~ اسمي هنا عمري ٢٠ ولدت بقريه عائلتنه تتكون من اب زوجتين و٣ اولاد و ٣بنات

أنا وأخوي واختي من ام
واخواني الاثنين من زوجة ابوي الثانيه
عايشين بقريه بين النخل والشجر والثمار والنبات تكدر تتعايش مع الطبيعه بعيداً عن الناس واذيتهم بس اكو مشكله عائليه عندنه الولد افضل من البنت حتى لو ما قدم ولا شي الهم والبنت فنت عمرها من أجل ارضاهم يعتبروها واجب عليها احنه البنات نكعد من الصبح ناس تروح للخضرا وناس تروح للشجرات وكل وحده منجلها بخاصرتها وتفتر لكيت حجيه خاشوكه

- يااااا ولج هنا بعدج ما تزوجتي
- حجيه شتريكتي
- استكانت جاي
- حجيه أنا حتى الاستكانه ما شربتها فدؤء اغديلج ماريد اسمع نفس الموال والله دايخه

~ رجعت اشتغل بكل حب ابستان ابوي ومن خلصت فتحة دفتر عباره عن اوراق مخيطه انطانيه الكتاب وانطاني قلم ويا وكعدت اكتب رفعت راسي شفت اخوي ابن ابوي يدور ب الحشيش شوي وطلع باروده بلاول خفت بعدين فكرت اذا ما ضرني لا اني ولا اخواني شدخلني كملت الكتابه وخليته الدفتر والقلم جوا عبايتي وشديت العبايه حطيت المنيل بخاصرتي ورحت للبيت لأن صار مغرب

راحت اختي روزا تسوي اكل طبعاً بدون صلاة لأن محد علمنه شوي ودخل ابن ابوي يلهث وكأن جان يركض

روزا - شبي هذه
هنا - عندي حجي وياج وراح العشاء
- اريد اسوي مكانس
- وانا هم عندي حياكه بس لازم انتي تعرفين
ام هنا - خلصت الاكل الولد ماتو من الجوع

~ استعجلنا وصبينه العشا انتظرناهم وأخذنا الي باقي واكلنه اي احنه ناكل فضالتهم اذا خلص وإذا جانو جواعنين انام بدون عشا لأن ما نلكه شي

روزا - خير
- شفت اخوج أخذ السلام من البردي وراح يركض وتوا إلى رجع
- الله يستر من هذه شراي طلايب
~ رفعت راسي ودعيت ما يلوحنه طشارهم اتوقع ما وصل دعائي لأن صار رمي قوي فوك البيت أنا ورزا بسرعه دنكنه

روزا - خير شنو هذه
- اهدي اهدي بعد اختج
~ روزا تخاف من صوت الرمي

~ من بعد ما عرفت اخونا المصون كاتل ابن شيخ وضاح صارت كعدات ومصيبه واجت الوقت الي عمري ما اتمنى من دخلت ابوي

ابو هنا - هنااا كومي سبحي والبسي ملابس حلوه وعبايه
~اجت امي تركض وتحجي وهي تلهث
- خير شنو شسوي ب البنيه
- هنا راح تصير عروسه
- لا تكول راح تنطيها فصليه
- ومنين اجيب فلوس الفصل يعني
جانت امي تشهك وتبجي - بساتين عندك تقط عين الشمس
- وشتردين ابيع بساتيني
- چا تنطي بنتي
~اجت مرت ابوي واردفت
- ما علينه هسه وليدي وين بخير
~ طلعت من صدمتي وانا احجي بصياح
- عساج لا شفتي الخير لا انتي ولا ابنج دمرتوووووو حياتييي من شفتج ولهذه اليوم ما شفت الراحه الله لا يوفقج ما احس إلى ابوي صفكني طيحني ب الكاع
حجه بعصبيه
- بدلي لا اسحلج من شعرج واذبج ب الديوان
- رجال اسم الله عليك تتقوا على طفله عمرها ١٧
~ ما احس إلى سحلني ويصيح على مرت ابوي جيبلي عباااايه