ريش العنقاء " آلَذهِبّـــــــي"

ريشه 18

مساء الخير

#ريــّـش آلَعنقــــــآء ﴿آلَذهِبّـــي﴾💛

#fatima Al najam

●▬▬▬▬๑۩ ۩๑▬▬▬▬▬●

الجوهره- المشكله انتي بديل يا ليالي

ذكرى- ومو اي بديل

_ بديل ؟ لا تخوفني عفيه

الجوهره - روحي ليالي بعدين احنه نتصل ونكلج انتي مقبوله أو مرفوضه

ذكرى - اكيد ما راح نخليها تشتغل هنا مستحيل هيج هيج فارس راح يشوفها

يتناقشن بصوت عالي وانا صافنه وماعرف شنو موضوع البديل وهنَ ما يرضن يحجن عن الموضوع الي صحاني من تفكيري هو صوت الباب يندك

ذكرى - تفضل ، إء أهلاً اركان

اركان- اجيت أخذ اوراق نسيتهن البارحه يمج

الجوهره - اي اي انطيهن ذكرى

- اي ادورهن وادزهن بيد الموظفين روح هسه انتَ

هو ما انتبه الي وهنَ جانن خايفات يشوفني

اركان - شبيجن خايفات ومتوترات شكو صاير شي

ذكرى - لا اركان ما صاير شي بس تعبانين شوي

_اي تمام لعد باي دزي الاوراق مو تغلسين ... او نو

جان داير وجهة منطيني ظهره واول ما دار وجهة أنصدم وانا يبسن رجليه وما نطقت ولا حرف ركضت الجوهره وخلت أيدها على كتفه

اركان - مروه شجابج

الجوهره - عفيه اركان اول مره اطلب منك طلب فدؤه ماريد فارس يعرف حبيبي ماما

اركان - وشجابها يمجن

ذكرى- هاي مو مروه هاي اسمها ليالي صفيه جابتها تريد تخلي هاي البنيه بديل المروه وأفعالهن

اركان - بس

الجوهره - يشابهن صح ما اختلفنا بس شنو ذنبها المسكينه

اركان - وهو شنو ذنبه

ذكرى - ذنبه حب مروه الي حامله دم صفيه

الجوهره - ماما لا تفكر بس بابن عمك ، فكر بهاي البنت شنو ذنبها

ليالي - مدام ممكن اروح

ذكرى - ثواني

انصدمة لمن شفت ذكرى مقعده وكاعده على كرسي متحرك يعني هي هاي البنت الي كالت عنها نور هي الي دبرت الها صفيه حادث وصلت يمي وكالت